Jeremia 51:39 - KITABU KITAKATIFU

³⁹ Lwavava ni vaveeye ni nzara, ndavalombera lilia, kandi ndavakora valie kandi vanwi ni vasaangala. Valagona na sivalavuka kandi mba.

Jeremia 51:39 ပူးပေါင်းရင်းမြစ်များ

Zaburi 13:3

O, Yahova, Nyasaye wange, ombeenze na undivuliri. Unzilanyili zinguru ziange, na utaandeka nguzi mba.

Jeremia 25:27

Maku, Yahova yambolera, “Ovoolere avandu ndi, Inzi Yahova Wuvunyali, Nyasaye wa avandu va Isiraeli, mbalagaa vanwi iwaini yiyi kuduuka lwa vahambika kandi valuki, valagwa hasi kandi si valavuka mba, kigira iliihi lia ndetaanga hagati haavo.

Jeremia 48:26

Yahova yavoola, “Munyi avandu va Moabu, mulakolwa kuva kuli avahambiku, kigira mumali kwibaala ku inzi. Mulagalagala mu maluki ginyu aveene, kandi avandu valamusekeriza.

Jeremia 51:57

Ndakora avanene vaavo kandi avasaza vovogeri, avamihi vaavo kandi aviimiliri vaavo, na avasikari vaavo vahambiki. Valazia kogona na si valavuka kandi mba. Inzi, mwami, Yahova Wuvunyali, mali kovora.

Danyeli 5:30

Vudiku vwene yivwo, mwami Belishaza wa Babiloni yitwa.

Nahum 1:10

Valagoyanira hagati ha mafwa kuli avandu vaveeye vahambiku; valasambwa nu muliru kuli amavivi amuumu.

Nahum 3:11

Munyi avandu va Nineve, mulakahambiki! Mulakagelizi kwiluka kutura ku vasigu vinyu.

Nahum 3:18

Avami va Asiria, avamihi vinyu vamali kukuza, kandi avatumikiri vinyu vamali kukuza mihiga ni mihiga! Avandu vinyu vasalanyiywi ku vigulu. Siaveeyeho nu mundu unyala kuvavungiza kandi mba.