Jeremia 52:13 - KITABU KITAKATIFU

¹³ Yasamba Litembeli, inyumba yu vwami, harara ni zinyumba ziosi zia avandu vanene mu Jerusalemi;

Jeremia 52:13 ပူးပေါင်းရင်းမြစ်များ

1 Avami 9:8

“Litembeli yili lilagwa kitumi cha mang'anye, kandi vuli mundu mulala uvitira ho alegosa nokogenya. Alateeva, ‘Kigira ki Yahova naakora ndi ku kivala yiki kandi ku Litembeli yili?’

2 Avami 25:9

Yasamba Litembeli lia Yahova, inyumba yu vwami, harara ni zinyumba zia avandu vanene mu Jerusalemi,

2 Kyetsinyinga 36:19

Yasamba Litembeli lia Nyasaye kandi lidaala linene harara nizinyumba ziuvwami zialio, kandi nivononyia uvutugi vwalio naduya lidigi lie Lidaala.

Zaburi 79:1

O, Nyasaye, avandu vizihiiri vamali kwingira mu kivala chicho. Vamali kwononyia Litembeli liilio Litakatifu, kandi vakoli Jerusalemi kuva amang'anye.

Jeremia 19:13

Zinyumba zia Jerusalemi zinyumba ziavami vi Vuyuda - zinyumba ziosi zievihanwa vie vimuli visambirwa kuvisegese viazio kuduuka umwigulu, kandi uwa isadaka yukunwa imali kusundulwa kuvanyasaye vandi, vilononywa kuli havundu ha Tofezi.”

Jeremia 21:10

Inzi mali kukalaga sindaleka lidaala yili mba, navuzwa ndalidiviza. Lilaheevwa ku mwami wa Babiloni kandi alalisamba numuliru lishie ligali. Inzi, Yahova mali kovora.”

Jeremia 21:14

Navuzwa inzi ndamuha amageri kigira agamumali kokora. Ndasaamba zinyumba zienyu ziuvwami kandi muliru gulasamba vuli kindu keveeye himbi. Inzi Yahova, mali kovora.”

Jeremia 22:14

O, vayaayi, kivi keveeye ku mundu ovola, “Inzi ndiyumbakira inyumba yange enene ligali, eveeye ni ving'oze viuvwiyangu muzigorofa; aviiki amadirisha munyumba yeye, kandi akunikaa madigi gayo ni zimbaho zie midaragwa, kandi avakaku irangi inzakanyu.”

Jeremia 32:29

Valahambiza muliru ku lidaala liene yili, nukulisamba ligali; harara ni zinyumba zia avandu vaanomba kuva nu vutima ku lisaamba vimuli ku Baali ku visegese vie zinyumba, kandi ku lisundula vihaanwa vie Iwaini ku avanyasaye vandi.

Jeremia 34:22

Nambane lilaga, kandi navirane mu lidaala yili. Vaza vavingiliri, navaligumiri ma navalisambe numuliru. Nangore madaala gi Ivuyuda nagagwi kuli changalangwi havundu humundu atamenyi. Inzi, Yahova, mali kovora.”

Jeremia 38:23

Maku ndaameeda kovora, “Avakali vovo vosi kandi avana vovo vosi valahirwa ku avandu va Babiloni, na ivi mwene siulahononoka kutura kuvo mba. Mwami wa Babiloni alakokola kuva umuhambe, kandi lidaala linene yili lilasambwa nu kudivizwa ligali.”

Jeremia 6:5

Kulingilira havudiku; kuladiviza zimbinga zielidaala.”

Jeremia 7:14

Kunangwa agandakola ku Shilo, ndakora ku Litembeli liange yili, iliamwali ni mwasuuvira mulio. Havundu yaaha ahandahaana ku avaguuga vinyu kandi ni munyi, ndakora kindu kilala chere cha ndaakola ku Shilo.

Lisyoma lya Jeremia 2:5

Yahova amali kudiviza Isiraeli kuli umusigu. Yadiviza kali zinyumba ziu uvwami vwavo kandi zimbinga zie lidaala linene ziatigala mang'anye. Yameda ku vandu vi Ivuyuda lisioma kandi liverera linyingi.

Lisyoma lya Jeremia 2:6

Yasambula havundu haavo hokomenya hatigala kuli mulimi, kandi yakola havundu haavo havatovola hukuvuganira kuva amang'anye. Yamali koheriza lidiku liavo lie lisavo kandi lisabato mu Ziyoni; yamali kuviika vutima vwivwe vululu ku avami kandi avasaalisi.

Lisyoma lya Jeremia 2:7

Yahova amali kusura uvwali vwivwe kandi yamala koleka Litembeli lilie Litakatifu; yaleka avasigu kusambula madigi gi zinyumba ziavo ziu vwami. Vahaanzuka nokokola liyoga mu Litembeli kuli lidiku lie lisavo.

Lisyoma lya Jeremia 2:8

Yahova amali kusaavira kusambula madigi gi lidaala lia Ziyoni. Yavika kimanyiru kolola ndi amadigi goosi gadiviziywi. Minaara harara na madigi, kalunu vitigaye mang'anye.

Ezekieli 16:41

Navasambe zinyumba zienyu kandi navaleke muganda gwa vakali kolola amageri gamuhezaa. Ndaaza mukore kolekera kuva amalaya kandi na mukore namuleke kuhaana vihaanwa kuvayaanze vinyu.

Ezekieli 24:21

mbolere munyi avandu va Isiraeli makuva yaga: munyi mwigingiraa kigira Litembeli liezingulu. Mwayaanza kulihenza kandi kuzia mulio, navuzwa Yahova azizaa kuliononyia. Avana vinyu avakaana na vayaayi avalitigala mu Jerusalemi valakitirwi mu vulwani ni kivavi.

Amosi 2:5

Kunangwa ndatuma muliru ku Ivuyuda na ndasamba zimbinga zie lidaala linene lia Jerusalemi.”

Amosi 6:11

Kunangwa, lwa Yahova ahaanaa lilaga, zinyumba zinene nizingekeke ziladuywa ziigwe makindi.

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Zekaria 11:1

Mwiguli viliango vienyu, O, Lebanoni, kunangwa muliru guduuki kusamba ligali misaala ji midaragwa jinyu!

Matayo 24:2

Navuzwa yavativulira, “Muloraa ivindu yivi viosi? Agiligali muvooleraa, si lilakatigale hano ligina kali lilala ni lisiingiyi mu vogono vwalio mba; goosi galakavunguluki.”