Jeremia 44:22 - KITABU KITAKATIFU

²² Kuduuka kalunu ndi, kivala chiinyu keveeye amang'anye kandi mundu siamenyi mucho mba. Kimali kugwa havundu hu kutihiza, kandi avandu vaatumikira lieta liacho kuli kilaamo, kigira Yahova si yaali anyala kwikuzira uvuchamu vwinyu kandi vikolwa vienyu vidamanu mba.

Jeremia 44:22 ပူးပေါင်းရင်းမြစ်များ

Litanga 19:13

Kigira kuziiza kudiviza havundu yaaha. Yahova yamala kuhulira vindu vidamanu ligali via vandu va Sodoma vakora. Kulwayago yaakutumi kudivizi lidaala yili.”

Litanga 6:3

Maku Yahova yavoola, “Inzi si ndavugilira avandu komenya mihiga ni mihiga mba kigira vaveeye vandu vakuza. Kutura kalunu si valahindira kuvita mihiga 120 mba.”

2 Avami 17:15

Vasuura kuhulira amigizu geege, sivalinda lilagana lia Yahova yalomba na vaguuga vaavo mba, kandi vachaaya lieganihiza lilie. Vasigamira misambwa gitakonya kindu kandi ni vaagwa veene avatakonya kindu choosi, no kolonda likora lie zihiiri zia vakumbiriza, ni vavura kuhulira lilaga lia Yahova ndi vavuli kokora kuli vo.

Isaya 1:24

Kunangwa kalunu, muhuliri aga Yahova Wuvunyali, Nyasaye Wizingulu wa Isiraeli, avoora: “Ndavanza kisaalia ku munyi, avasigu vange, na simulangubiza kivi kandi mba.

Isaya 43:24

Simwangulira vimuli anoho kunzigutiza ni zitinya zie zinyama zienyu mba. Mu vogono yivwo mwandwika misigo miliduhu nuvwoni vwinyu; mwanduhiza ligali nuvudamanu vwa mwakoraa.

Isaya 7:13

Maku Isaya yativura, “Muhuliri, kalunu, munyi visukululwi via Daudi! Voveeye vudamanu ligali kogeliza liekuzira lia vandu. Mulageriza kandi liekuzira lia Yahova Nyasaye?

Jeremia 15:6

Munyi avandu va Jerusalemi mumali kusuura inzi; mumali kugirung'ana kutura ku inzi. Kulwayago, mali kuhaana amageri ku munyi kandi kumudiviza, kigira si ndaali nyara kumanyia livererera mba.

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 21:12

O, Ivisukulurwi via Daudi, yaga nigo aga Yahova avoora: Mukore vulungi vuli lidiku ohonyie oyo umali kunuurwa kutura mu zinguru ziavadambizi, gase vutima vwange vulaloleka kandi vulaaka kuli muliru kigira uvudamanu vwamumali kokora. Namusambwe nasialavaho na mulala ulisiminya mba.

Jeremia 23:2

Yaga nigo aga Yahova, Nyasaye wavandu va Isiraeli avoora kigira aviimiliri vaduukana vahendere avandu vaavo mwoyo: “Simwahendera avandu vange mwoyo mba; Mwamala kuvasalanyia nukuvakunga vazie ihale. Kalunu nziza kumuha amageri kuvudamanu vwamumali kokora.

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 25:11

Kivala yiki choosi kilatigala amang'anye kilava kindu chokogenyia; zihiiri yizi ziratumikira mwami wa Babiloni ku mihiga 70.

Jeremia 25:18

Jerusalemi kandi na amadara manene goosi gi Ivuyuda, harara na avami kandi na aviimiliri vago, vanwi iwaini yiyi, kunangwa vaduuki kugwa changalangwi, chukutiihiza kandi chokogenyia, kunangwa avandu valatumikira amita gaavo kuva kuli kilaamo kuduuka lero.

Jeremia 25:38

Yahova amali koleka avandu veve kuli isimba elekaa uluhangaywa lwayo. Vutima vwa Yahova kandi litihiza linene lie liihi vimali kugirung'anyia kivala kugwa changalangwi.

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Jeremia 29:18

Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 29:19

Yaga galakoleka kuvo kigira si vahulira amakuva gandazizagilira kutuma kuvo kuvitira ku avatumikiri vange avaporofeti, navuzwa sivahulira.

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 34:22

Nambane lilaga, kandi navirane mu lidaala yili. Vaza vavingiliri, navaligumiri ma navalisambe numuliru. Nangore madaala gi Ivuyuda nagagwi kuli changalangwi havundu humundu atamenyi. Inzi, Yahova, mali kovora.”

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Jeremia 42:18

“Yahova, Nyasaye wa avandu va Isiraeli avoora, ‘Kuli uvutima vwange uvululu vwali ku avandu va Jerusalemi, nindio uvutima vwange uvululu vulakave ku munyi niiva mulazia komenya mukivala cha Egebeti. Mulava avandu vu kutihizwa, vokonyegwa kandi vikilaamo. Simulakalole kivala yiki kandi mba.’ ”

Jeremia 44:12

Avandu vosi avatigara Ivuyuda kandi avamali kotovola kuzia komenya mu kivala cha Egebeti, vosi valadivizwa. Vosi avanene ku avakeekeke valitirwa mukivala cha Egebeti mu liihi anoho ninzara. Valava litihiza, kandi avandu valavakolera kehenyahenye kandi valatumikira amita gaavo kuli kilaamo.

Jeremia 44:2

Yahova Wuvunyali, Nyasaye wa avandu va Isiraeli avoora, “Munyi aveene mumali kolola lidiviza liandaaleeta ku Jerusalemi kandi madaala gandi goosi gi Ivuyuda. Kali kuduuka kalunu ndi gaveeye vuzwa amang'anye, kandi sihaveeyeho nu mundu omenyi mugo mba,

Jeremia 44:6

Kulwayago ndaviika uvutima vwange uvululu ku madaala goosi gi Ivuyuda kandi kuzinzira ziosi zia Jerusalemi, kandi nimbambiza muliru kugo. Amadara yaga gaatigala hazwa vugira mundu komenya mugo, kuduuka na Kalunu.

Jeremia 48:9

Musoole kivala cha Moabu; kigira keveeye ahimbi kudivizwa. Amadara manene gacho galatigala amang'anye, kandi mundu kali mulala si alamenya mucho mba.”

Jeremia 5:9

Nyara kuvaha amageri kigira kokora vindu kuli yivi, kandi kuvanza kisaalia ku ihiiri kuli yiyi?

Ezekieli 39:23

Zihiiri zilamanya ndi, avandu va Isiraeli vazia mu lihaminywa kigira uvwoni vwa vaangolera. Ndaagirung'ana kutura kuvo kandi nindeka avasigu vaavo ni vavaguuta kandi ni vavitira mu vulwani.

Ezekieli 5:13

“Maku uvutima vwange uvululu vulava ku munye kuduuka lwa neminywa mwoyo. Lwayaga goosi gakolekaa, mulamanya ndi Inzi, Yahova, mali komoloma ku munyi kigira mbeeye nu vutima na munyi mulivula kuva avasuuvirifu.

Danyeli 9:11

Avandu va Isiraeli vosi vaavunaga malago googo kandi vasuura kuhulira aga wavoola. Wavika ku kunyi kilaamo cha ng'odwa mu malago ga Musa mutumikiri woovo kigira kwamala kokora uvwoni.

Danyeli 9:12

Wakola agawavoola ulakola ku kunyi kandi ku vamiihi viitu. Wahaana mageri amalulu ligali ku lidaala lia Jerusalemi kuvita madaala gandi goosi mu lirova,

Amosi 2:13

“Navuzwa, kalunu ndamuduvulanyira hasi ligali, na mulakenya kuli ligale liezing'ombe ilizuyi vuswage du.

Malaki 2:17

Munyi mwageliza Yahova na makuva ginyu. Navuzwa muteeva ndi “Kwa mugerizaa ndi?” Kunyi kovora ndi “Vuli mundu woosi okolaa vudamanu aveeye mulahi imbiri wa Yahova, kandi Yahova yavayanza.” Kandi kovora ndi, “Nyasaye wi likalaga lirungi aveeye hayi?”

Varumi 9:22

Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa.