Jeremia 51:27 - KITABU KITAKATIFU

²⁷ “Muhaane kimanyiru chu kwingilira! Mukubi kisiriva kunangwa zihiiri zihuliri! Mwetegekizi zihiiri kulwaana Babiloni! Muvoolere uvwami vwa Ararati, Mini, na Ashikenazi vingiliri Babiloni. Mutovole munene ave mwimiliri wi liihi. Muleete zibarasi kuli muganda gwi zisigi.

Jeremia 51:27 ပူးပေါင်းရင်းမြစ်များ

Litanga 10:3

Visukululwi via Gomeri viali avandu va Ashikenazi, Rifazi na Togama.

Litanga 8:4

Ku lidiku lia 17 liu mweli gwa 7, liato liasingira ku kiguru cha Ararati.

2 Avami 19:37

Lidiku lilala, lwa yaali nasigamira munyasaye weve Nisiroki mu litembeli, avayaayi veve vaviri, Adurameleki na Sharezeri, vamwita ni kivavi, ma ni vilukira mu kivala cha Ararati. Muyaayi weve wundi Esarihadoni yavugula ovogono vwivwe kuli mwami wa Asiria.

1 Kyetsinyinga 1:6

Visukululwi via Gomeri vaali avandu va Ashikenazi, Rifazi na Togama.

Isaya 18:3

Muhuliri, munyi avandu vamenyi ku lirova! Muhenze ku kelelero chebendera kiligingwa igulu ku vigulu! Muhulirizi lwi kisiriva kilikubwa!

Isaya 37:38

Lidiku lilala, lwa yaali nasigamira munyasaye mu litembeli liu munyasaye weve uwalangwa Nisiroki, avayaayi veve vaviri, Adirameleki na Sharezeri, vamwita nivivavi viavo, ma nivahalira mu kivala cha Ararati. Muyaayi wundi walangwa Esarihadoni - yamiha mu vogono vwivwe kuli mwami.

Jeremia 25:14

Ndahaana amageri ku avandu va Babiloni kigira uvudamanu vwosi vwa vamali kokora. Avami avanene harara ni zihiiri zinyingi zilavaguuta nukuvakola kuva avatugwa.’ ”

Jeremia 46:23

kandi naadiviza mulitu munene ligali. Avandu vaavo vaveeye avanyingi ligali va utavalizwa mba; avasikari vaavo vaveeye avanyingi ligali kuvita zisigi.

Jeremia 50:2

“Ovolere izihiiri amakuva malahi! Ugalandizi! Uhaane kelolero ma ulandizi makuva malahi! Utagaviika mu vwivisu mba! Babiloni ilakaguutwi! Umunyasaye wavo Mariduki umali kosekerizwa! Ivifananyi via Babiloni viveeye muzisoni, ivifananyi vialio viukuvihiliriza vidiviziywi!

Jeremia 50:3

“Ihiiri kutura Ivaale imali kuuza nukwingilira Babiloni kandi ilaliloomba kuva changalangwi. Avandu ni zinyama valiruka kandi siaveeyeho kali mulala ulimenyayo mba.”

Jeremia 50:9

Nziza koleta muganda gwizihiiri ziezingulu kutura Ivaale kandi ndazikola kwingilira avandu va Babiloni. Navalombe zimbaso muliihi nukwingilira kivala nukukiguuta. Vaveeye avahizi vuvusiza, mivano jukulasa sijizizaa halovega mba.

Jeremia 51:12

Muhaane kimanyiru chu kwingilira amadigi ga Babiloni. Mukore avasikari kuva ni zinguru! Muvatumi vazie kogoneka nu kuvingilira!” Yahova amali kokora aga yavoola alakola ku avandu va Babiloni.

Jeremia 51:14

Yahova Wuvunyali umali kwisuuha mwene ndi, alaleeta avasaza avanyingi kwingilira Babiloni kuli muganda gwi zisigi, na valava ni lihanzuka lie liguuta.

Jeremia 51:28

Mwetegekizi zihiiri kulwana Babiloni. Mutumane avami va Media, aviimiliri vaavo harara navanene vaavo kandi amahi goosi gi vivala via vamiiha mu.

Jeremia 6:1

Avandu va Benjamini, mwiruki munyore lihonywa! Muhononoke kutura ku avandu va Jerusalemi! Mukubi kisiriva mu Tekoa kandi mwumbake kimanyiru chu muliru mu Bezi Hakeremi. Kivi ni liononyia viveeye ahimbi kuuza kutura Ivaale.

Joeli 3:9

“Uhaane lilandiza yili ku zihiiri: ‘Mwetegeke vulwani; mulange avasikari vinyu vuvulwani; muvungizi avasikari vinyu harara na mutange ologendo!

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

Zekaria 14:2

Yahova alakaleete zihiiri ziosi harara kulwaana Jerusalemi. Lidaala linene yili lilakavugulwi, zinyumba zialio zilakalanywe, na vandu vasaza valakonogonye vakali. Inusu ya vandu vamenyi mu valakazie mu vuhaambe, navuzwa valitigala sivalakatulizwi mu lidaala linene mba.

Vakalagi 6:5

Vaza ni mitugu jaavo harara na mahema gaavo nivafaana kiduma chi zisigi. Izing'amia ziavo harara naveene ziali izitanyara kuvalizwa. Vingira mu kivala yicho nivachononyia ligali.