Jeremia 44:13 - KITABU KITAKATIFU

¹³ Ndahaana amageri ku vandu avamenyi mukivala cha Egebeti, kuli ndahaana amageri ku avandu va Jerusalemi ni liihi, inzara kandi uvulwaye.

Jeremia 44:13 ပူးပေါင်းရင်းမြစ်များ

Jeremia 11:22

Kunangwa Yahova Wuvunyali yambolera, “Inzi ndavaha amageri! Avayaayi vaavo avasoleri valitirwa mu muvulwani, avana vaavo valakuza kigira inzara.

Jeremia 21:9

Umundu woosi ulitigala mu lidaala nayitilwi mu vulwani, anoho aliitwa ninzara anaho nuvulwaye. Navuzwa kuwosi ulitula ichova niyihaana ha vandu va Babiloni, avingiliraa lidaala, sialitwa mba; alahononokiza livamwoyo lilie.

Jeremia 24:10

Ndaleta iliihi kuvo, inzara kandi uvulwaye kuduuka vosi valadivi. Si halakaveho kali na mulala ulitigala mu kivala cha ndaavaha harara na avaguuga vaavo mba.”

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 42:15

O, munyi avandu vaatigara Ivuyuda, Yahova Wuvunyali, Nyasaye wa avandu va Isiraeli avoora, ‘Niiva Mumali kotovola kuzia komenya mukivala cha Egebeti,

Jeremia 42:16

maku iliihi lia mutiizaa yili lilamulondayo, kandi inzara yamutizaa, ilamulondelera yo, kandi mulakuzira mu kivala cha Egebeti.

Jeremia 42:17

Avandu vosi avamali kotovola kuzia komenya mukivala cha Egebeti, valakuzira mu liihi anoho valakuza kigira inzara anoho uvulwaye. Sialakaveho nu mundu kali mulala kuvo ulitigala anoho ulihona kutura mu kivi cha nandete kuvo mba.’

Jeremia 42:18

“Yahova, Nyasaye wa avandu va Isiraeli avoora, ‘Kuli uvutima vwange uvululu vwali ku avandu va Jerusalemi, nindio uvutima vwange uvululu vulakave ku munyi niiva mulazia komenya mukivala cha Egebeti. Mulava avandu vu kutihizwa, vokonyegwa kandi vikilaamo. Simulakalole kivala yiki kandi mba.’ ”

Jeremia 43:11

Nebukadineza alaza na alaguuta Egebeti. Avandu valagirwa likuza liuvulwaye vaza vakuzi kigira uvulwaye, yava avalagirwa kuzia ihale kuli avahambe navahirwi ihale kuli avahambe, yavo avalagirwa likuza mu vulwani navitirwi muvulwani.

Hosea 9:6

Lwikivi kiduukaa, munyi vosi mulasalana, na vandu va Egebeti valamuvungiza harara, kandi valayavira miviri jinyu mu kivala cha Mefisi! Amafa kandi zindavati zilakunika mavikiru ginyu gi ifeza kandi zilakunika zinyumba zienyu zia mumenyaamu.