Jeremia 36:31 - KITABU KITAKATIFU

³¹ Ndakahaane amageri ku ivi, visukululwi vivio, kandi avanene vovo kigira uvwoni vwa mumali kokora. Ivi anoho avandu va Jerusalemi ni Ivuyuda si mwahulira lieganihiza liange mba. Kulwayago, ndakaleteku munyi vosi kivi cha mali koleta kuli litihiza.”

Jeremia 36:31 ပူးပေါင်းရင်းမြစ်များ

Zaburi 94:23

Yahova alavaha mageri kigira uvudamanu vwavo, kandi alavadiviza kigira uvwoni vwavo; Yahova Nyasaye wiitu alavadiviza ligali.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Jeremia 11:8

Navuzwa si vahulira anoho si vaatia mba. Muvogono yivwo vuli mundu samulala yaazizagilira kuva mudinyu kandi kokora uvudamanu kuli kazozo. Ndaali ni ndavalaga vaviiki lilagana liange navo, navuzwa vasuura. Kunangwa, ndaviika kuvo viramo viosi vie lilagana kuli ndaali nimbalagi.”

Jeremia 17:18

Viika yavo avandambizaa muzisoni, navuzwa utambika inzi mu zisoni mba. Leeta litihiza linene kuvo, navuzwa utatiihiza inzi mba. Leeta ikivi kuvo kandi uvadivizi ligali.

Jeremia 19:15

ndi, Yahova Wuvunyali, Nyasaye wavandu va Isiraeli, avoora, “Inzi nziza koleta kulidaala yili Kandi ku lidaala lindi liosi liahimbi amageri goosi agandavoola ndakakole, kigira muveeye avahindagirizi kandi simulahulira agambooraa mba.”

Jeremia 23:34

Niiva mulala ku avandu vange anoho muporofeti anoho musaalisi natumikira amang'ana, ‘Uvuliduhu vwa Yahova,’ inzi ndamuha amageri navinyumba veve vosi.

Jeremia 29:32

Kunangwa, ndahaana amageri kuye harara ni visukululwi vivie. Sialakaveho mundu kali mulala ulimenya hagati ha avandu yava ulilola uvulahi vwa ndakakolele avandu vange, kigira amali kwibaala ku inzi Yahova.”

Jeremia 35:17

Kunangwa kalunu, Inzi, Yahova Wuvunyali, Nyasaye wa Isiraeli, ndaleta ku munyi avandu vi Ivuyuda na Jerusalemi lidiviza liosi liandalaga. Ndakora yaga kigira simuhuliyi lwa molomi ku munyi, kandi simwali munyala kuhaana mativuli lwa ndaamulanga mba.”

Jeremia 52:2

Mwami Zedekia yakola uvwoni imbiri wa Yahova, kuli mwami Jehoyakimu yakola.

Ezekieli 7:8

“Nonoho kalunu vuliduhu vwu uvutima vwange vulava ku munyi. Inzi mukalagiraa ku gamumali kokora, kandi ndamutunga ku miyinzi jinyu josi jukuvihiliriza.

Ezekieli 7:9

Inzi si ndamuleka anoho kumumanyia zimbavasi mba. Inzi nziza kumuha mageri kigira ivindu viukuvihiliriza via mumali kokora, kunangwa muduuki kumanyiriza ndi inzi mbeeye Yahova, kandi Inzi niyie umuhezaa mageri.”

Kyavalevi 26:14

Yahova yavoola, “Nimuvula kumbulira nokolonda amalago gange, mulahevwa mageri.

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?