Joeli 2:10 - KITABU KITAKATIFU

¹⁰ Lirova lidegera imbiri wazio; ligulu lidegera. Liuva nu mweli vimwaminyiywi, zing'ereng'ani sizing'ereng'ana kandi mba.

Joeli 2:10 ပူးပေါင်းရင်းမြစ်များ

Zaburi 114:7

Odegere O, ivi lirova, ku liza lia Yahova, odegere imbiri wa Nyasaye wa Yakobo,

Zaburi 18:7

Maku lirova liosi liadegera na imise ji vigulu jadengeya. Kigira Nyasaye yaali nu vutima.

Isaya 13:10

Zing'ereng'ani ziosi ziu muligulu si zilahaana uvulavu mba, liuva lilava kuli kisundi lwalitonga, kandi mweli sigulahaana uvulavu mba.

Isaya 34:4

Liuva, mweli, ni zing'ereng'ani zilavunguluka hasi ku lirova. Ligulu liliringa kuli likaratasi liringangwa, kandi zing'ereng'ani zilagwa hasi kuli amatu ga makuyu anoho misaala ja makuyu.

Isaya 5:30

Lwa lidiku yilio liliduuka, zilahumira Isiraeli vudinyu ligali kuli lihuma lie inyanza eveeye nu vutima. Henza ku kivala yiki! Kisundi ni kivi! Uvulavu vukunikiywi ni kisundi.

Jeremia 4:23

Ndahenza ku lirova naliali mang'anye kandi ndahenza muligulu na vulavu sivwalimu mba.

Joeli 2:2

Na live lidiku lie kisundi kandi liovovereri, lidiku lia malesi kandi kisundi kenene. Zisigi zinyingi ziza kuli kisundi kenene kufumaa vigulu. Sihaalikuho ni kindu kuli yiki mba, kandi sikilivaho mba.

Joeli 2:31

Liuva lilamwaminywa, kandi mweli gulava mwakanyu kuli masahi lidiku linene liukutihiza lia Yahova likikiri kuduuka.

Joeli 3:4

“Mugerizaa kongolera kindu ki munyi avandu va Tiro, Sidoni na vandu vosi va Filisitia? Munyi mugerizaa kumbanza kisaalia? Nimukora ndio, ndiranyia kisaalia ku munyi vwangu!

Amosi 5:8

Yahova yalomba zing'ereng'ani: Pleiadesi na Orini. Agringanyia kisundi kuva umbasu, na umbasu kuva uvudiku. Alanganga amazi kutura mu zinyanza, nu kugazuka ku kivala. Lieta lilie liveeye Yahova.

Nahum 1:5

Vigulu videgera imbiri wa Yahova; vigulu vikekeke vivunguluka imbiri weve. Lirova lidegera lwa Yahova alolekaa; kivala kandi avandu vamenyi mu vadegera.

Matayo 24:29

“ Inyima wi linyang'ana lia madiku yago, iliuva lilamwaminywa, mweli si guliaka; zing'ereng'ani zilakaaguluki kutura mwigulu; ni vindu viosi viezingulu viu mwigulu vilakadengeyizwi.

Matayo 27:51

Hene yaho, inguvu yi Litembeli yatanduka mu hagati kutura yigulu kuduuka hasi. Lirova liadegera, amagina ni gadika,

Vikolwa 2:20

liuva lilava kisundi, na umweli gulava mwakanyu kuli amasahi; lidiku linene liu vukumi vwa Nyasaye nilikikiri kuduuka.

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.

Likunula 6:12

Ndaalora kandi Mwana wi Ligondi navoholora umuhuri gwa sita, na henza liali ho lidegera linene kandi liuva liamwama kuli ligunia lialombwa ku uvwoya uvumwamu, nu umweli gwosi gwakanya kuli amasahi.

Likunula 8:12

Engelosi ya kane yakuba kisiriva chiche. Ikidieli kilala ku vivaga chi liuva chaduywa, kandi chu umweli kandi kidieli kilala chi zing'ereng'ani, ma nivigotiza kidieli kilala ku vivaga chu uvulavu vwavio nikigwa kisundi. Maku kidieli kilala ku vivaga chu muvasu chagotizwa kandi kidieli kilala ku vivaga chu vudiku kandi chagotizwa.

Likunula 9:2

Eng'ereng'ani zana yakunura gehena yicho nu umwoki gwatula mu kuli gutulaa mu kisambiru kenene. Liuva nu uvwerefu viosi viamwama kigira umwoki gwatura mu.