Jeremia 44:23 - KITABU KITAKATIFU

²³ Ing'inga yiyi ikivi kimali kuduuka ku munyi kigira mwahaana visiuviliru ku avanyasaye vandi kandi mwakora uvwoni imbiri wa Yahova kulivula kutia amalago geege goosi.”

Jeremia 44:23 ပူးပေါင်းရင်းမြစ်များ

1 Avami 9:9

Avandu valativura, ‘Gaveeye kigira valeka Yahova Nyasaye wavo, watuliza avaguuga vaavo mu kivala cha Egebeti. Vatumikira kandi nivasigamira avanyasaye vandi. Yicho nicho chagira Yahova naleta kivi yiki kuvo.’ ”

2 Avami 17:15

Vasuura kuhulira amigizu geege, sivalinda lilagana lia Yahova yalomba na vaguuga vaavo mba, kandi vachaaya lieganihiza lilie. Vasigamira misambwa gitakonya kindu kandi ni vaagwa veene avatakonya kindu choosi, no kolonda likora lie zihiiri zia vakumbiriza, ni vavura kuhulira lilaga lia Yahova ndi vavuli kokora kuli vo.

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Nehemia 13:18

Yiki nicho chagira Nyasaye nahana amageri ku avaguuga vinyu lwa yaleeta lidiviza ku lidaala linene yili. Navuzwa munyi muzizagiliraa kokora uvutima vwa Nyasaye komeda kuuza ku Isiraeli ku liononyia Lisabato.”

Zaburi 119:136

Zimoni ziange zidorokaa amaliga kuli migera ja amazi, kigira avandu si vahuliraa amalago googo mba.

Zaburi 119:150

Avadambizi valulu visunda ahimbi niinzi ligali, avandu vatahulira Amalago googo kali hakuzu.

Zaburi 119:155

Avandu vachamu si valahonywa mba, kigira si vahuliraa amalago googo mba.

Zaburi 78:10

Sivagumira lilagana liavo na Nyasaye mba; vasuura kuhulira lilago lilie.

Zaburi 78:56

Navuzwa avandu va Isiraeli vibaara ku Nyasaye Wuvunyali, kandi nivamugeriza. Sivahulira malago geege mba.

Jeremia 26:4

Yahova yambolera mbore ku avandu, “Inzi, Yahova, mali koovola ndi kuduuka mutie inzi nokolonda amigizu gandamuha,

Jeremia 40:3

kunangwa kalunu umali kokora agayavoola naakole. Yaga goosi gaakolwa kigira avandu vovo vakora uvwoni ku Yahova kandi nivavula kumutia.

Jeremia 44:10

Navuzwa kuduuka kalunu, ndi, mukikiri kwegehiza aveene mba. Mukikiri kuhaana luyali ku inzi, kandi mukikiri komenya kolondekana na malago goosi ga ndaamuha kandi ga ndahaana ku avaguuga vinyu mba.

Jeremia 44:18

Navuzwa kutura ing'inga ya kwalekera kuhaana visiuviliru ku nyasaye wikikali wu mwigulu, kandi lwa kwalekera kuhaana vihaanwa vie Iwaini kuye, sikwanyoola kindu kali hakuzu mba, kandi avandu viitu vakuzira mu liihi kandi mu inzara.”

Jeremia 44:2

Yahova Wuvunyali, Nyasaye wa avandu va Isiraeli avoora, “Munyi aveene mumali kolola lidiviza liandaaleeta ku Jerusalemi kandi madaala gandi goosi gi Ivuyuda. Kali kuduuka kalunu ndi gaveeye vuzwa amang'anye, kandi sihaveeyeho nu mundu omenyi mugo mba,

Jeremia 44:21

“Visiuviliru via mwahaana harara na avaguuga vinyu, avami kandi aviimiliri vinyu, kandi na avandu vi kivala mu madaala gi Ivuyuda kandi nu muzinzira zia Jerusalemi, muganaganaa Yahova si yavula kuvimanya anoho yaavivilira?

Jeremia 44:3

kigira avandu va madaala yaga vaakora uvudamanu kandi vaangora kuva nu vutima. Vahaana visiuviliru ku avanyasaye vandi kandi nivatumikira avanyasaye vavavula kumanya anoho avavaguuga vaavo vavura kusigamira.

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Lisyoma lya Jeremia 1:8

Avandu va Jerusalemi vaakora uvwoni vwi livereriza ligali, na vagwiyi kuli kindu kifunyaa vugundu. Vosi avahaana uluyali kuvo vavalegerizaa kigira vamali kolola chahonyo chavo. Vakenya aveene kandi agirung'ana nukwivisa mu zisoni.

Danyeli 9:13

kuli ga ng'odwa mu malago ga Musa, kivi yiki choosi chaduuka ku kunyi, navuzwa si kwayaanza ivi Yahova Nyasaye mba. Si kwagirung'ana kutura muvwoni nokolonda agaveeye giligali googo mba.

1 Vakorintho 10:20

Awa! Agamboolaa gaveeye ndi: kuhaana kisiuviriru ku vwali vwa vandu vatamanyi Nyasaye, kihanwa ku mademoni, na sigaveeye ku Nyasaye mba. Sinyenyaa munyi muve ni lisanga harara na mademoni mba.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”