Jeremia 51:29 - KITABU KITAKATIFU

²⁹ Kivala kedegeraa kandi chisungusikaa kigira Yahova adukizaa lilohiza lilie kokora Babiloni changalangwi, wu mundu avula komenya.

Jeremia 51:29 ပူးပေါင်းရင်းမြစ်များ

Isaya 14:16

“Avandu vakuza vakohenza nu kukwumika ligali. Valavoora ku ivi ndi, ‘Uyu niye umundu wasungusa lirova kandi nalomba uvwami ni vodegera?

Isaya 24:20

Lirova liene lilayekayeka kuli muhambiki nukuhunguzwa kuli kidioli kinuyangwa mu imbura yi kiihi. Lirova liminiywi nuvuliduhu vwa uvwoni vwalio; Lilagwa na sililasingira kandi mba.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Jeremia 50:13

Kigira uvutima vwange siaveeyeho nu mundu kali mulala ulimenya mu Babiloni mba; nalitigale amang'anye, kandi vosi avaliviitira ahimbi kulio navegose kandi navagenye.

Jeremia 50:36

Likuza ku avaporofeti vaavo vovovehi, vaveeye avasilu! Likuza kuvasikali vaavo, vaveeye nuvuti ligali!

Jeremia 50:43

Mwami wa Babiloni uhuliyi makuva mageni, kandi makono geege sigaveeye nizinguru kali hakuzu mba. Umali kugumirwa muvuzunu, uvuzunu kuli vwumukali oveeye mu lilumwa liu mwana.

Jeremia 50:45

Kunangwa hulira lilohiza liamali kolomba kigira lidaala linene lia Babiloni, kandi chang'anagana kokolera avandu valio. Kali avana vaavo navakungwi, kandi vuli mundu naave nuvuti ligali.

Jeremia 50:46

Lwa Babiloni iligwa, nalive liyoga iliaza likore kivala choosi kodegera, kandi mwoyo gwi lilira liavo gulakahuliriki hagati hi zihiiri.”

Jeremia 51:26

Sililavaho ligina kali lilala kutura ku mang'anye googo ililakatumikilwi kwumbaka mba. Ulakave kuli changalangwi mihiga ni mihiga. Inzi Yahova mali kovora.

Jeremia 51:28

Mwetegekizi zihiiri kulwana Babiloni. Mutumane avami va Media, aviimiliri vaavo harara navanene vaavo kandi amahi goosi gi vivala via vamiiha mu.

Jeremia 51:37

Kivala yicho cha Babiloni kilagwa kitumi cha mang'anye, havundu hi zinyama ziu muvulimu zilakamenye. Kilakave kivala chu vuti; mundu sialakamenye mu mba, kandi vosi avalolaa kivala yiki, valakave nuvuti ligali.

Jeremia 51:43

Tudaala twalio tumali kugwa litihiza, toveeye kuli changalangwi chumu, havundu hu mundu anyala kuvula komenya kandi kali kogenda mba.

Jeremia 8:16

Avasigu viitu vadukikale mu lidaala linene lia Dani; kuhuliraa lihuuma lie zibarasi ziavo. Kivala choosi kedegeraa lwi zibarasi ziavo zifuumaa. Avasigu viitu vazi kudiviza kivala chietu kandi ni vindu viosi viveeye mu, lidaala lietu linene harara na avandu vamenyi mu.”

Joeli 2:10

Lirova lidegera imbiri wazio; ligulu lidegera. Liuva nu mweli vimwaminyiywi, zing'ereng'ani sizing'ereng'ana kandi mba.

Amosi 8:8

Na kulwayago, lirova liladegera, na vuli mundu omenyi mu kivala alava mu kivi. Kivala choosi kiladengeyizwa, na kilasinuka nukugwa kuli mugera gwa Naili.”

Likunula 18:2

Kandi yahanzuka nu mwoyo gwi zinguru navoora, “Limali kugwa! Lidaala linene lia Babiloni limali kugwa ovomenyo vwa mademoni, kandi ugwiyi ovomenyo vwa amanyonyi madamanu na gukuvihiliriza goosi.