Jeremia 46:28 - KITABU KITAKATIFU

²⁸ Inzi nanzizi kumunyi kandi naamuhonyie. Inzi nandivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha amageri nambe nilikalaga lirungi. Inzi, Yahova mali kovora.”

Jeremia 46:28 ပူးပေါင်းရင်းမြစ်များ

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Isaya 27:7

Yahova akiri kuhaana mageri malulu ku Isiraeli kuli yahaana ku vasigu vaavo, kandi vakikiri kogotiza vasaza vanyingi mu vulwani kuli vasigu vaavo vagotiza.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 43:2

Lwa muvitiraa mu mazi manene gululiva, inzi ndava harara nimunyi; nimuvitira mu migera ja mazi manene simuliiyina mba kali nimuvitira mu madinyu kuli muvitiraa mu migera minene simulaguutwa kuli avamazi gimigera giinaa. Lwa mugendaa kuvitira mu muliru simulahia mba; magerizu madinyu agamugwiraa sigalamusaliriza mba.

Isaya 44:1

Yahova avoora, “Huliriza kalunu, O, Isiraeli, vatumikiri vange, avandu vange vatovole, visukululwi via Yakobo.

Isaya 45:23

Lisuuvirizwa liange liveeye lia agaligali, kandi silinyala kugirung'anywa mba. Inzi mali kumusuuviriza ndi, vuli mundu woosi alaza nu kusigama imbiri wange, kandi valisuuha kuva avasuuvirifu imbiri wange.

Jeremia 1:19

Avandu yava valakulwaana, navuzwa si valakuguuta mba, kigira mbeeye harara na ivi na ndakukinga. Inzi Yahova mali kovora.”

Jeremia 10:24

Yahova, ogelihizi avandu vovo; navuzwa utava mululu kukunyi mba, anoho utakuha amageri lwa oveeye nu vutima mba; kigira yiki kilava keheri chiitu.

Jeremia 15:20

Ndakokola ove kuli lidigi lie imbinga yu mugasa. Avasigu vovo valakulwaana, navuzwa sivalakuguuta mba. Inzi ndava harara na ivi kukukinga kandi ndakohonyia.

Jeremia 23:4

Inzi ndatovora aviimiliri vaza kuvaliindi. Avandu vange sivalatia anoho kutihizwa mba, na sindavaha amageri kandi mba. Inzi, Yahova mali kovora.”

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 30:11

Inzi nanzizi kumunyi kandi naamuhonyie. Inzi ndakadivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha mageri sinagave amalulu ligali mba. Inze, Yahova mali kovora.”

Jeremia 4:27

Yahova umali kovora ndi, lirova liosi lilava ligendanyama, navuzwa sialalidiviza ligali mba.

Jeremia 5:10

Ndatuma avasigu kotema mizabibu ja avandu vange, navuzwa vavuli kujidiviza ligali mba. Ndavavolera vahaluliri zisia kigira si ziveeye ziange mba.

Jeremia 5:18

Yahova avoora, “Navuzwa kali mu madiku gene yago, si ndadiviza ligali avandu vange mba.

Jeremia 51:46

Mutakuza mioyo mba anoho mutatia kigira amakuva ga muhulira mba. Vuli muhiga amakuva guvutindi galalanda mu kivala kandi avami valalwaana avami vandi.

Danyeli 2:35

Nonoho kivia, lidohi, mugasa, ifeza kandi izahabu viavunguluka nivigwa kuli luguki ku loze mu madiku gu muvasu. Imbuza yaginga luguki yilu lwosi, na yaleka loze lwere. Navuzwa ligina liamera niliviluka ni ligwa kiguru kenene chafuma lirova liosi.

Habakuk 3:2

O, Yahova, inzi mali kuhulira ga umali kokora, kandi mbeeye nu vuti vunyingi vwi vikolwa vivio. Kola ndio kalunu mu ing'inga yitu vikolwa vinene viawakolaa. Okoveere zimbavasi, kali lwa oveeye nu vutima.

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Vikolwa 18:10

kigira inzi mbeeye harara nivi. Sihaveeye nu mundu ukusaliriza mba, kigira mu lidaala yili mbeeye mu na avandu vanyingi.”

1 Vakorintho 11:32

Navuzwa kukalagirwa kandi koheevwa amageri kutura ku Mwami kunangwa kulavuli kukalagirwa harara na vandu vumulirova.

Joshua 1:5

Joshua, mundu kali mulala sialakakuguuti mu livamwoyo liilio liosi mba. Ndava harara niivi kuli ndaali na Musa. Ndava niivi kazozo; sindakoleka kali hakuzu mba.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.