Jeremia 31:37 - KITABU KITAKATIFU

³⁷ Niiva lidiku lilala ligulu liakagereywi kandi imise jilirova kohenzerizwa, maku yakasuyi avandu va Isiraeli kigira kugoosi agavamali kokora. Yahova amali kovora.

Jeremia 31:37 ပူးပေါင်းရင်းမြစ်များ

Ayubu 38:18

Ivi wamanya ovonene vwi lirova yili? Undivuliri niiva umanyi.

Zaburi 89:2

Inzi manya ndi vuyanzi vuvwo vulava ho mihiga ni mihiga, kandi vusuuvirifu vuvwo vulasingira vudinyu kuli iligulu.

Tsing'ano 30:4

Nivwaha unyala kumanyiriza vogeri vwu mwigulu? Nivwaha wagumira ku vukindu mu makono geege: anoho nivwaha wavohera ku amazi mu zinguvu zizie? Nivwaha walomba keheri choosi chi lirova? Lieta lilie nivwaha kandi lieta liu mwana weve ni vwaha? Mbolera niiva umumanyi!

Isaya 40:12

Mundu anyala kogera amazi gi inyanza ku luhi lwumukono gwigwe, anoho kogera ligulu namakono geege? Mundu anyala kogera amalova gi kivala mu kekombe, anoho kubima vigulu kandi tugulu mu zikilo?

Isaya 54:9

“Mu ing'inga ya Nuhu, ndaalaga ndi sindaleeta kandi imbura zi migelera ku lirova kali hakuzu mba. Kalunu ndagaa ndi sindavihilirwa ivi kandi mba; sindakogondokera anoho kukuha mageri kandi mba.

Isaya 65:9

Ndagasiza avandu va Isiraeli avaveeye vi ihiiri ya vandu vi Ivuyuda, kandi visukululwi vaavo valamenya mu kivala change chi ivigulu. Avandu vange avatovole, avandumikiraa, valamenya mu kivala yiki.

Jeremia 30:11

Inzi nanzizi kumunyi kandi naamuhonyie. Inzi ndakadivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha mageri sinagave amalulu ligali mba. Inze, Yahova mali kovora.”

Jeremia 33:22

Visukululwi via Daudi mutumikiri wange kandi avasaalisi kutura mu ihiiri ya vandu va Levi valamedeka, kunangwa vaduuki kuva avanyingi ligali kuli zing'ereng'ani ziveeye mu ligulu anoho kuli zinzaro ziu muyeke mu inyanza.”

Jeremia 46:28

Inzi nanzizi kumunyi kandi naamuhonyie. Inzi nandivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha amageri nambe nilikalaga lirungi. Inzi, Yahova mali kovora.”