Jeremia 44:14 - KITABU KITAKATIFU

¹⁴ Sialakaveho nu mundu kali nulala ku avandu vaatigara Ivuyuda kandi avaazia komenya Egebeti ulihononoka anoho ulihona mba. Sialakaveho nu mundu kali mulala kuvo ulirana nitali vataveeye vakekeeke ku avahaalirayo.”

Jeremia 44:14 ပူးပေါင်းရင်းမြစ်များ

Isaya 10:20

Ing'inga yizaa lwa vandu va Isiraeli vatigara kandi avahononoka valakavuli kusuuvira ihiiri yaali himbi kuvadiviza. Valakaviki lisuuvira liavo ku Yahova, Nyasaye Mutakatifu wa Isiraeli.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Jeremia 22:10

Avandu vi Ivuyuda, mutalira kigira mwami Josia mba, kandi mutasioma kigira likuza lilie mba. Navuzwa muliri vululu ligali kigira Joahazi mwana weve. Vamuvugura nu kumuhila mukivala chi ihale, si alirana kandi mba, sialalola kivala chiche cha yiivulwa mu kandi mba.

Jeremia 42:17

Avandu vosi avamali kotovola kuzia komenya mukivala cha Egebeti, valakuzira mu liihi anoho valakuza kigira inzara anoho uvulwaye. Sialakaveho nu mundu kali mulala kuvo ulitigala anoho ulihona kutura mu kivi cha nandete kuvo mba.’

Jeremia 42:22

Kunangwa kalunu, mwizurizi yaga: Mulakuzira mu liihi anoho mulakuza kigira inzara anoho uvulwaye mukivala cha Egebeti uwamutovoye kuzia komenya.”

Jeremia 44:26

Navuzwa kalunu muhulirize ku liesuha lia Inzi Yahova mali kolomba mu vunyali vwi lieta liange ku munyi avandu va Isiraeli vosi avamenyi mukivala cha Egebeti: Si ndaleka kandi mulala ku munyi atumikiri lieta liange kolomba iliesuuha nokovoora, ‘Inzi nzisuha ku lieta lia Yahova, Nyasaye, oveeye mwoyo!’

Ezekieli 20:38

Ndatuliza hagati hinyu yavo avaveeye vukwibaara kandi avoni nu kuvahila ihale ligali. Ndavatuliza muvivala viavamenyimu kalunu, navuzwa si ndaleka viirane mu kivala cha Isiraeli mba. Maku mulamanya ndi Inzi mbeeye Yahova.”

Ezekieli 6:8

“Inzi ndakaleke valala vahononoke ku liitwa kandi vasalanywi hagati hizihiiri,

Matayo 23:33

Zinzoka munyi! Avana vi vihirigoma munyi! Mu lihononoka ndi ku likalagirwa liu muliru gwe gehena?

Varumi 2:3

Navuzwa ivi, umundu, ukalagiraa yavo avakolaa vindu kuli yivi na ivi mwene, okolaa viazana? Uganaganaa ulahononoka kutura mu likalaga lia Nyasaye?

Varumi 9:27

Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa;

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.