Jeremia 9:15 - KITABU KITAKATIFU

¹⁵ Kunangwa huliri aga inzi Yahova Wuvunyali, Nyasaye wa avandu va Isiraeli nziza kokora: Inzi ndaha avandu vange ivitagwa vilulu valie kandi isumu vanwi.

Jeremia 9:15 ပူးပေါင်းရင်းမြစ်များ

Zaburi 60:3

Ivi umali kokora avandu vovo kusalira vululu ligali. Kuguyaguyaa vuzwa yiyi ni yiyi kuli avandu vahambiki iwaini.

Zaburi 69:21

Lwa ndaali ni inzara, vaamba chukulia kilulu kuli isumu; kandi lwa ndaali nu vuluhu, vaamba chukunwa kilulu kuli isiki.

Zaburi 75:8

Yahova ugumiyi kekombe mu mukono gwigwe, nichizuyie iwaini induru yu vutima vwivwe. Agisundulaa ichova na avandu vachamu vosi vu mulirova, vaginwezaa; yee, vaginwezaa ku engelageriza yu kumalirika.

Zaburi 80:5

Ivi okoheeye liverera kulie kuli kulizaa mugadi, kandi okoheeye amaliga kunwi kuli kunweza amazi.

Isaya 2:17

Luyaayi lwu mundu lulagehizwa, kandi liegingira liu mundu lilikizwa. Maku Yahova yeng'ine alakahevwe luyali mu lidiku yilio.

Isaya 2:22

Mutaviika lisuuvira lienyu mu avandu mba, kigira vaveeye kuli umwika. Vaveeye na vokonyi ki?

Jeremia 23:15

“Kunangwa, yaga nigo aga inzi, Yahova Wuvunyali, mboraa kigira vaporofeti va Jerusalemi: inzi ndavaha vitagwa vilulu valie kandi isumu vanwi, kigira vamali kulandiza agataveeye guvulungi mukivala choosi.”

Jeremia 24:10

Ndaleta iliihi kuvo, inzara kandi uvulwaye kuduuka vosi valadivi. Si halakaveho kali na mulala ulitigala mu kivala cha ndaavaha harara na avaguuga vaavo mba.”

Jeremia 25:15

Yahova, Nyasaye wa avandu va Isiraeli, yambolera, “Mbeeye nu vutima uvunyingi kuli kekombe chizuuyi iwaini. Vugula kekombe yiki chuvutima vwange uhili ku zihiiri ziosi zia Inze ngutumaa kuzio, na uvakole kunwa iwaini yiyi.

Jeremia 44:27

Inzi ndalora ndi munyi si mulagasizwa mba, navuzwa muladivizwa. Munyi vosi avamenyi mukivala cha Egebeti mulakuzira mu liihi anoho mulakuza kigira inzara, kuduuka mwosi muhere.

Jeremia 49:37

Inzi ndalomba avandu va Elamu kutia avasigu vaavo, avenya kuvadiviza. Muvutima vwange vonene ndadiviza avandu va Elamu kandi ndatuma amahi kuvo kuduuka lwa mbadiviza vosi.

Jeremia 8:14

Avandu va Nyasaye vateva, “Kigira ki kwikali hano makiriri? Gendi kunyaguli kuzie mu madaala manene gi zimbinga, na kukuziri uwene yeyo. Yahova Nyasaye wiitu umali kukukalagira likuza; umali kukuha isumu kunwi, kigira kumali kokora uvwoni kuye.

Lisyoma lya Jeremia 3:15

Yanwehiza amazi malulu kuzingulu, kandi ninzigutiza niviukulia kandi niviukunwa vilulu.

Lisyoma lya Jeremia 3:19

Liganagana kigira lidambizwa liange niligendagenda liange, liveeye isumu induru.

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Ezekieli 5:2

Lwi likumberiza lie lidaala lihera, uvuguli kedonye chukutanga ma ukisambiri hagati hi lidaala zana yili. Uvuguli kedonye chakaviri okikalanyie ni kivavi lwa ovodongana ichova wi Lidaala yili. Usalanyie kedonye cha kavaga kunangwa imbuza iduuki kukiduminya, na ndakelondelera ni kivavi change.

Kwidzulitsa 28:36

“Yahova alamuhila harara nu mwamihi munene winyu mukivala kegeni, uwa munyi anoho avaguuga vinyu vavura komenya maziambiri. Uwene yeyo, mulasigamira avanyasaye vavaazwa ku misaala namagina.

Kwidzulitsa 29:18

Mulole ndi siaveeyeho nu musaza anoho mukali avinyumba anoho ihiiri, usingiyi hano kalunu ugirung'anaa kutura ku Yahova Nyasaye wiitu, azie kusigamira avanyasaye vi zihiiri zindi. Yiki kilava kuli muli guvirukaa kuva kitagwa kilulu kandi chu vusungu.

Likunula 8:11

Lieta lia eng'ereng'ani zana liveeye “Uvululu.” Ikidieli kilala ku vivaga cha amazi gaagwa amalulu. Avandu avanyingi vaakuza lwa vanwa ku amazi yaga, kigira gaali malulu.