Jeremia 36:14 - KITABU KITAKATIFU

¹⁴ Maku avanene vaatuma Jehudi mwana wa Nezania, mwisukulu wa Shelemia kandi kisukururwi cha kushi azie kovoolera Baruki aleete ikaratasi ya makuva gasomi imbiri wavandu. Kunangwa, Baruki yaahira ikaratasi yaali nilingiywi.

Jeremia 36:14 ပူးပေါင်းရင်းမြစ်များ

2 Avami 25:23

Lwa vanene vi Ivuyuda na avasikari va mahi, avavura kwihana aveene ku Vababilonia vahulira amakuva yaga, viiyunga na Gedalia ha Mizipa. Avanene yava vaali Ishimaeli muyaayi wa Nezania, Johanani muyaayi wa Karea, Seraya muyaayi wa Tanihumezi, kutura mu lidaala lia Netofa, na Jezania kutura Maaka.

Jeremia 36:2

“Vugula ikaratasi ilingiywi na ong'ode ku amakuva goosi agaamali kokovoolera kigira avandu va Isiraeli na avandu vi Ivuyuda kandi ni zihiiri ziosi. Ong'ode amakuva goosi agandakovolera kutura ing'inga ya ndamoloma ku ivi mulitanga, lwa Josia yaali mwami kuduuka lero.

Jeremia 36:21

Maku mwami yatuma Jehudi azie koleta ikaratasi ilingiywi kutura mu keng'oze cha Elishama. Jehudi yaleeta ikaratasi ilingiywi, naagesoma imbiri wu mwami harara na avanene, vosi avaari ni vasingiyi ahimbi nu mwami.

Jeremia 36:4

Kunangwa ndaalanga Baruki mwana wa Meria, kandi ndamuvolera ang'ode makuva goosi aga Yahova yaali niyamboleye. Baruki yang'oda amakuva yaga goosi kukaratasi ilingiywi.

Jeremia 40:8

Kunangwa Ishimaeli mwana wa Nezania, Johanani mwana wa Karea, Seraya mwana wa Tanihumezi, avana va Efai kutura Netofa na Jezania kutura Maaka vazia na avandu vaavo ku Gedalia ha Mizipa.

Jeremia 41:16

Maku Johanani harara na aviimiliri vi liihi, valinda avandu va Ishimaeli yaali navuguyi kuli avahambe kutura Mizipa lwa yaali niyakita Gedalia, avasikari, avakali, avana kandi avatumiki.

Jeremia 41:18

ukwesola kutura ku vandu va Babiloni. Vaali nuvuti kigira Ishimaeli mwana wa Nezania, yaali niyiiti Gedalia mwana wa Ahikamu, uwu mwami wa Babiloni yaali natovoye kuva mwamihi wikivala.

Zefania 1:1

Yaga na makuva ga Yahova yahaana ku Zefania muyaayi wa Kushi mwisukulu wa Gedalia, chisukululwi cha Amaria kandi kesoni chu mwami Hezekia. Yiyi yaali ing'inga lwa Josia muyaayi wa Amoni yaali mwami wi Vuyuda.

Matayo 10:16

“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.