Jeremia 50:46 - KITABU KITAKATIFU

⁴⁶ Lwa Babiloni iligwa, nalive liyoga iliaza likore kivala choosi kodegera, kandi mwoyo gwi lilira liavo gulakahuliriki hagati hi zihiiri.”

Jeremia 50:46 ပူးပေါင်းရင်းမြစ်များ

Isaya 15:5

Mwoyo gwange guliliraa Moabu! Avandu virukiyi mu lidaala lia Zoari, kandi kuduuka Egilazi Shelishiya. Valala vanigira kunzira izizaa Luhizi, nivasioma lwa vaziza; valala virukira Horonaimu nivasioma ligali.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Jeremia 46:12

Zihiiri zimali kuhulira zisoni zienyu; vuli umundu umali kuhulira nimulira. Musikari mulala yichigatira ku wundi ma vosi vaagwa.

Jeremia 49:19

Kuli isimba itulaanga mu mulitu munene ahimbi ku mugera gwa Jorodani nukuzia mukivala chuvwayiru vuvisi, nonoho inzi ndaaza nzize nokokola avandu va Edomu kunyagula kuzia ihale kutura mukivala chavo. Maku mwimiliri wa nditovoola alakamiihi ihiiri. Nivwaha unyala kufwananywa na inzi? Nivwaha wakaagelani na inzi? Ni mwami ki wakahing'ani ni inzi?

Jeremia 49:21

Ku lihulirika lieliigwa liavo, kivala choosi na kedegere; mwoyo gwi lilira liavo gulakahuliriki ku Inyanza inzakanyu.

Jeremia 51:29

Kivala kedegeraa kandi chisungusikaa kigira Yahova adukizaa lilohiza lilie kokora Babiloni changalangwi, wu mundu avula komenya.

Jeremia 51:54

Yahova avoora, “Hulirizi umwoyo gwi lilira mu Babiloni, gwi lisioma kigira lidiviza lie kivala cha Babiloni.

Ezekieli 26:18

Kalunu avandu vamenyi ahimbi kunyanza valadegera ku lidiku lie liigwa liilio; avandu vamenyi mu visulu vienyanza, vaveeye nuvuti kigira lidivizwa lienyu.”

Ezekieli 27:28

Lihanzuka liayavo avaari mumeri liahulirika kulwuginga, kivala choosi chadegera.

Ezekieli 31:16

Lwu musaala yigu gulakakuzi nukuzia mu kivala cha vakuzu, lihulirika lie liigwa liagwo lilakadegerizi zihiiri. Misaala josi ja Edeni kandi misaala josi mitovole kandi milahi ja Lebanoni, ijasamwa mazi vulahi, ijiveeye hasi ku lirova, jilakasangaliri liigwa liu musaala yigu.

Ezekieli 32:10

Agandakakole ku ivi galakola zihiiri zinyingi kogenya. Avami vaavo valadegera nu vuti vunyingi lwa sung'usa kivavi change imbiri wavo. Ku lidiku lieligwa liilio, vosi valakadegere nu vuti kigira livamwoyo liavo.”