Jeremia 36:32 - KITABU KITAKATIFU

³² Maku ndaavugura Ikaratasi yindi niimbana ku Baruki mung'odi wange, kandi nang'oda amakuva goosi agandamuvoolera. Yang'oda vuli kindu choosi ichaali ku ikaratasi yukutanga kandi amakuva malala mere aga ndaamuvolera.

Jeremia 36:32 ပူးပေါင်းရင်းမြစ်များ

Kutwula 34:1

Yahova yavolera Musa, “Vaza vibaho viviri via magina kuli viali viu kutanga, na ndang'oda kuvio amakuva gaali ku vibaho viu kutanga, via watanyia.

Jeremia 36:18

Baruki yavativulira, “Jeremia yamoloma makuva yaga ku inzi, na ndagang'oda nu vwinu ku karatasi ilingiywi.”

Jeremia 36:23

Nonoho lwa Jehudi yaali ni yakasoma lilohiza lia kavaga anoho lia kane lia mang'oda, umwami yavugula ikaratasi ilingiywi naagikaranyia nu muvano ma nagisiuva mu muliru kuduuka niihia ligali.

Jeremia 36:4

Kunangwa ndaalanga Baruki mwana wa Meria, kandi ndamuvolera ang'ode makuva goosi aga Yahova yaali niyamboleye. Baruki yang'oda amakuva yaga goosi kukaratasi ilingiywi.

Danyeli 3:19

Maku Nebukadineza yaali nu vutima vonene ligali kali vwaloleka mu vweni vwivwe kigira Sadaraka, Meshaka, na Abedinego. Kunangwa yalagiza kesambilu kimedwe muliru keve kihiu papapa haali saba kuvita kazozo.

Danyeli 7:1

Mu muhiga gwu kutanga lwa Belishaza yaali mwami wa Babiloni, ndaali na maloto kandi malola vudiku ning'onaa mu kidali change. Maku ndang'oda hasi maloto yaga kuli ndi:

Kyavalevi 26:18

“Kali niiva inyima wa yaga goosi nimuva simulaambulira mba ndaameeda mageri ginyu haali saba kigira uvwoni vwinyu.

Kyavalevi 26:21

“Niiva mulazizagilira kuhing'ana ninzi kandi nimusuula kumbulira, ndaameeda kandi mageri ginyu haali saba.

Kyavalevi 26:24

maku ndagirung'ana mbing'aane ni munyi kandi ndamuha mageri haali saba kigira uvwoni vwinyu.

Kyavalevi 26:28

maku, mu vutima vwange, ndamugirung'ana kandi ndakora amageri ginyu kuva amadamanu ligali haali saba kuvita maziambiri.

Varumi 16:22

Inzi Teritiu, umung'odi wi ibarwa yiyi, nduma mirembe jiange ju vukristayo ku munyi.

Likunula 22:18

Inzi, Yohana, nziganihizaa umundu sa mulala uhuliraa amakuva go ovoporofeti vwi kitabu yiki; mundu woosi omedaa kindu choosi ku makuva yaga Nyasaye alameda kuye amaduywa agang'odwa mu kitabu yiki.