Joeli 3:16 - KITABU KITAKATIFU

¹⁶ Yahova ahuumaa kutura mu kiguru cha Ziyoni; mwoyo gwigwe gwatuluruka kutura mu Jerusalemi; lirova ni ligulu videgera. Navuzwa alakinga vandu veve.

Joeli 3:16 ပူးပေါင်းရင်းမြစ်များ

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 29:11

Yahova ahaanaa zinguru ku vandu veve, kandi avagasizaa ni mirembe.

Zaburi 61:3

Kigira ivi oveeye uvuhaliru vwange, ukingaa inzi kutura ku vasigu vange.

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Isaya 33:16

Maku ulava ni mirembe ivi ulava mulilinda kuli umundu oveeye mu zimbinga zie zinguru. Ulava ni viukulia kandi amazi gukunwa.

Isaya 33:21

Yahova alakakumanyia kunyi uvukumi vwivwe. Kulamenya ahimbi ni migera migalamu kandi notogera, navuzwa zimeri ziu vulwani sizileelema kujo mba.

Isaya 42:13

Yahova atulaa kuzia kulwaana kuli mulwaani aveeye nuvuha kandi yetegeki kulwaana. Aveeye ni lilira lie liihi, kandi lihanzuka liu vulwani; amanyia zinguru zizie ku vasigu veve.

Isaya 51:16

Mali kuviika makuva gange mu munwa gugwo, nguvisi mu chiriri chu mukono gwange; ndaavambura ligulu niinzava muse gwi lirova, mbolera munyi avandu va Jerusalemi: ‘Munyi muveeye avandu vange.’ ”

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 17:17

Utava litihiza ku inzi mba, kigira ivi oveeye likingwa liange lwu vudinyu vuzaa.

Ezekieli 38:19

Nandizaa mu vutima vwange vululu ndi, ku lidiku liene yilio, lidegera linene naliveho mu kivala cha Isiraeli.

Hosea 11:10

“Inzi Yahova, ndahuuma kuli isimba ku avasigu vaavo, kandi avana vange valirana nivadegera kutura Imadioli.

Amosi 1:2

Amosi yavoola, “Yahova afumaa kutura mu kiguru cha Ziyoni; nu mwoyo gwigwe guhiligana kutura mu Jerusalemi Vwayiru vulaniala, na vunyasi vwi kiguru cha Karimeli vulagilungana kufwana amalova.”

Amosi 3:8

Lwi Isimba ihuuma, nivwaha unyala kuvula kutia? Lwa Yahova Nyasaye amali kovora, nivwaha unyala kuvula kuporofeta makuva geege?

Nahum 1:7

Yahova aveeye mulahi; akingaa vandu veve mu ing'inga yu vudinyu alindaa yavo avaazaa kuye.

Haggai 2:6

Mu ing'inga engekeeke ndadegeliza ligulu ni lirova, kivala kandi inyanza.

Haggai 2:7

Ndakaguuti zihiiri ziosi, kandi vutugi vwavo vulakaletwe hano. Litembeli lilakave nu vutugi vunyingi.

Zekaria 10:12

Ndakahaane zinguru ku vandu vange; valakasigamiri kandi valakatie inzi.” Yahova umali kovora.

Zekaria 10:6

“Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

Zekaria 9:12

Mwilane, munyi avandu vazia mu vuhaambe vamuveeye ni lisuuvirizwa kalunu; mwilane mu kivala chiinyu chi mirembe. Kalunu muvooleraa, ndakahaane kandi madanyi ku munyi kuvita haali kaviri nu vugasu kolondekana nu vusaliri vwinyu.

Vahebraina 12:26

Mwoyo gwigwe gwa degeriza lirova ing'inga yeyo, navuzwa kalunu umali kukusuuviriza ndi, “Ing'inga yindi kandi sindadegeriza lirova lienyine, navuzwa ligulu kandi.”

Likunula 11:13

Ku ing'inga yene yeyo, liali ho ni lidegera linene ligali lie lirova. Ikidieli kilala ku likomi chi lidaala chaagwa hasi, kandi avandu 7,000 viitwa ni lidegera lie lirova yilio. Avandu vatigara, vaali nu vuti ovonene ligali; kandi vakuminya Nyasaye wu mwigulu.

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.

Likunula 16:18

Viali ho zimbeni, zinguba ni lidegera lie kivala kandi yili liali lidegera linene lie lirova ilikiri kuva ku ho kutura ing'inga Nyasaye yalomba umundu mu lirova. Yili liali lidegera lie lirova linene ni lidamanu kuvita agandi goosi.

1 Samweli 15:29

Nyasaye Wuvunyali, wa Isiraeli siaveehaa kandi siagirunganyia zing'anagani zizie mba. Siaveeye mundu kandi sianyala kugirung'anyia zing'anagani zizie mba.”