Jeremia 4:2 - KITABU KITAKATIFU

² gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Jeremia 4:2 ပူးပေါင်းရင်းမြစ်များ

Litanga 22:18

Zihiiri ziosi zilakandeve nizigasiza kuli ndagasiza visukululwi vivio - Yaga goosi galakekoleke kigira ivi watia lilago liange.”

1 Avami 3:6

Solomoni yativura, “Ivi wamanya uvuyanzi vonene kazozo ku baba wange Daudi, mutumikiri woovo, kandi naye yaali mulahi, musuuvirifu muvuhambani vwivwe niivi. Kandi ivi uzizagiliyi kumanyia vuyanzi vuvwo vonene kandi vutaveeye niligirung'ana ku limuha muyaayi wamiiha mu vogono vwivwe kalunu.

Zaburi 72:17

Leka lieta liu mwami lizulizwi mihiga ni mihiga; ulusuma lwilwe luhindiri kuli liuva! Leka zihiiri ziosi ziteeve Nyasaye azigaasizi kuli amali kugasiza mwami!

Zaburi 99:4

Ivi oveeye mwami wizingulu ligali uyanzaa agaveeye malungi; umali kusingiriza likalaga lirungi mu kivala cha Isiraeli; umali koleta vulungi kandi likalaga lia giligali vugira liyaanzilira.

Isaya 45:23

Lisuuvirizwa liange liveeye lia agaligali, kandi silinyala kugirung'anywa mba. Inzi mali kumusuuviriza ndi, vuli mundu woosi alaza nu kusigama imbiri wange, kandi valisuuha kuva avasuuvirifu imbiri wange.

Isaya 45:25

Inzi Yahova ndasora visukululwi viosi via vandu va Isiraeli, kandi valahaana lisaandiza ni lizominya ku inzi.”

Isaya 65:16

Mundu woosi oteeva uvugasu mukivala, alateeva uvugasu kutura ku Nyasaye musuuvirifu. Oyo wi suuhaa mu lirova, alisuuha ku Nyasaye wa agiligali; uvudinyu vwaliho kutura kale, vumali kwivilirwa ligali.”

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Jeremia 12:15

Navuzwa lwamba nindakavahira ihale, ndakavaveere zimbavasi; ndilanyia vuli ihiiri mukivala chavo kandi mulirova liavo.

Jeremia 12:16

Niiva valavugilira idini yavandu vange nu mwoyo mulala nukwisuha, ‘Kuli Yahova aveeye mwoyo’ - kuli mulitanga vigiza avandu vange kwisuha ku Baali - lwene yilwo valakave avalala kuavandu vange kandi valakagasizwi.

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 3:17

Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Jeremia 33:9

Jerusalemi ilava kuli kisenukiru chu vusangali, uvukumi kandi lizominywa, kandi zihiiri ziosi zie lirova zilava nu vuti kandi ni lidegera lwa zihulira kigira vindu vilahi via ngolera avandu va Jerusalemi kandi kigira ligasizwa liambaana ku lidaala yili.”

Jeremia 5:2

Kali niiva muvooraa musigamira Yahova, simukola agagiligali mulimusigamira liinyu mba.

Jeremia 7:5

“Mugirung'anyie liiva lie limenya lienyu, kandi muleke vikolwa vienyu vidamanu muhaane likalaga liveeye lirungi ku mundu mulala nu wache.

Jeremia 9:24

Niiva mulala yenya kwigingira, gamuduukira yigingiri ndi yamanya kandi amanyirizaa inzi, kigira uvuyanzi vwange vutaveeye nekeheri, kandi ngolaa agaveeye malungi kandi malahi. Yivi nivio vindu viyanziza. Inzi Yahova mali kovora.”

Hosea 2:19

Avandu va Isiraeli, ndamukora muve umukali vange; ndava wa agiligali kandi musuuvirifu, Ndamanyia uvuyanzi vwange kandi zimbavasi ziange zitaveeye nekeheri; kandi ndamukora muve avandu vange mihiga ni mihiga.

Joeli 2:12

Yahova avoora, “Navuzwa kali kalunu mwiganiri mugiligali na mwirane ku inzi mu lihonga lilia, lilira ni lisioma.

Zekaria 8:8

kandi ndakavilanyie kutura Ivugwi kandi Imadioli vaze komenya mu Jerusalemi; valakave vandu vange, na inzi ndakave Nyasaye wavo. Ndakavamiihi mu vusuuvirifu kandi mu vulungi.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

1 Vakorintho 1:31

Kunangwa Mang'oda Matakatifu gavoora, “Uyu wenyaa kwekonya, gamudukira yekonyere miyinzi ja Nyasaye amali kokora mu Kristo.”

2 Vakorintho 10:17

Navuzwa kuli Mang'oda Matakatifu gavoora, “Ku vosi wenyaa kwekonya, gaduukanaa yekonyere agu Mwami amali kokora.”

Vagalatia 3:8

Mang'oda Matakatifu gamanyia mulitanga ndi Nyasaye alavugilira vandu vizihiiri kuva avalungi kuvitira mu lisuuvira. Kunangwa Mang'oda Matakatifu gaalandiza makuva malahi ku Aburahamu ndi: “Kuvitira mu ivi, Nyasaye alakagasizi avandu vovo.”

Kwidzulitsa 10:20

Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

Kwidzulitsa 4:30

Lwa muveeye mu kivi ni vindu yivi viosi viekoleke ku munyi, ahene yaho mulimalirika mulagirung'ana nokwirana ku Yahova Nyasaye winyu nukumuhulira.

Kwidzulitsa 6:13

Muhaane luyali ku Yahova Nyasaye winyu, mumusigamiri oyo yeng'ine vuzwa, kandi mulisuuha ku lieta lilie lieng'ine.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Ruth 3:13

Ogone hano vudiku vwa lero, navuzwa mugamba, kulamanya naava naanyala kokora ku ivi agadukanaa winyumba ya himbi akole, aheene yaho inzi ndakokolera, kuli Yahova aveeye mwoyo. Gona hano kuduuka mugamba.”

1 Samweli 20:3

Navuzwa Daudi yisuha navoora, “Baba woovo amanyi vulahi ndi ivi unyaanzaa, na aganagana ndi, ‘Jonazani atamanya yili mba gase alaverera.’ Navuzwa ligali kuli Yahova aveeye mwoyo kandi kuli oveeye mwoyo, keveeye ho vuzwa kika kilala hagati hange ni likuza!”