Jeremia 31:35 - KITABU KITAKATIFU

³⁵ Yahova ahaanaa liuva kigira uvulavu vwilidiku, mweli nizing'ereng'ani viaka vudiku. Ahunzulanyia inyanza ma agekola kuhuuma; lieta lilie ni Yahova Wuvunyali.

Jeremia 31:35 ပူးပေါင်းရင်းမြစ်များ

Ayubu 26:12

Nyasaye nizinguru zizie yakiring'anyia inyanza; kandi yadiviza Rahabu mu ovogeri vwivwe.

Ayubu 38:33

Ivi wamanya malago gamiihaa vilombe viu mwigulu? Unyala kokora amalago yaga gamiihi ku vilombe viu mu lirova?

Zaburi 106:9

Yahaana lilago ku nyanza Nzakanyu nayo yuuma; yimilira avandu veve kuvitira hagati hayo ku lirova liumu.

Zaburi 119:89

O, Yahova, likuva liilio lilahindiraa mihiga ni mihiga; lihindiraa mihiga ni mihiga mwigulu.

Zaburi 119:91

Ku malago googo vilombe viosi viveeye ho kuduuka lero, kigira vindu viosi vikutumikiraa.

Zaburi 148:6

Ku lilaga lilie yavisingiriza vudinyu mu vogono vwavio mihiga ni mihiga. Lilaga yili silinyala kuvunwa mba.

Zaburi 72:17

Leka lieta liu mwami lizulizwi mihiga ni mihiga; ulusuma lwilwe luhindiri kuli liuva! Leka zihiiri ziosi ziteeve Nyasaye azigaasizi kuli amali kugasiza mwami!

Zaburi 72:5

Leka avandu vovo vakusigamiri mihiga ni mihiga kandi lwu mweli gwakaa ku makura goosi.

Zaburi 74:13

Ivi waavukanyia inyanza kuzinguru zizio zinene; wasionolanyia imitwi ji miyoka minene ju mu inyanza.

Zaburi 74:16

Umbasu nu gugwo, uvudiku nu vuvwo; ivi wasingiriza iliuva numweli mu vogono vwavio.

Zaburi 78:13

Yavukanyia inyanza kandi naavavitizira hagati hayo; yalomba amazi gasingiri vulungi kuli madigi.

Zaburi 89:2

Inzi manya ndi vuyanzi vuvwo vulava ho mihiga ni mihiga, kandi vusuuvirifu vuvwo vulasingira vudinyu kuli iligulu.

Isaya 48:2

Kandi mwigingiraa nokovoora ndi muveeye avandu vi lidaala linene litakatifu lia Jerusalemi kandi mweredaa ku Nyasaye wa vandu va Isiraeli, wi lieta lilie liveeye “Yahova Wuvunyali.”

Isaya 51:15

“Inzi mbeeye Yahova Nyasaye woovo; uvuruganyiaa inyanza, nokokola viguvuli vihuumi. Lieta liange liveeye Yahova Wuvunyali!

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Isaya 63:12

uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Jeremia 10:16

Nyasaye wa vandu va Isiraeli siaveeye kuli yavo mba; niyie walomba ivindu viosi, kandi yatovola avandu va Isiraeli kuva aveeve mwene. Lieta lilie ni Yahova Wuvunyali.

Jeremia 32:18

Ivi umali kumanyia uvuyanzi vutali nekeheri ku avandu zielefu, navuzwa kandi uhaanaa amageri ku avandu kigira uvwoni vwa avaguuga vaavo. Ivi oveeye Nyasaye munene ligali kandi wi zinguru; Oveeye Yahova Wuvunyali Vwosi.

Jeremia 33:20

“Niiva mulavunaga lilagana liange mbasu kandi vudiku, kunangwa lidiku liene yilio nu vudiku vwene yivwo vuvuli kuduuka ku ing'inga idukanaa,

Jeremia 33:25

Navuzwa Inzi Yahova, mbeeye ni indagano ni lidiku kandi nu vudiku, kandi mali kolomba amalago kwamiiha ligulu ni lirova.

Jeremia 33:26

Ligali kuli mali kokora yaga, kunangwa ndadinyiriza lilagana liange ni visukululwi via Yakobo harara na Daudi mutumikiri wange. Ndatovora mulala ku visukululwi via Daudi kwamiiha visukululwi via Aburahamu, Isaka na Yakobo. Ndavera avandu vange zimbavasi kandi ndavagasiza ni miandu kuli vaali maziambiri.”

Jeremia 46:18

Inzi, Yahova Wuvunyali, mbeeye mwami. Inzi ni Nyasaye oveeye mwoyo. Kuli Kiguru cha Tabori keveeye igulu mu vigulu, kandi kiguru cha Karimeli kisingila igulu ku inyanza, kunangwa zilakave ndio zinguru zia oyo ulikutulira.

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Jeremia 50:34

Navuzwa mulala uwaza avasoole aveeye nizinguru wi lieta lilie liveeye Yahova Wuvunyali. Mwene alavakolera kekolwa nokoleta milembe ku kivala, navuzwa uvudinyu vulava ku vandu va Babiloni.”

Jeremia 51:19

Nyasaye wa Yakobo siaveeye kuli yavo mba; niye walomba vuli kindu, kandi umali kotovola Isiraeli kuva vandu veve mwene. Lieta lilie ni Yahova Wuvunyali.

Hosea 13:14

Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Amosi 9:8

Inzi, Yahova Nyasaye Wuvunyali, mbenzaa ku vwami vwu vwoni yivu vwa avandu va Isiraeli, na ndavudiviza vutuli mu lirova linu. Navuzwa sindadiviza ligali kisukururwi choosi cha Yakobo mba.

Matayo 5:45

muduuki kuva avana va Baba winyu oveeye mwigulu. Kigira alavizaa iliuva lilie ku vadamanu na valahi, kandi akubizaa imbura ku valahi na vadamanu.

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.