Jeremia 35:14 - KITABU KITAKATIFU

¹⁴ Ivisukulurwi via Jonadabu vamali kutia malago geege kuvula kunwa iwaini, kandi kuduuka na lero avulaho umundu kali mulala unwezaa iwaini mba. Navuzwa inzi nzizagilira komoloma ku munyi na simutizaa inze mba.

Jeremia 35:14 ပူးပေါင်းရင်းမြစ်များ

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Nehemia 9:30

Ivi wikuzira kuvo ku mihiga minyingi. Waviganihiza mu vwikuziri vunyingi. Wakola avaporofeti vovo komoloma. Navuzwa vasuura kuhuliriza, kunangwa ivi waleka vaguutwi na avandu vizihiiri zindi.

Isaya 30:9

Avandu yava vibaaraa ku Nyasaye vuli kazozo, vaveeye vana vuvugadi, avana valivula kuhulira miigizu ga Yahova.

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Jeremia 11:7

Lwa ndaaleeta avaguuga vaavo kutura mukivala cha Egebeti, ndaaviganihiza vatie inzi. Ndaazizagilira ku viganihiza kali kuduuka na kalunu.

Jeremia 26:5

kandi mutegizi amatu ku amang'ana gavatumikiri vange, avaporofeti, avandaazizagilira kutuma kumunyi vuli lwosi. Munyi simwatia agavavoola kali hakuzu mba.

Jeremia 29:19

Yaga galakoleka kuvo kigira si vahulira amakuva gandazizagilira kutuma kuvo kuvitira ku avatumikiri vange avaporofeti, navuzwa sivahulira.

Jeremia 32:33

Vamali kugirung'ana kutura ku inzi, kali niiva ndaazizagilira kuvigiza, navuzwa si venya kuhulira kandi kwiga mba.

Jeremia 35:16

Visukululwi via Jonadabu vimali kutia lilaga lia vaguuga vaavo vahaana kuvo, navuzwa avandu munyi simutizaa inzi mba.

Jeremia 35:6

Navuzwa vaativura, “Kunwezaku iwaini mba. Jonadabu mwana wa Rekabu, baba wiitu yakulaga navoora, ‘Munyi anoho mutanwa iwaini, munyi avana vinyu mutakanywi iwaini mulimenyalinyu liosi mba;

Jeremia 7:13

Munyi mumali kokora uvwoni yivu vwosi, kali niiva ndamoloma ku munyi haali kanyingi, navuzwa mwasuura kuhulira. Si muhugilaa lwa inzi mulangaa mba.