Jeremia 50:42 - KITABU KITAKATIFU

⁴² Vamali kuvugura uvuta vwavo nivivavi; vaveeye avalulu kandi vugira zimbavasi. Vahulirika kuli inyanza ihuuma, lwa vahiraa zibarasi ziavo. Vaveeye avetegeke kulwaana vandu va Babiloni.

Jeremia 50:42 ပူးပေါင်းရင်းမြစ်များ

Zaburi 46:6

Zihiiri zihumaa mu vuti, zitihizwa nu vwami vodengeyizwa; Nyasaye amolomaa nu mwoyo kuli gwi inguba yatulukaa, lirova lisalulukaa.

Zaburi 74:20

Wizulizi lilagana lia walomba ni kunyi. Haveeye ho nuvutindi vuli havundu hi kisundi mu kivala.

Isaya 14:6

avadambizaa avandu mu vutima, kandi si valekera kudambiza zihiiri zia vaali nivaguuti mba.

Isaya 47:1

Yahova avoora, munyi avandu vi lidaala linene lia Babiloni, “Mwiki hasi kutura kondeve yinyu yu vwami, mwikale hasi mu luguchi. Mwaali kuli mukaana mugima, wi lidaala lia Kalidei, navuzwa kalunu simulava avimioyo mike anoho avadedekere mba. Kalunu muveeye kuli avatugwa!

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Isaya 5:28

Mivano jaavo juvuta ni miugi ligali, nuvuta vwavo vwetegeki kulasa. Zimbagayu zie zibarasi ziavo ziveeye zindinyu kuli magina; virenge via magare gaavo gu vulwani vinyagulaa kuli kihuzuzi.

Isaya 5:30

Lwa lidiku yilio liliduuka, zilahumira Isiraeli vudinyu ligali kuli lihuma lie inyanza eveeye nu vutima. Henza ku kivala yiki! Kisundi ni kivi! Uvulavu vukunikiywi ni kisundi.

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 47:3

Navahuliri muliviti gwi zibarasi, muliviti gwa magare gu vulwani, kandi lihulirika lia magurudumu. Avababa sinavagirung'ane nukwikivuka kigira avana vaavo mba; makono gaavo nagaleme.

Jeremia 50:14

“Vasaza vukulasa uvuta, muzie mulwaane avandu va Babiloni kandi muvakumbilizi. Muvalase mivano jinyu josi, kigira vamali kokora uvwoni ku inzi, Yahova.

Jeremia 50:9

Nziza koleta muganda gwizihiiri ziezingulu kutura Ivaale kandi ndazikola kwingilira avandu va Babiloni. Navalombe zimbaso muliihi nukwingilira kivala nukukiguuta. Vaveeye avahizi vuvusiza, mivano jukulasa sijizizaa halovega mba.

Jeremia 51:27

“Muhaane kimanyiru chu kwingilira! Mukubi kisiriva kunangwa zihiiri zihuliri! Mwetegekizi zihiiri kulwaana Babiloni! Muvoolere uvwami vwa Ararati, Mini, na Ashikenazi vingiliri Babiloni. Mutovole munene ave mwimiliri wi liihi. Muleete zibarasi kuli muganda gwi zisigi.

Jeremia 8:16

Avasigu viitu vadukikale mu lidaala linene lia Dani; kuhuliraa lihuuma lie zibarasi ziavo. Kivala choosi kedegeraa lwi zibarasi ziavo zifuumaa. Avasigu viitu vazi kudiviza kivala chietu kandi ni vindu viosi viveeye mu, lidaala lietu linene harara na avandu vamenyi mu.”

Ezekieli 26:3

“Kalunu yaga nigo aga Inzi, Mwami Munene Yahova, mboraa: munyi avandu va Tiro, Inzi mbeeye musigu winyu. Ndaleta zihiiri zinyingi kumwingilira, kandi zilaza kuli viguvuli vie inyanza.

Joeli 2:5

Lwa zitumatuma ku zindongozi zie vigulu, zinyagura kuli muliviti gwa magare gu vulwani; zihumaa kuli vulimu vwumu vusambwa. Zilomba zimbaso kuli amahi manene gu vulwani getegeki kulwana.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.

Likunula 16:6

Kigira, vaatahiza amasahi ga avatakatifu vovo na gavaporofeti, na ivi umali kuhaana kuvo amasahi vanwi, nindio vaduukana vakolwe.”