Jeremia 5:28 - KITABU KITAKATIFU

²⁸ kandi kigira vaveeye avakomeru ligali kandi avanifu. Si vaveeye nekeheri ku vikolwa viavo vidamanu mba. Sivahaana ku avavisandu agadukanaa navo mba, anoho si vamanyia likalaga lirungi ku avadambi mba.

Jeremia 5:28 ပူးပေါင်းရင်းမြစ်များ

Ayubu 12:6

Avanuuli vaveeye nu murembe, kandi avavihirizaa Nyasaye, vaveeye mu vulindi vulahi kandi mu mirembe, nyasaye wavo ni zinguru ziavo.

Zaburi 119:70

Avandu yava si vaveeye ni limanyiriza mba, navuzwa inzi nyooraa lisangala mu lilaga liilio.

Zaburi 72:4

Leka mwami akalagiri avadaka vulahi; leka akonye avilienya kandi aguuti avadambizi vaavo.

Zaburi 73:12

Nindio avandu vachamu vaveeye; avaveeye mu lielemeriza kazozo, kandi vameedeka uvutugi vwavo vuli ing'inga.

Zaburi 73:4

Sivaveeye nu vuzunu mba, navuzwa vaveeye avagulu kandi avalamu.

Tsing'ano 15:25

Yahova alasambula zinyumba zia vandu vaveeye avelori, navuzwa alakinga miandu ja vakunzakali.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Jeremia 2:33

Munyi mumanyiriza ligali vulahi kuli munyala konyoora avayaanze! Kali vakali vadamanu vanyara kwiga zinzira zienyu ziu vuchamu.

Jeremia 22:3

“Inzi Yahova, mulaga mukore likalaga liveeye lirungi kandi liu vulungi. Mukingi mundu umali kunuurwa kutura ku munuri. Mutakola uvudamanu anoho mutadambiza avageni, avavisandu anoho avakunzakali mba. Mutiita avandu vataveeye nimbara havundu yaaha mba.

Jeremia 7:6

Niiva mulaleka kudambiza avageni, avavisandu kandi avakunzakali, anoho kwita avandu vatali nimbala mukivala yiki, kandi nimuleka kusigamira avanyasaye vandi ku lisalira lienyu aveene,

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Zekaria 7:10

Mutadambizi vakunzakali, vavisandu, vageni vamenyi hagati hinyu, anoho ku woosi oveeye ni lienya vokonyi mba. Mutalohizi zinzira ziokwenya kusaliriza vache mba.’

1 Vakorintho 5:1

Kalunu gamali kulanda ligali ndi muveeye ni kifavwi cho voheyi hagati hinyu. Voheyi voveeye vudamanu ligali kuvita kali uvundi vwosi vutaveeye ku hagati ha yavo avatamanyi Nyasaye. Mali kovoolerwa ndi, umundu aheyaa na mama weve wakaviri.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.