Jeremia 5:24 - KITABU KITAKATIFU

²⁴ Simwaganagana kuhaana luyali ku inzi mba, kali niiva ndaamuha imbura mu zing'inga ziokosembera, kandi mu zing'inga ziechuvwi kandi nimunyoola amasiza gi ligesa vuli muhiga.

Jeremia 5:24 ပူးပေါင်းရင်းမြစ်များ

Litanga 8:22

Ku ing'inga lwi lirova likikiliho, ilavaho ni ing'inga yu kutaga, kandi ing'inga yo kogesa. Ilavaho kandi ing'inga yu vukindu kandi ing'inga yu luya, ing'inga yu vukindu, ing'inga yu umbasu, kandi umbasu nu vudiku. Zing'inga yizi ziosi si zilahera mba.”

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

Ayubu 29:23

Avandu vanindilira kuli avalimi valindilira imbura. Kandi vakuunula minwa jaavo kuli imbura yu kutaga.

Ayubu 38:37

Nivwaha oveeye no vogeri uvunyala kuvaliza malesi? Kandi nivwaha unyala kuginaminya gakubizi imbura?

Ayubu 5:10

Nyasaye aleetaa imbura ku lirova, nukusama amazi mu milimi.

Zaburi 147:8

Akunikaa ligulu na malesi; ahaanaa imbura ku lirova, kandi akolaa uvulimu komera ku vigulu.

Zaburi 65:9

Ivi ulindaa kivala ku likikubizira imbura. Ivi okekolaa keve kitugi kandi kigunamu wizulizaa amazi mu migera jijo; Ohezaa avamenyaa ku lirova vitagwa. Ni ndi ivi okolaa:

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Jeremia 10:13

Amazi gahuumaa muligulu ku lilago lilie; aleetaa malesi kutura ku keheri chi lirova. Atumaa zimbeni niimbura kandi aleetaa imbuza kutura muligulu.

Jeremia 14:22

Siviveeye ho ni vifananyi vie zihiiri vinyala koleta imbura mba; Ligulu ku vwalio si linyala koleta lunyilira mba. Kunyi kwaavika lisuuvira lietu mu ivi, O, Yahova Nyasaye wiitu, kigira ivi niye okolaa vindu yivi.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Jeremia 50:5

Navalateeve inzira izizaa Ziyoni ma navazie mulovega lwene yilwo. Valalomba ninzi lilagana litaveeye nekeheri kandi sivaaza valivunanyie mba.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Amosi 4:7

Kandi lwi vitagwa vienyu vienya imbura, ndaagumira ivule kukuba. Ndaleta imbura ku lidaala lilala, na ndagaya ivule kukuba ku mulimi gundi maniguniala.

Zekaria 10:1

Muteeve Yahova imbura mu ing'inga yu kutaga mu muhiga. Yahova atumaa malesi gimbula kandi agikubiza, ma emeliza milimi ku vuli mundu.

Matayo 5:45

muduuki kuva avana va Baba winyu oveeye mwigulu. Kigira alavizaa iliuva lilie ku vadamanu na valahi, kandi akubizaa imbura ku valahi na vadamanu.

Vikolwa 14:17

Navuzwa siyaleka kwelolekiza mwene ku likora amalahi. Amanyia uvulahi vwivwe na amukubizira imbura kutura mwigulu, amuhezaa ligesa mu mihiga jalio, amuhezaa viukulia nu ukwizuliza uvusangari mu mioyo jinyu.”

Kwidzulitsa 28:12

Alakubiza imbura mu zing'inga ziayo kutura mwigulu na agasizaa miyinzi jije josi, kunangwa mwegobizi zihiiri zinyingi, navuzwa munyi simulasava kutura kuvo mba.

Yakobo 5:7

Kunangwa avaamitu vange, muve aviikuziri kuduuka liza liu Mwami. Heenzi kuli umulimi alindiliraa mu liekuzira, ivitagwa vivie viduuki kwama amakuyu amalahi. Alindiliraa nu vwikuziri imbura yu kutanga kandi yinyima.

Likunula 11:6

Avandu yava vaveeye ni zinguru ziu kuhana ligulu; kunangwa imbura ivuli kukuba mu madiku go voporofeti vwavo. Vaveeye ni zinguru kandi kugirung'anyia amazi kugwa amasahi, nukudiviza kivala nu vulwaye vudamanu zing'inga ziosi zia vayaanza.