Jeremia 33:4 - KITABU KITAKATIFU

⁴ Inzi Yahova Nyasaye wa avandu va Isiraeli, mboraa ndi, ndasambura zinyumba ziosi zia Jerusalemi kandi ni zinyumba ziu vwami zie Ivuyuda lwa avandu va Babiloni vavakumberiza kandi vavingilira.

Jeremia 33:4 ပူးပေါင်းရင်းမြစ်များ

Isaya 22:10

Mwavaliza zinyumba ziosi ziu mu Lidaala linene lia Jerusalemi, nimusambula zindala ku zio, kunangwa muduuki konyoora amagina gazio mutumikiri kudigululila lidigi lie Lidaala linene.

Isaya 32:13

Visaka viamafwa kandi nivigunzanguvu vimera mu kivala cha vandu vange. Musiome kigira zinyumba ziosi zia vandu vaali nu vusangali kandi musiome kigira lidaala linene iliali liovomenyo vuduukiru.

Isaya 32:14

Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.

Jeremia 32:24

“Avandu va Babiloni vamali kwumbaka vitumi kukumbiriza lidaala linene kandi kuligumira nu kulingilira. Liihi, inzara enene kandi vulwaye vilalomba lidaala linene yili kuva mu zinguru zia avandu va Babiloni. Goosi aga walaga gamali kuduukizwa.

Jeremia 6:6

Yahova Wuvunyali umali kuhaana lilago ku avami vateme misaala kandi vumbake vitumi kunangwa vakumbirizi Jerusalemi. Umali koroola, “Ndaha lidaala yili amageri kigira avadambizi vaveeyemu avanyingi.

Lisyoma lya Jeremia 2:7

Yahova amali kusura uvwali vwivwe kandi yamala koleka Litembeli lilie Litakatifu; yaleka avasigu kusambula madigi gi zinyumba ziavo ziu vwami. Vahaanzuka nokokola liyoga mu Litembeli kuli lidiku lie lisavo.

Ezekieli 21:22

Kalunu! Mukono gwigwe mulungi goveeye nu vuta vwang'odwa ku ‘Jerusalemi!’ Vumuvooleraa azie asingilizi viugi viukusambula kuvilivwa, yumbake vitumi, kandi yumbake minaara jukukumbiliza.

Ezekieli 26:8

Avandu avamenyi mu madaala ku kivala kenene na vitilwi mu vulwani. Musigu alayava malina nukwumbaka vitumi, kandi alumbaka lidigi lidinyu lie inguuva ku munyi.

Ezekieli 4:2

Maku, wetegeke kwingilira lidaala yili, olombe zimbinga kulio, olombe kitumi kenene imbiri walio, wumbake mahema imbiri walio, kandi uviiki viduyiru viukusambula kukumberiza lidaala yili.

Habakuk 1:10

Vachaaya vami kandi vasekeriza vaamiihi. Sihaveeye ho ni imbinga inyala kuvigalira mba. Vavungizaa kumalova ma vagivugula.

Kwidzulitsa 20:20

Munyala kotema misaala jindi josi ja mumanyi ndi sijiveeye jamakuyu mba, na mwumbe ulugaga lwukukonya kugumira lidaala lia ulwaana nalio kuduuka uliguuti