Jeremia 50:11 - KITABU KITAKATIFU

¹¹ Yahova avoora, “Avandu va Babiloni, munyi mwalanya kivala change. Munyi muveeye nuvuyanzi kandi nuvusangali, muzizaa yiyi na yiyi kuli eng'ombe esenasena vuswage anoho kuli muliviti gwi zibarasi,

Jeremia 50:11 ပူးပေါင်းရင်းမြစ်များ

Zaburi 22:12

Avasigu vanyingi vaangumbirizi kuli zigiriki; vosi vaangumbirizi kuli zigiriki zimbalava kutura mu kivala cha Bashani.

Tsing'ano 17:5

Mundu osekerizaa umudaka anyegaa Nyasaye wamulomba. Oyo uyaanziliraa kivi alanyoola mageri.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Isaya 47:8

“Kalunu muhuliri yaga, munyi avandu vamenya mu liiva liu kwiyaanziza, munyi avaganaganaa mwahona. Musuuviraa muveeye avanene kuli Nyasaye, kandi siaveeye ho nu mundu wundi kuli munyi mba. Mwaganagana simunyala kuva avakunzakali mba anoho avana vinyu sivanyala kukuza mba.

Jeremia 12:14

Yahova avoora, “Inzi mbeeye nichokovoola ku vatende va Visiraeli avamali kwononyia kivala chandaha avandu vange Isiraeli. Ndahira avandu vachamu yavo ihale kutura muvivala viavo kuli musaala gwihiywi, kandi ndasoora avandu vi Ivuyuda kutura muvo.

Jeremia 46:20

Egebeti eveeye kuli eng'ombe eveeye indahi ligali navuzwa ligugu limali kujingilira kutura Ivaale.

Jeremia 46:21

Kali avasikari vaavo vagulwa vaveeye vuzwa kuli vimoli. Sivali vanyara kusingila nukulwana mba; vosi vagirung'ana ni viruka. Lidiku lie lidivizwa liavo liali niliduuki, ing'inga yaavo yukudivizwa.

Jeremia 5:28

kandi kigira vaveeye avakomeru ligali kandi avanifu. Si vaveeye nekeheri ku vikolwa viavo vidamanu mba. Sivahaana ku avavisandu agadukanaa navo mba, anoho si vamanyia likalaga lirungi ku avadambi mba.

Jeremia 5:8

Vaali kuli zibarasi zing'omeru ni likayirwa lia vakali. Vuli mundu samulala yaali ni lienya kuva nu mukali wu mutende weve.

Jeremia 50:17

Yahova avoora, “Avandu va Isiraeli vaveeye kuli magondi gakungwa kandi gasalanywa nizisimba. Vingilirwa mulitanga nu mwami wa Asiria, kandi mwami Nebukadineza wa Babiloni yamenena ivigumba viavo.

Jeremia 50:27

Mwiti avasikari vaavo vosi! Muvasinzi! Avandu va Babiloni vadiviziywi! Ing'inga imali kuduuka iyavahevwa mageri!”

Lisyoma lya Jeremia 1:21

“Huliriza kuli kokenya siaveeye ho nu mundu unyala kokoleminya mwoyo mba. Avasigu viitu vosi vaveeye nuvusangali kigira ivi waakoleetela kivi. Ivi waakuduukiza lidiku lia walaga kokora avasigu viitu vasaaliri kuli kunyi kusaalira.

Ezekieli 35:15

kuli mwasangalira lidivizwa lia vandu Vaisiraeli miandu jange, kunangwa inzi ndamukora kuva hazwa, kiguru cha Seiri, yee, kivala choosi cha Edomu, ndakikola kuva hazwa. Maku vuli mundu woosi alakamanye ndi inzi mbeeye Yahova.”

Ezekieli 36:5

“Inzi Yahova Wuvunyali mali kovora mu vutima vwange vululu ku zihiiri ziamukumbeliza, kukila ligali avandu va Edomu. Vaavugura kivala change harara ni miandu jacho josi ni liekonya kandi ni lilegeriza.

Hosea 10:11

“Avandu va Isiraeli vigizwa vulahi kuli kemoli chigizwa vulahi ichetegeki kuhuura uvuswage. Navuzwa ndaaganagana kuviika iniira ku mavega gayo amalahi kuvakola kuyinzira vudinyu. Avandu vi Ivuyuda valalima na vandu va Isiraeli valavusa.

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Obadia 1:12

Ng'ano mwavura kohenzerera avamwavo vinyu lwa vaali mu kivi Ivuyuda. Ng'ano mwavura kusangalira lidiku lia vadivizwa: ng'ano mwavura koseka lwa vaali mu vusaliri.

Habakuk 1:15

Avandu va Babiloni vagumira vandu ni zindoani kuli zisuzi. Vavang'usaa kutura mumuluvo kandi vahanzuka nu vusangali kuli vavagumiyi!

Zekaria 14:12

Yahova alakaleete vulwaye vudamanu ligali ku zihiiri zilileta vulwani ku Jerusalemi. Miviri jaavo jilakagundi nivakikiri mwoyo; zimoni ziavo kandi zinimi ziavo zilakagundi.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.