Jeremia 33:22 - KITABU KITAKATIFU

²² Visukululwi via Daudi mutumikiri wange kandi avasaalisi kutura mu ihiiri ya vandu va Levi valamedeka, kunangwa vaduuki kuva avanyingi ligali kuli zing'ereng'ani ziveeye mu ligulu anoho kuli zinzaro ziu muyeke mu inyanza.”

Jeremia 33:22 ပူးပေါင်းရင်းမြစ်များ

Litanga 13:16

Inzi ndakuha visukululwi vinyingi kali mundu sianyala kuvaliza mba. Kunangwa niiva umundu yakavalizi luguchi, visukululwi vivio viaakavaliziywi.

Litanga 15:5

Yahova yavugula Aburamu naamuhira ichova namuvolera, “Henza mu ligulu ma uvalizi zing'ereng'ani niiva unyala. Ivi ulakave ni visukululwi vinyingi kuli zing'ereng'ani.”

Litanga 22:17

Inzi ndagaa ndi ndakakohe visukululwi vinyingi kuli zing'ereng'ani ziu muligulu anoho muyeke gwu kunyanza. Visukululwi vivio vilakaguuti nukuvugula miandu ja madaala ga vasigu vaavo.

Litanga 28:14

Visukululwi vivio vilakave vinyingi kuli luguchi loveeye ku lirova. Valalanda kutura Ivugwi kuduuka Imadioli, kandi kutura Ivaale kuduuka Isavaalu. Kuvitira mu ivi ni visukululwi vivio, ndakagasizi zihiiri ziosi.

Zaburi 22:30

Amakura gaazaa galamutumikira; gavalavolera amakura gaazaa amakuva ga Yahova.

Zaburi 89:29

Uvwami vwivwe vulahindira lwi ligulu likiki riho, kandi visukululwi vivie vilava avami kazozo.

Isaya 48:19

Zinzivulu zienyu ziakaveeye kuli muyeka, kandi visukululwi vienyu viakaveeye kuli zinzaro ziu muyeke, kandi ngano sindaamuvika ku lidivizwa mba.”

Isaya 66:21

Avalala kuvo, ndavakora vave avasaalisi kandi avandi vave vandu va Levi.

Jeremia 30:19

Avandu vamenyayo valimba zinyimbu zielizominya; valahanzuka nuvusangali. Kigira ligasizwa liange valamedeka ligali; ligasiza liange lilavaletera luyali.

Jeremia 31:37

Niiva lidiku lilala ligulu liakagereywi kandi imise jilirova kohenzerizwa, maku yakasuyi avandu va Isiraeli kigira kugoosi agavamali kokora. Yahova amali kovora.

Jeremia 33:18

kandi avasaalisi kutura mu ihiiri ya Levi valandumikira, kandi valahaana vihaanwa viu kusamba, vihaanwa viu vuswage kandi visiuviliru mihiga ni mihiga.”

Jeremia 33:23

Yahova yambolera,

Ezekieli 37:10

Kunangwa ndaaporofeta kuli Yahova yaali naamboleye. Umwika gwaaza mu miviri, kandi nijiva mwoyo ma nijisingira. Vaali avandu avanyingi vanyala kolomba iliihi liene.

Ezekieli 44:15

Yahova Wuvunyali yavoola, “Avasaalisi vaveeye vi hiiri ya Levi kandi avaveeye visukululwi via Zadoku, vazizagilira kundumikira nu vusuuvirifu mu Litembeli lwa vandu vosi va Isiraeli vaagirung'ana kutura ku Inzi. Kulwayago, yava nivo avisunda ahimbi ninzi nu kundumikira kuhaana zitinya kandi masahi gi zinyama zie visiuviliru ku Inzi.

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Zekaria 10:8

“Ndakalange vandu vange nukuvaviika harara. Ndakavasoole kandi valakave vanyingi ligali kuli valange kale.

Zekaria 12:8

Ing'inga yene yeyo, ndakasole yavo avamenyi mu Jerusalemi, kali yavo avaveeye avadedekere hagati haavo, valakave ni zinguru kuli Daudi yaali. Visukululwi via Daudi vilakavimiliri kuli engelosi wa Yahova Nyasaye kuli mwene.

Zekaria 2:4

Engelosi wukutanga yavolera engelosi ya kaviri, “Nyagura, ovoolere musoleri oveeye nu mugoye gwo kogera ndi kuziiza kuva na vandu vanyingi kandi ni mitugu minyingi mu Jerusalemi; kandi lidaala lilava linene ligali. Sinalive namadigi gu kulikinga mba.

Vahebraina 11:12

Kali niiva Aburahamu yaali niyakuza, kutura ku mundu mulala uyu, vianyooleka visukululwi vinyingi kuli zing'ereng'ani mwigulu, kuli muyeke gutanyala kuvalizwa ku lujinga lwinyanza.