Jeremia 8:15 - KITABU KITAKATIFU

¹⁵ Kwahenzelera kove mu mirembe, navuzwa uvulahi sivwaali ho mba; kandi kwahenzelera kove mu mirembe nilihonywa, navuzwa kwaali mu litihizwa.

Jeremia 8:15 ပူးပေါင်းရင်းမြစ်များ

Ayubu 30:26

Navuzwa lwa ndahenzelera uvulahi, uvudamanu vwaduuka. Kandi lwa ndalindilira nyoore uvulavu, kisundi chaduuka.

Jeremia 12:12

Engereka wivisuru vie viangalangwi, avandu vamali kuuza ku valanya. Mali kutuma uvulwani kwononyia kivala choosi; siaveeyeho kali mulala oveeye mumirembe mba.

Jeremia 14:19

Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 4:10

Maku ndavoora, “Yahova Wuvunyali, ivi umali ligali kovehera avandu va Jerusalemi! Umali kovora mirembe jilavaho, navuzwa kivavi kilaviita.”

Jeremia 6:25

Kutazia ichova mumilimi anoho kogende kuzinzira, kigira avasigu vaveeye nivivavi kandi litihiza liveeye muzimbega ziosi.”

Jeremia 8:11

Vakora kuli zingwagu zia avandu vange ziveeye vuzwa lwiyago. Vavoola, ‘Goosi gaveeye amalahi,’ lwa goosi gataveeye amalahi mba.

Ezekieli 7:25

Likuza mwoyo liduka mulenya mirembe navuzwa si valajinyoola mba.

Mika 1:12

Avandu va Marozi valinda nu vuha konyoora livoholorwa, kigira Yahova umali koleta lidiviza ahimbi ni lidaala linene lia Jerusalemi.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.