Jeremia 44:27 - KITABU KITAKATIFU

²⁷ Inzi ndalora ndi munyi si mulagasizwa mba, navuzwa muladivizwa. Munyi vosi avamenyi mukivala cha Egebeti mulakuzira mu liihi anoho mulakuza kigira inzara, kuduuka mwosi muhere.

Jeremia 44:27 ပူးပေါင်းရင်းမြစ်များ

2 Avami 21:14

Ndakaleke vandu valahononoke, kandi ndakavahaane ku vasigu vaavo, avalivaguuta nu kulanya kivala chavo.

Jeremia 1:10

Kalunu ngohezanga zinguru ku zihiiri kandi ku vwami, kwiha kandi kusambula, kudiviza kandi kutung'aminya, kwumbaka kandi kusimika.”

Jeremia 21:10

Inzi mali kukalaga sindaleka lidaala yili mba, navuzwa ndalidiviza. Lilaheevwa ku mwami wa Babiloni kandi alalisamba numuliru lishie ligali. Inzi, Yahova mali kovora.”

Jeremia 31:28

Kandi kuli ndaahenda mwoyo nukwiiha, nukusambula, nukutung'aminya, nukudiviza, kandi nukuvasambura, kunangwa ndavasingiriza kandi ndavadinyiriza.

Jeremia 39:16

nzie mbolere Ebedimeleki kutura Ezopia ndi Yahova Wuvunyali, Nyasaye wa avandu va Isiraeli avoora, “Gaveeye vuzwa kuli ndaalaga, ndi ndaleta ikivi ku lidaala yili kandi si ndaleta uvugasu kulio mba. Ivi ulalola yaga nigakoleka.

Jeremia 42:16

maku iliihi lia mutiizaa yili lilamulondayo, kandi inzara yamutizaa, ilamulondelera yo, kandi mulakuzira mu kivala cha Egebeti.

Jeremia 44:12

Avandu vosi avatigara Ivuyuda kandi avamali kotovola kuzia komenya mu kivala cha Egebeti, vosi valadivizwa. Vosi avanene ku avakeekeke valitirwa mukivala cha Egebeti mu liihi anoho ninzara. Valava litihiza, kandi avandu valavakolera kehenyahenye kandi valatumikira amita gaavo kuli kilaamo.

Jeremia 44:13

Ndahaana amageri ku vandu avamenyi mukivala cha Egebeti, kuli ndahaana amageri ku avandu va Jerusalemi ni liihi, inzara kandi uvulwaye.

Jeremia 44:14

Sialakaveho nu mundu kali nulala ku avandu vaatigara Ivuyuda kandi avaazia komenya Egebeti ulihononoka anoho ulihona mba. Sialakaveho nu mundu kali mulala kuvo ulirana nitali vataveeye vakekeeke ku avahaalirayo.”

Jeremia 44:18

Navuzwa kutura ing'inga ya kwalekera kuhaana visiuviliru ku nyasaye wikikali wu mwigulu, kandi lwa kwalekera kuhaana vihaanwa vie Iwaini kuye, sikwanyoola kindu kali hakuzu mba, kandi avandu viitu vakuzira mu liihi kandi mu inzara.”

Jeremia 9:15

Kunangwa huliri aga inzi Yahova Wuvunyali, Nyasaye wa avandu va Isiraeli nziza kokora: Inzi ndaha avandu vange ivitagwa vilulu valie kandi isumu vanwi.

Jeremia 9:16

Ndavasalanyira muzihiiri ziayavo kali avaguuga vaavo vakiri kuzihulira ku, kandi ndavatumira amahi gavingiliri kuduuka lwambadiviza ligali.”

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Ezekieli 7:6

Keheri kiduuki! Keheri kimali kuduuka ku munyi. Munyi mumali kudiva!

Danyeli 9:14

O, Yahova Nyasaye wiitu ivi wetegeka kuhaana mageri ku kunyi, kandi wakola ndio kigira ivi okolaa agaveeye malungi kazozo, navuzwa kunyi si kwahulira mba.

Amosi 9:8

Inzi, Yahova Nyasaye Wuvunyali, mbenzaa ku vwami vwu vwoni yivu vwa avandu va Isiraeli, na ndavudiviza vutuli mu lirova linu. Navuzwa sindadiviza ligali kisukururwi choosi cha Yakobo mba.