Jeremia 36:26 - KITABU KITAKATIFU

²⁶ Maku umwami yalaga Jerahameeli mwana weve, harara na Senaya mwana wa Abudeeli, vaang'umiri inzi harara na Baruki mung'odi wange. Navuzwa Yahova yaali naakuvisi.

Jeremia 36:26 ပူးပေါင်းရင်းမြစ်များ

1 Avami 17:3

“Tula havundu hano na uzie mu lovega lwivugwi na wivise ahimbi na kagera ka Kerizi, ivugwi wu mugera gwa Jorodani.

1 Avami 17:9

“Kalunu tula uzie mu lidaala lia Zerefazi, himbi Sidoni na omenye yo. Mali kulaga mukunzakali omenyi yo akulihizi.”

1 Avami 18:4

lwa Jezebeli yitaa vaporofeti va Yahova, Obadia yavugula, imia ndala kuvo, naavavisa mu zimbangaywa mu miganda giviri ja vandu amusini, siavuli muganda kandi navaha chukulia na mazi.

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

1 Avami 19:14

Elija yativura navoora, “Yahova Nyasaye uvunyali, inzi ngutumikiraa ivi weng'ine kazozo nuvugulu vwosi. Navuzwa avandu va Isiraeli vamala kuvunayia lilagana liavo niivi, vaazooma hasi vwali vuvwo vwosi, nukwita avaporofeti vovo vosi. Inzi niyie utigaye zieng'ine na vageriza kunzita.”

1 Avami 22:26

Maku mwami Ahabu yalaga mulala ku vatumikiri veve, “Gumira Mikaya na umuhili ku Amoni mwamihi wi lidaala linene, kandi ku Joashi muyaayi wu mwami.

2 Avami 11:2

Navuzwa Jehosheba, mukaana wu mwami Joramu, mbozo Ahazia, yavugula Joashi muyaayi wa Ahazia, namwiiva kutura ku vayaayi vu mwami avaari himbi kwitwa. Yavugula oyo harara nu muleri weve, navaviika mu keng'oze mu litembeli. Nandio, yamuvisa kutura ku Azalia kunangwa avuli kwitwa.

2 Kyetsinyinga 18:26

Muvavoolere vaviiki Mikaya muvuhambe na vamulihize mugadi vuzwa na mazi kuduuka lwa nzirana mu mirembe.”

Zaburi 105:15

Vavoola, “Mutasaliriza avatumikiri, vatovole vange mba; mutadiiri ku avaporofeti vange mba.”

Zaburi 121:8

Alakukinga lwa uturaa ichova kandi lwa wingiraa, kalunu kandi mihiga ni mihiga.

Zaburi 27:5

Mu ing'inga yi kivi alakinga inzi. Yahova alambiika vulahi mu litembeli lilie. Nokongola singiri vudinyu igulu kulwanda.

Zaburi 32:7

O, Yahova Ivi oveeye havundu hange hu kwivisa, ulambonyia kutura mu vudinyu vwange vwosi. Ndimba vudinyu zinyimbu ziu kwizominya ovohonyi vuvwo kigira ukingaa inzi.

Zaburi 57:1

O, Nyasaye, ombere zimbavasi kigira nzizanga ku ivi osoore. Nzivisaa mu ivi kuli engoko ivisaa viminyu viayo isi wi zimbaha ziayo kuduuka lwa imbuza yi chihi elekela.

Zaburi 64:2

Ukingi inzi kutura ku linziira hasi lia vadamanu kandi ku lifuliana lia vachamu.

Zaburi 91:1

Uyu omenya isi wi likingwa lia Nyasaye oveeye Igulu Ligali, uyu omenyaa isi wi chiriri cha Yahova Wuvunyali,

Isaya 26:20

Avandu vange, muzie mu zinyumba zienyu, kandi muhaane viliango. Mwivisi ku ing'inga engekeeke kuduuka lwu vutima vwa Nyasaye vovomboloka.

Jeremia 1:19

Avandu yava valakulwaana, navuzwa si valakuguuta mba, kigira mbeeye harara na ivi na ndakukinga. Inzi Yahova mali kovora.”

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 26:24

Navuzwa kigira ndaali novokonyi kutura ku Ahikamu mwana wa Shafani, sindaviikwa ku vandu nukwitwa mba.

Jeremia 36:19

Maku avanene vavoolera Baruki, “Ivi harara na Jeremia gamuduukira mwivisi. Mundu kali mulala atamanya hamuveeye mba.”

Jeremia 36:5

Maku ndaha Baruki amalago yaga: “Inzi si mbugirilwi kuzia mu Litembeli mba.

Jeremia 38:6

Kunangwa vambugura ni vamboha ku migoye ma nivanzikiza mu vogo vwa Malikia mwana wu mwami, uvwali mu mugizi gwi inyumba yu vwami. Amazi sigali mu vogo yivu mba, navuzwa ovodohi uvwere, na ndiyina musi mu vodohi.

Yohana 11:57

Avasaalisi vanene na Avafarisayo vaali nivahaani malago ndi, niiva mundu amanyi havundu ha Yeso aveeye, avavoolere, kunangwa vaduuki kumugumira.

Yohana 7:32

Avafarisayo vahulira avandu nivamonya Yeso. Kunangwa, Avafarisayo harara na avasaalisi vanene vatuma avasikari kumugumira.

Yohana 8:20

Yeso yamoloma amakuva yaga ahimbi na havundu ha masandugu ga mabese gaviikwa lwa yaali niyigizaa mu Litembeli. Na sihaaliho nu mundu wamugumira mba, kigira ing'inga yeeye yaali nikikiri kuduuka.

Yohana 8:59

Kunangwa vadoola amagina nivenya vamulase, navuzwa Yeso yiivisa, natura mu Litembeli.

Vikolwa 12:11

Maku Petero yamanyiriza gaali nigekoleki kuye navoora, “Kalunu manyi ligali ndi Mwami utumi engelosi weve kombonyia kutura mu zinguru zia Herodi nu kutura mu makuva goosi aga vandu va Isiraeli vaganagana galekoleka.”