Jeremia 46:14 - KITABU KITAKATIFU

¹⁴ “Ulandizi mu madaala ga Egebeti, mu Migidoli, Mefisi na Tahapanesi: ‘Mwetegeke kwikinga munyi aveene; viosi viamuveeye navio viladivizilwa mu liihi!

Jeremia 46:14 ပူးပေါင်းရင်းမြစ်များ

2 Samweli 2:26

Abineri yalanga Joabu, “Kuzizagiliri kulwaana mihiga josi? Siunyala kolola ndi mu keheri vulava ho uvululu uvwere? Kalunu kunyi koveeye avasaza vikivala chicho. Ilava ng'inga ivi kulaga avasikari vovo valeke kukukunga kunyi?”

Kutwula 14:2

“Volera avandu va Isiraeli viirane valombe hokososa imbiri wa Pihahirozi, hagati ha Migidoli ninyanza Inzakanyu, ahimbi Baali Zefoni.

Isaya 1:20

Navuzwa niiva mulasuura nu kwibaala ku inzi, mulitwa nikivavi. Inzi Yahova mali kovora.”

Isaya 19:13

Aviimiliri va Zoani na Mefisi vaveeye avasiru. Gavadukiraa kwimilira ihiiri navuzwa vagegotiza; Yavo avaveeye kuli amagina gu mukoona gi zihiiri ziavo vamali kogotiza avandu va Egebeti.

Isaya 31:8

Avandu va Asiria si valitwa ni kivavi chu mundu mba, navuzwa valitirwa mu vulwani. Avandu va Asiria valiruka kutura mu vulwani, na avasoleri vaavo valagumirwa nokokorwa vatugwa.

Isaya 34:6

Kivavi chiche kilakave na masahi nizitinya, kuli amasahi ga magondi nizimbuli zie visiuviliru. Yahova alahaana kisiuviriru yiki mu lidaala linene lia Bozira. Alakole liitwa yili kuva linene mukivala cha Edomu.

Jeremia 12:12

Engereka wivisuru vie viangalangwi, avandu vamali kuuza ku valanya. Mali kutuma uvulwani kwononyia kivala choosi; siaveeyeho kali mulala oveeye mumirembe mba.

Jeremia 2:16

Yee, avandu va Mefisi na Tahapanesi vamali kwatanyia vihanga viavo.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 44:1

Yahova yamoloma ku inze kigira avandu vosi va Isiraeli avamenyaa mukivala cha Egebeti, mu madaala manene ga Migidoli, Tahapanesi, Mefisi kandi mukivala cha Pazirosi.

Jeremia 46:10

Yili nilidiku liu Mwami munene Yahova Wuvunyali: kalunu alavaanza kisaalia; kalunu alahaana amageri ku avasigu veve. Kivavi chiche kilavalia kuduuka lwa chizula, kandi kilanwa masahi gaavo kuduuka lwa chiguta. Kalunu Wuvunyali alahaana kisiuviriru mu kivala chi Ivaale ku mugera gwa Efurate.

Jeremia 46:19

Mwetegeke kuva avahambe, munyi avandu va Egebeti! Mefisi lilakolwa changalangwi, amang'anye hu mundu atamenyaa mba.

Jeremia 46:2

kutanga ni zihiiri zia Egebeti. Yaga nigo agayavoola kigira iliihi liu mwami Neko uwa Egebeti, uwu mwami Nebukadineza wa Babiloni yaguutira ha Karikemishi himbi kumugera gwa Efurate. Gwaali mu muhiga gwa kane gwa Jehoyakimu yaali mwami wi Ivuyuda:

Ezekieli 21:28

“Mwana wu Mundu, oporofete. Ulandizi aga Inzi, Yahova Wuvunyali, mbolera avandu va Amoni avanyegaa vandu va Isiraeli. Uvavoolere: ‘Kivavi chetegeki kwita; kishagaliywi, kehemahemaa kuli loheni.

Ezekieli 30:13

Yahova Wuvunyali avoora, “Ndadiviza ivifananyi kandi avanyasaye vuvugadi mu Mefisi. Sialakaveho mundu kali mulala uwaza yamihi avandu va Egebeti mba, kandi ndakatiihizi avandu vosi.

Hosea 9:6

Lwikivi kiduukaa, munyi vosi mulasalana, na vandu va Egebeti valamuvungiza harara, kandi valayavira miviri jinyu mu kivala cha Mefisi! Amafa kandi zindavati zilakunika mavikiru ginyu gi ifeza kandi zilakunika zinyumba zienyu zia mumenyaamu.

Nahum 2:13

Yahova Wuvunyali avoora, “Inzi mbeeye musigu winyu! Ndakasambe magare ginyu gu vulwani. Avasikari vinyu valakitirwi mu vulwani, kandi ndakavuguli vuli kindu choosi cha mwavugula kutura ku vasigu vinyu. Lienya lia vatumwa vinyu sililakahuliriki kandi mba.”

Kwidzulitsa 32:42

Imivano jange juvuta jilatonyatonya amasahi gaavo, kandi kivavi change kilaviita vosi avahing'anaa niinzi Sindaleka mundu kali mulala kuva mwoyo ulwaana niinzi; kali vandu avizing'oma na vahambe valakuza!’