Jeremia 35:11 - KITABU KITAKATIFU

¹¹ Navuzwa lwu mwami Nebukadineza yingilira kivala, kwatovola kuzia Jerusalemi kove ihale kutura ku avilihi va Babiloni na Siria. Yiki nicho kigira komenyaa mu Jerusalemi.”

Jeremia 35:11 ပူးပေါင်းရင်းမြစ်များ

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 35:12

Maku Yahova Wuvunyali, Nyasaye wa Isiraeli yambolera

Jeremia 8:14

Avandu va Nyasaye vateva, “Kigira ki kwikali hano makiriri? Gendi kunyaguli kuzie mu madaala manene gi zimbinga, na kukuziri uwene yeyo. Yahova Nyasaye wiitu umali kukukalagira likuza; umali kukuha isumu kunwi, kigira kumali kokora uvwoni kuye.

Marko 13:14

“Mulalora ‘Kindu kidamanu ligali keleetaa lidiviza’ nikisingiyi ahataduukana kisingiri.” Ivi osoma; Ove na agiligali kumanyiriza icha yaga gavoora! Hene yaho avandu yavo avaveeye Ivuyuda kuduuka vilukiri mu vigulu.