Jeremia 36:30 - KITABU KITAKATIFU

³⁰ Kunangwa, kalunu inzi Yahova, mboraa ku ivi mwami Jehoyakimu ndi, sihalavaho ni kisukururwi chicho kali kilala kiliamiiha ku vwami vwa Daudi mba. Ulakuza na muviri gugwo gulasuvwa havundu hu luya lidiku liosi kandi gulazilira mu ing'inga yu vudiku.

Jeremia 36:30 ပူးပေါင်းရင်းမြစ်များ

Litanga 31:40

Haali kanyingi ndaali mu mulinyangana kigira luya lunyingi mu ing'inga yu muvasu, kandi vukindu vunyingi mu ing'inga yu vudiku. Si ndagonaku zindolo kali hakuzu mba.

Kohelethu 6:3

Mundu anyala kuva na vana 100, kandi amenye mihiga minyingi, sikeveeye kindu kuva ni limenya litambi niiva avula kusangalira vulahi vwi vindu yivi, kandi avuli konyoora liyavirwa lilahi; maku ndakavooye ndi, mwana wivuliiywi nakuzi, aveeye mulahi kumuvita.

Jeremia 22:30

“Mundu oyo amali kukalagirwa ku agotiza avana veve, kandi mundu unyala kuzizagilira mba. Si alakave ku ni visukululwi iviliamiiha mu Ivuyuda kuli avavugura uvwamihi kutura ku Daudi mba. Inzi Yahova, mali kovora.”

Jeremia 52:2

Mwami Zedekia yakola uvwoni imbiri wa Yahova, kuli mwami Jehoyakimu yakola.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.