Jeremia 44:17 - KITABU KITAKATIFU

¹⁷ Navuzwa kulakola vindu viosi via kwavoola kulakola. Kulahaana visiuviliru ku nyasaye wiitu wi kikali, mwami wikikali wu mwigulu, kandi kulahaana vihaanwa vie Iwaini kuye, kuli kwakora na avaguuga viitu, avami na aviimiliri viitu kuli vakoola mu madaala gi Ivuyuda kandi mu zinzira zia Jerusalemi. Mulikola ndio, kwalange ni viukulia vinyingi; kwagasizwa kandi si kwali nu vudinyu mba.

Jeremia 44:17 ပူးပေါင်းရင်းမြစ်များ

2 Avami 17:16

Vandu va Isiraeli vavunanyia malago goosi ga Yahova Nyasaye, ni valomba zigiriki ziviri kutura ku kivia vaduuki kuzisigamira; valomba kandi kifananyi chu munyasaye Ashera; vasigamira zing'ereng'ani ziavo kandi munyasaye Baali.

2 Avami 22:17

Vamali kondeka kandi vamali kuhaana visiuviliru ku vanyasaye vandi, nandio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, navwo sivulasiminywa mba.

2 Kyetsinyinga 28:23

Yahaana visiuviliru ku vanyasaye va Vandu va Asiria, avaari nivamuguuti. Yavoola, “Avanyasaye va Vasiria vakonya avami va Siria, kunangwa niimbana visiuviliru kuvo, hawundi vanyara kongonya.” Yivwo nivwo uvwoni vwagira Ahazi naagwa mu kivi, harara ni kivala chiche chi Ivuyuda.

Nehemia 9:34

Avaguuga viitu, avami viitu, aviimiliri viitu, avasaalisi viitu sivalinda Lilaga liilio mba. Sivahuliriza ku malago googo na amiganihizu googo mba.

Zaburi 106:6

Kunyi kumali kokora uvwoni kuli avaguuga viitu vaakora; kokoli uvudamanu kandi uvuchamu.

Zaburi 12:4

“Kunyi kulaguuta na makuva gaturaa mu minwa jietu, kulavoola goosi ga kugananganaa, na sihaveeye ho nu mundu unyala kukugaya mba.”

Kutwula 16:3

ni vavavolera, “Vwali vove vulahi Yahova alakwitira mu Egebeti. Uwene yeyo kwaali kwakikaaye hasi nukulia zinyama ni viukulia vindi vinyingi. Navuzwa munyi mukoleti mu changalangwi yiki kwosi kukuziri mu ninzara?”

Isaya 48:5

Ndamuvulira kale vindu viaza viekoleke ku munyi ku madiku gaaza, kandi nimuvoolera vindu viaza viekoleke imbiri wa vikikiri kwekoleka. Ndakora yaga kunangwa namuvuli kovora ndi, ‘Vifananyi viange viakola yaga kokoleka; vifananyi viange vie misaala nu munyasaye wikivia yagatakasa.’

Jeremia 1:16

Ndahaana amageri ku avandu vange vosi kigira vamali kokora uvwoni; vamali kondeka, kandi vamali kuhaana visiuviliru ku avanyasaye vandi, kandi vamali kolomba vifananyi nu kuvisigamira.

Jeremia 11:12

Maku avandu vi Ivuyuda na avandu va Jerusalemi valazia ku avanyasaye vaavo, avavahaana ku visiuviliru kandi avavasigamiraa, nu kwanira kandi kwenya ovokonyi kutura kuvo. Navuzwa avanyasaye yavo si navavahonyie mu ing'inga yi Lidivizwa Liduka mba.

Jeremia 18:15

Navuzwa avandu vange vamali kunzivilira! Vahaana vihaanwa vie vimuli ku vifananyi. Vamali kwichigatira kuinzira yavaduukana kogenda ku, sivalonda muzinzira ziakale mba; vagenda kuzinzira zitaveeye zinungi.

Jeremia 19:13

Zinyumba zia Jerusalemi zinyumba ziavami vi Vuyuda - zinyumba ziosi zievihanwa vie vimuli visambirwa kuvisegese viazio kuduuka umwigulu, kandi uwa isadaka yukunwa imali kusundulwa kuvanyasaye vandi, vilononywa kuli havundu ha Tofezi.”

Jeremia 44:21

“Visiuviliru via mwahaana harara na avaguuga vinyu, avami kandi aviimiliri vinyu, kandi na avandu vi kivala mu madaala gi Ivuyuda kandi nu muzinzira zia Jerusalemi, muganaganaa Yahova si yavula kuvimanya anoho yaavivilira?

Jeremia 44:25

Yahova Wuvunyali, Nyasaye wa avandu va Isiraeli avoora, “Munyi harara na avakali vinyu mumali kwisuha ku mwami wi kikali wu mwigulu. Mwalaga ndi mulahaana visiuviliru kuye kandi mulahaana vihaanwa vie iwaini kuye. Maku mudinyerize kandi muduukizi lilagana lienyu.

Jeremia 44:9

Munyi mumali kwivilira uvudamanu vwosi vwa mwakora harara na avakali vinyu, kandi na avami vi Ivuyuda harara na avakali vaavo mu madaala gi Ivuyuda kandi mu zinzira zia Jerusalemi?

Jeremia 7:17

Ivi si ololaa agavakolaa mu madaala manene gi Ivuyuda kandi mu zinzira zia Jerusalemi?

Jeremia 7:18

Avana vatenya iziingu, na avasaza valomba umuliru na avakali vaduvula uvusie vaduuki kolombera munyasaye wi kikali migadi - ulangangwa ‘Mwami wi kikali wu mwigulu.’ Kandi vahaana vihaanwa vie iwaini ku avanyasaye vandi, kunangwa vaduuki kusinyikiza.

Ezekieli 20:32

Munyi muveeye ni zing'anagani ndi mwenya kuva kuli zihiiri zindi, kandi kuli avandu vamenyi muvivala vindi nu kusigamira misaala kandi amagina. Navuzwa yaga sigalava ndio mba.

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Ezekieli 23:41

Viikara ku kidali kilahi ligali, kandi imbiri wavo, valomba emesa nivaviika ku kimuli kifunyaa mwayu kandi amaguta gu mwayu agandaali nimbaheye.

Ezekieli 8:16

Kunangwa yambugura niyambila mugati mwu mugizi gwi Litembeli. Hene yaho, ahimbi nu vwingiliru vwi Litembeli, hagati hu vwali nulusimbu, vaaliho avasaza ishilini natano. Vaali nivakubi Litembeli migongo kandi vaali nivinaminyi mitwi jaavo nivahenzi Ivugwi, nivasigamiraa iliuva liali nilitongaa.

Habakuk 1:16

Kali vasigamira miluvo jaavo kandi vahaana vihaanwa vie visiuviliru kuzio, kigira miluvo jaavo givahezaa choosi cha venya.

Livalidza 30:12

Navuzwa niiva musaza weve alamugaya kutwekiza liesuuha lilie, sigamuduukira akole mba. Yahova alamusamiiha kigira musaza weve yamugaya kutwekiza liesuuha lilie.

Livalidza 30:2

Lwu mundu alombaa lilagana kuhaana kindu ku Yahova anaho kwigaya ku kindu, sigamuduukira avunage lilagana lilie mba, navuzwa gamuduukira akole kindu choosi cha yavoola alakola.

Marko 6:26

Mwami yavelera ligali, navuzwa kigira iliesuuha lia yisuhira imbiri wa vageni veve, si yayanza kuvunanyia lilaga lilie mba.

Kwidzulitsa 23:23

Choosi chu minwa jinyu jitivuyi ku liesuuha, kuduuka mulole ndi muduukizi kigira mwalomba liesuuha lienyu mu liyaanza lienyu ku Yahova Nyasaye winyu iminwa jinyu vene.

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

1 Petro 1:18

Mwamanya vulahi chatungwa kumuvoholora kutura mu limenya lia vuzwa, liatura ku vaguuga vinyu. Sichali kindu kinyala kwononywa kuli ifeza ni zahabu mba.

Vakalagi 11:36

Mukaana weve yamutivulira navoora, “Baba wange niiva wakolomba lilagana na Yahova, gaduukanaa okole ku inzi ga umali kulaga ulakola, kigira Yahova umali kukuvanzira avasigu vovo, vandu va Amoni.”