Jeremia 51:24 - KITABU KITAKATIFU

²⁴ Yahova avoora, “Mulalora inzi nimbanza kisaalia ku Babiloni harara na vandu valio kigira uvwoni vwosi vwa vaakora ku Jerusalemi.

Jeremia 51:24 ပူးပေါင်းရင်းမြစ်များ

Zaburi 79:10

Kigira ki avandu vi zihiiri vakoteeve ndi, “ Nyasaye winyu aveeye haliha?” Leka kolole ivi nuhaana amageri ku zihiiri yizi kigira vamali kwita avatumikiri vovo.

Isaya 48:14

“Muvugane mwosi harara, kandi mu mbulirizi munyi mwosi! Avulaho mulala ku avanyasaye vinyu uwaali unyala kuvuula ndi umundu wa inzi mali kotovola alingilira lidaala linene lia Babiloni; alakola aga inzi mali kusaavira gakolwe ku vandu va Babiloni.

Isaya 61:2

Yaanduma kwilwaza ndi, ing'inga imali kuduuka, lwa Yahova ahonyia avandu veve, kandi alaguuta avasigu veve. Yaanduma koleminya mioyo ja yavo vosi avasioma.

Isaya 66:6

Muhulirizi! Liyoga lie kivihiri kutura mu lidaala linene, huliri mwoyo yigwo kutura mu Litembeli, goveeye mwoyo gwa Yahova nahaana mageri ku avasigu veve!

Jeremia 25:14

Ndahaana amageri ku avandu va Babiloni kigira uvudamanu vwosi vwa vamali kokora. Avami avanene harara ni zihiiri zinyingi zilavaguuta nukuvakola kuva avatugwa.’ ”

Jeremia 50:10

Babiloni lilaranywa, na yavo avalilanya navavuguli kindu choosi chavenyaa. Inzi, Yahova mali kovora.”

Jeremia 50:15

Mukubi zikwiri zie liihi mu lidaala linene liosi! Kalunu Babiloni imali kwiyama. Madigi galio gamali kuduyanywa nukugwa. Inzi mbanzaa kisaalia change ku vandu va Babiloni. Kunangwa munyi muvanze kisaalia kuvo, kandi muvakolere kuli vaakolera avandi.

Jeremia 51:11

Yahova amali kusinyikiza avami va Media, kigira asaaviyi kudiviza Babiloni. Alakola ndio kuvanza kisaalia kigira vayononyia Litembeli lilie. Avanene vi Liihi liukwingilira vamali kulaga ndi, “Muhiagale mivano jinyu ju vuta! Mwetegekizi zinguva zienyu!

Jeremia 51:23

Ndaakutumikira kusinza avayi harara ni viayo viavo, kusinza vasaza avalimi harara ni zigiriki ziavo ziu kuliminya; ndaakutumikira kuduvuranyia avamihi kandi avanene vaavo.”

Jeremia 51:35

Leki avandu va Ziyoni vavoole, “Vwakaveeye vulahi avandu va Babiloni vadulwi ku vutindi vwakoleka ku kunyi!” Leki avandu va Jerusalemi vavoole, “Vwakaveeye vulahi avandu va Babiloni kudulwa ku uvusaaliri vwitu!”

Jeremia 51:49

Babiloni yaleeta likuza ku avandu vanyingi vi lirova, na kalunu Babiloni ilagwa kigira yaleeta likuza ku avandu va Isiraeli. Inzi, Yahova mali kovora.”

Jeremia 51:56

Avasigu vamali kuza kudiviza Babiloni; avasikari valio vamali kugumirwa, kandi vamali kuvunanyia mivano jaavo ju vuta. Inzi mbeeye Nyasaye uhaanaa amageri ku vudamanu. Ndakolera Babiloni kuli gavadukiraa.

Lisyoma lya Jeremia 3:64

“O, Yahova, uvahe amageri ku agavamali kokora.

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

Likunula 18:24

Babiloni lianyora amageri kigira amasahi gavaporofeti na vandu va Nyasaye, Yee, amasahi ga avandu viitangwa ku lirova, galoleka mu lidaala linene.

Likunula 6:10

Navo vaalira nu kuhanzuka nu mwoyo umunene nivavoora, “O, Mwami wi zinguru, wu luyali, mutakatifu kandi wi ligali, kuduuka ing'inga ki, ivi ulalindagira uvuli kukalaga nu kuvaanza kisaalia chi liitwa lietu ku vandu avamenyaa mu lirova?”