Jeremia 9:3 - KITABU KITAKATIFU

³ Vaveeye avetegeku vuli ing'inga kovora ovovehi. Kuvula kuvaho nu vusuuvirifu vwamihi ikivala kuvita uvusuuvirifu. Yahova avoora, “Avandu vange vakora uvudamanu ku vundi, kandi sivambugilira kuli Nyasaye wavo mba.”

Jeremia 9:3 ပူးပေါင်းရင်းမြစ်များ

Litanga 39:16

Maku yavika inguvu ya Josefu kuduuka lwu munene weve yaza.

Tsing'ano 12:5

Avandu avalungi valakokolera vulahi, navuzwa vandu vachamu valenya kukugada.

Isaya 1:3

Zing'ombe ziamanya mwenezio kandi zibunda ziamanya mwenezio ahazilihizilaa. Navuzwa avandu vange Isiraeli sivamanyi mba, kandi sivahulira mba.”

Isaya 3:5

Vuli mundu alakolera wache goosi aganyala. Avayaayi si valahaana luyali ku avakulundu vaavo mba, kandi avandu vataveeye nuvunyari si valahaana luyali ku avanene vaavo mba.

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Isaya 9:18

Uvudamanu vwa vandu vusamba kuli muliru gudivizaa visaka via mafa kandi nu lutavati. Vusamba kuli muliru gwu mumulitu uguvuyizaa igulu mwoki muliduhu.

Jeremia 12:6

Kali avamwavo vovo, avandu vinyumba yooyo yene, vamali kukuzaama; vasanga mulingililwa liilio. Utavasuvira mba kali niiva vamoloma amakuva malahi.”

Jeremia 22:16

Yaali ni likalaga lirungi ku avadaka, kandi vwali vulahi kuye. Yiki nicho kivuni kumanya Yahova.

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 5:4

Maku ndaavoora, “Yava vaveeye vuzwa avadaka kandi si vamanyi ikindu mba. Si vamanyi aga Yahova yenya mba, kandi si valoondanga lilago lia Nyasaye wavo mba.

Jeremia 5:5

Ndazia ku avandu vaveeye nuvunyari, kandi ndamoloma navo; kigira vamanya aga Nyasaye wavo yenya, kandi aga Yahova yenya vakole.” Navuzwa vosi vamali kusura zinguru zia Yahova, kandi si venya kumuhulira mba.

Jeremia 6:28

Vaveeye vosi avibaali vahindagirizi, avadinyu kuli mugasa nikivia. Vosi vaveeye avuvwoneku vazizaa yiyi nayiyi nivalandiza vovehi.

Jeremia 7:26

Navuzwa si yaliho kali mulala uwatia anoho uwahulira mba. Muvogono yivwo, mwagwa avadinyu ligali kandi avibaali kali kuvita avaguuga vinyu.

Jeremia 9:5

Vuli umundu aveheraa mutende weve, kandi siaveeyeho kali mulala ovola agiligali mba; vayiga okovoola vugadi vakoolaa uvudamanu kandi varuha kwiganira.

Jeremia 9:8

Zinimi ziavo ziveeye kuli mivano juvuta; zivoolaa ovovehi vuli ing'inga. Vuli mundu amolomaa amang'ana malahi kumutende weve, navuzwa mugiligali amutegaa mutego.

Ezekieli 8:13

Maku Yahova yambolera kandi, “Ulavalola ni vakora kali vindu vinyingi ligali viu kuvihiliza kuvita yivi.”

Danyeli 11:27

Maku avami vaviri yava valakikale nu kulira komesa indala, navuzwa zing'anagani ziavo zilakave zindamanu, kandi mulala alakagade wache. Si valakanyore chavenyaa mba, kigira ing'inga ya cho ilakave nikikiri kuduuka.

Kyavalevi 19:11

“Mutiiva mba, Mutagaadi mba, Mutaveherani mba.

Marko 8:38

Niiva umundu woosi alava esoni kigira inzi na amigizu gange mu likula litaveeye na Nyasaye yiyi, kandi lichamu maku Mwana wa Adamu alakave zisoni naye lwaliiza. Zingelosi mu vukumi vwa Baba weve harara ni vatakatifu veve.”

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Vikolwa 24:9

Avayuda vahambana kandi kudinyiriza amayaalo yago kuva agiligali.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

Varumi 3:13

Amakuva gaavo gaizula uvugadi vwitaa ovovehi vuturaa vuzwa mu minwa jaavo, iminwa jaavo jivoolaa makuva gu kwita kuli vusungu vwenzoka.

1 Vakorintho 15:34

Mwirane mu zing'anagani zienyu zinuungi kandi muleke kokora vwoni kazozo. Valala ku munyi simumanyi Nyasaye ligali mba. Mboraa yaga, ku muviika mu zisoni!

Vafilipi 1:28

Mutatia avasigu vinyu mba; muve avaluviriri kazozo. Yiki kilava ekelolero kuvamanyia ndi valagotiza navuzwa munyi mulaguuta, kigira Nyasaye niyie uhaanaa ku munyi iliguuta.

Yudasi 1:3

Avalina vange avayaanze, ndaali nu vuha ligali kumung'odera amakuva kigira vohonyi vwa kwosi kusangaa mu, lwa ndalora ndi gandukira mung'odere vwangu kumudinyiriza muzizagiliri kulwaanira lisuuvira lia Nyasaye amali kuhaana ku vandu veve.

Likunula 12:11

Avaamitu vamali kuguuta Setani kuvitira mu amasahi gu Mwana wi Ligondi, kandi ni likuva lie ligali lie Ivangeri yaavalandiza, kandi vavugilira kuhaana livamwoyo liavo kukuza kigira lisuuvira liavo mu Yeso Kristo.

Vakalagi 14:17

Mukali wa Samusoni yalira kumadiku saba goosi agiliilia. Navuzwa ku lidiku lia saba Samusoni yamuvolera amativuli gulugano zana, kigira yamuniga kuvita kegero. Umukali uyu yavolera vandu va Filisitia.

Vakalagi 2:10

Likula liene yili liosi liakuza, kandi likula lialonda ku liivilira Yahova harara na gayaali niyaakolera Isiraeli.

1 Samweli 2:12

Avayaayi va Eli vaali avadamanu ligali; sivahaana ku Yahova luyali mba,