Jeremia 9:23 - KITABU KITAKATIFU

²³ Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Jeremia 9:23 ပူးပေါင်းရင်းမြစ်များ

Ayubu 32:13

Mwilindi, gase mulavoola, ‘Kalunu kumali konyoora ovogeri.’ Nyasaye niyie unyala kutivulira Ayubu, siaveeye mundu mba.

Ayubu 41:15

Mugongo gwayo gwalombwa ni zimbaso zie inguva, ziagerekana harara kandi zindinyu ligali kuli ligina.

Zaburi 33:5

Yahova ayaanza uvulungi kandi likalaga lirungi. Lirova lizuuyi vuyanzi vwivwe uvutali ne keheri.

Zaburi 34:3

O, mulandizi harara ninzi, ovonene vwa Yahova. Kwizominye lieta lilie harara!

Zaburi 44:9

Navuzwa kalunu, ivi umali kokoleka kandi umali kukuviika mu liguutwa, sinzizaa harara na mahi giitu kuzia kulwaana avasigu viitu mba.

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Tsing'ano 11:4

Uvutugi sivulakokolela kindu kilahi ku lidiku liilio lie likuza mba, navuzwa vusuuvirifu vulakohonyia.

Tsing'ano 21:30

Vogeri vwu mundu, vwideri kandi limanyiriza si viveeye novokonyi niiva Yahova yamusula mba.

Tsing'ano 3:5

Usuuviri Yahova nu mwoyo gugwo gwosi. Utasuvira zing'anagani zizio mba.

Kohelethu 2:19

Hawundi anyala kuva mugeri anoho musiru, nivwaha umanyi? Navuzwa alakavuguri vuli kindu choosi cha mali konyoora mu liyinzira vudinyu no vogeri vwange mu kivala yiki. Yaga goosi gaveeye vuzwa.

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Isaya 10:8

Aveeye ni liegingira kovora ndi, “Avanene vange vosi vaveeye avami!

Isaya 20:5

Yavo avaari ni lisuuvira mu Ezopia, kandi avigingiraa kigira Egebeti, valava nuvuti kandi ni zisoni ligali.

Isaya 47:10

“Mwayanzilira kokora uvudamanu, mwaganagana ndi mundu kali mulala siyaali anyala kumulora mba. Ovogeri kandi limanya lienyu viamugotiza, kandi mwavoora mu mioyo jinyu, ‘Kunyi koveeye Nyasaye, siaveeye ho nu wundi kuli kunyi mba.’

Isaya 5:21

O, vayaayi, kivi keveeye ku yavo aviiganaganaa ndi vaveeye avageri, kandi aviganaganaa ndi vaveeye nilimanya!

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Jeremia 48:14

“Munyi avandu va Moabu, kigira ki muganaganaa ndi muveeye avaluviriri, kuli avasikari vi zinguru mu liihi?

Jeremia 48:7

“Munyi avandu va Moabu, mwasuuvira mu zinguru zienyu kandi mu vutugi vwinyu, navuzwa kalunu kali mulaguutwa; munyasaye winyu Kemoshi alahirwa mu lihaminywa, harara na avanene veve kandi avasaalisi veve.

Jeremia 49:4

Kigira ki munyi avandu vataveeye nilisuvira mwidayaa? Munyi muguutwa. Kigira ki musuuviraa mu zinguru zienyu kandi muvooraa siaveeyeho unyala kogeliza kumwingilira mba?

Ezekieli 29:9

Kivala cha Egebeti nakitigale amang'anye. Maku numanyilizi ndi inzi mbeeye Yahova. “Kigira wavoola ndi mugera gwa Naili nugugwo, kandi ni ivi wagolomba,

Ezekieli 7:19

Navasiuvi zizahabu ni zifeza ziavo mu zinzira, nazive kindu kitaveeye kilahi. Izahabu ni feza yaavo sinivahonye mu lidiku liuvutima vwa Yahova vululu mba. Yivi viosi si vilavakola kwiguta mba, kigira izahabu ni ifeza yavo vimali kuvakola kwikigatira nukuzia mu vwoni.

Danyeli 3:15

Nonoho lwa muhulira kisiriva, lilele, lidienyi, inangoli, lidulele, vukana ni mioyo ji vikubaa viosi mwiname hasi na musigamiri kifananyi. Niiva si mulakola ndio, hene yaho mulasiuvwa mu lomemo lwu muliru. Muganaganaa haveeye ho nu munyasaye unyala ku muhonya?”

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Zefania 1:18

Ku lidiku yilio lwa Yahova alakamanye vutima vwivwe vululu, kali zifeza ni zizahabu ziavo ziosi sizilakavahonye mba. Muliru gwu vutima vwivwe gu lakadivizi kivala choosi. Nonoho alakaleete keheri ku vuli mundu woosi omenyi ku lirova.

Marko 10:24

Aviigi vagenya ku makuva yaga. Yeso yavavolera kandi, “Vana vange, voveeye vudinyu umutugi kwingira mu Vwami vwa Nyasaye!”

Varumi 1:22

Kali niiva vavoola aveene ndi vaveeye vageri, na ng'ani navasiru;

1 Vakorintho 1:31

Kunangwa Mang'oda Matakatifu gavoora, “Uyu wenyaa kwekonya, gamudukira yekonyere miyinzi ja Nyasaye amali kokora mu Kristo.”

Kwidzulitsa 8:17

Kunangwa mutiiganagana ndi mumali kwekola avatugi munyi aveene kuzinguru nuvunyari vwa makono ginyu mba.

Vafilipi 3:10

Icha inzi nyenya ku viosi ni kumanya Kristo, no kolola izingulu zie ilisimuguka lilie, nduuki kusanga mu uvusaliri vwivwe, nu kuvwa kuli oyo mu likuza lilie,

Vafilipi 3:8

Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

1 Samweli 17:42

na lwa yahenza Daudi vulahi ligali, yakolera Daudi kehenyahenye, kigira yaali vuzwa muyaayi mulahi, wiligondo lilahi.