Jeremia 33:9 - KITABU KITAKATIFU

⁹ Jerusalemi ilava kuli kisenukiru chu vusangali, uvukumi kandi lizominywa, kandi zihiiri ziosi zie lirova zilava nu vuti kandi ni lidegera lwa zihulira kigira vindu vilahi via ngolera avandu va Jerusalemi kandi kigira ligasizwa liambaana ku lidaala yili.”

Jeremia 33:9 ပူးပေါင်းရင်းမြစ်များ

2 Kyetsinyinga 20:29

Lwu vwami vwi vivala viosi vahulira Yahova umali kulwaana nu kuguuta avasigu va Isiraeli, vosi vaatia Nyasaye ligali.

Nehemia 6:16

Lwa avasigu viitu vi zihiiri ziakukumbiriza vahulira makuva yaga, vaali nuvuti vonene ligali kandi liegingira liavo liagehizwa, ligali kigira vamanyiriza ndi miyinzi yiji jikoleywi novokonyi kutura ku Nyasaye wiitu.

Esther 8:17

Vuli kivala kandi lidaala linene, na hoosi hi lilaga liu mwami liasomwa, Avayuda vaali nu vuyanzi nu vusangali harara ni lilia lie lisosa. Kali avandu vanyingi vaatovora kugwa Avayuda kigira vaatia Avayuda.

Zaburi 130:4

Navuzwa ivi ukusamihaa uvwoni vwitu, kunangwa kunyi kuduuki kuva nu vuti vonene kuive.

Zaburi 40:3

Yanzigiza kwimba lwimbu luhia, lwimbu lwi lizominya ku Nyasaye wiitu. Avanyingi avalolaa yaga, valanyora lieganihiza, kandi vasuuvira, Yahova Nyasaye.

Isaya 43:21

Vaveeye avandu vandelombera umwene, kandi valimba lizominywa liange!”

Isaya 55:13

Misaala ji midaragwa jilamera muvogono vwi viguunzanguva; zinzuvu zilamera mu vogono vwa amafa. Yiki kilava ekelolero kilihindira mihiga ni mihiga, ukwizuliza avandu ivindu via inzi Yahova mali kokora.”

Isaya 60:5

Maku mulalora yaga kandi mioyo jinyu jilava nu vusangali ligali. Mudegera muligosa miandu ji zihiiri jilaletwa ku munyi; uvutugi vwavo vulaza kutura engeleka wi inyanza.

Isaya 62:1

Inzi si ndachiring'ana kigira avandu va Ziyoni mba, kandi si ndasosa kigira Jerusalemi mba; kuduuka uvulungi vwivwe vong'ereng'ane kuli uvulavu vwa mugambazuri, kandi ovohonyi vwivwe vove kuli itaya yaka mu vudiku.

Isaya 62:12

Mulalangwa, “Avandu va Nyasaye Avatakatifu”, “Avandu va Nyasaye amali kohonyia.” Jerusalemi ilalangwa, “Lidaala linene lia Nyasaye ayaanza”, “Lidaala linene lia Nyasaye yavula koleka.”

Isaya 62:4

Simulalangwa kandi, “Azuba,” liveeye kovora “Avandu valekwa” anoho kivala chiinyu si kilalangwa “Shemama” liveeye kovora “Mukali walekwa.” Navuzwa mulalangwa “Hefiziba” - liveeye kovora “Uvusangari vwa Nyasaye voveeye mu munyi.” Kivala chiinyu kilalangwa; “Beula” - liveeye kovora - “Wakwevwa.” Yahova asangalira munyi, kandi mulava kuli musaza mu kivala chiinyu.

Isaya 62:7

Mutahaana vwiyangu ku Yahova kuduuka asingirize lidaala linene lia Jerusalemi kandi alilombe live lidaala lizominywa mu kivala choosi.

Isaya 64:2

Vigulu viladegela kuli amazi gatavagira ku muliru gudidimaa. Hamba uvuli zinguru zizio zinene ku vasigu vovo, kandi okole zihiiri zidegere imbiri woovo!

Jeremia 13:11

Kuli zimbala zigumira vudinyu mukisindi, kandi ndio ndeenya avandu va Isiraeli ni Ivuyuda vagumiri vudinyu ku inzi. Inzi ndaakola yaga kunangwa vaduuki kuva avandu vange kandi vahane lizominya nuluyali ku inzi; navuzwa sivaatia inzi mba.”

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 24:6

Ndavalinda kandi ndavilanyia mukivala yiki. Ndavumbaka na si ndavasambula kandi mba. Ndavakora vasingiri vudinyu kuli misaala jitanyala kwifwa mba.

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Jeremia 29:1

Yiyi ni Ibarwa ya ndaang'oda kuzia ku avasaalisi, avaporofeti, aviimiliri, harara na avandu vosi ava Nebukadineza yaali naahiri kutura Jerusalemi kuzia Babiloni kuli avahambe.

Jeremia 3:17

Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Jeremia 3:19

Yahova avoora, “Munyi avandu va Isiraeli, ndali nilienya kumuvugilira kuli avana vange kandi nukumuha kivala chuvusangari, kivala kilahi ligali mulirova liosi. Ndaali nilienya munyi muunange baba, kandi muvuli kugirung'ana kutura ku inzi.

Jeremia 31:14

Inzi ndaha avasaalisi viukulia vinolu, kandi ndigutiza avandu kolondekana ni lienya liavo liosi. Inzi, Yahova mali kovora.”

Jeremia 31:4

Munyi avandu va Isiraeli avaveeye avuvuguli vudinyu kuli mukaana mugima inzi, kulwayago ndamwumbaka vuhia na muliyumbaka. Munyi mulavina kigira uvusangari kandi mulakuba vikuli vienyu.

Jeremia 32:42

“Kuli mali koleta ikivi yiki choosi ku avandu yava vosi, kandi ndio ndaleta uvulahi vwosi kuvo, kuli ndaavalaga.

Jeremia 33:14

Yahova avoora, “Ing'inga yiza lwa inzi ndiduukiza lilagana liange liandalomba ku avandu va Isiraeli ni Ivuyuda.

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Jeremia 49:25

Lidaala liamanyikana lialange nuvuyanzi limali kung'anywa ligali.

Ezekieli 26:20

Ndamutuma muzie hasi mu kivala cha vakuzu muvugane harara na vandu vamenya muzing'inga ziakale. Ndamukora mumenye mu kivala chahasi yicho mihiga ni mihiga numuganda gwa vandu vakuzu. Kulwa gene yago si mwaza mumenye mu kivala cha vandu vaveeye mwoyo mba.

Ezekieli 36:35

Avandu yava valakavoole ndi, ‘Kivala yiki ichaali nichatigala hazwa, kalunu kimali kugwa kuli mulimi gwa Edeni. Amadara gaali nigaatigala mang'anye, kandi gadivizwa, kalunu avandu vamenyi mu kandi gumbakiywi zimbinga.’

Ezekieli 39:13

Avandu vosi mu kivala valakakonyane kuyavira miviri yiji, kandi valakahevwe luyali kulikola yaga ku lidiku Lieliguuta liange! Inzi Yahova Wuvunyali mali kovora.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Zekaria 1:17

Engelosi yambolera kandi mbore ndi, “Yahova Wuvunyali avoora ndi, madaala geege manene galava kandi ni ingavi yu vutugi kandi alakonya Jerusalemi nu kulivugula kuva lidaala lilie.”

Zekaria 12:2

“Ndakakole Jerusalemi kuva kuli kekombe chi iwaini; zihiiri ziosi zikumberizaa lidaala yili zilakanwi waini kandi zilakageende no koyekayeka kuli avandu vahambiku. Lwa navingiliri Jerusalemi, madaala gandi goosi gi Ivuyuda galakingilirwi.

Kwidzulitsa 30:5

kunangwa muduuki kuvugura kivala cha avaguuga vinyu vamenya mu maziambiri. Kandi alamukola muve vanyingi ligali kuvita avaguuga vinyu.