Jeremia 31:32 - KITABU KITAKATIFU

³² Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Jeremia 31:32 ပူးပေါင်းရင်းမြစ်များ

1 Avami 8:9

Kindu sichali musi mwi Lisandugu Lielilagana nivitali vibaho viviri via magina via Musa yaali niyaviika mu ha Kiguru cha Sinai, lwa Yahova yalomba lilagana na vandu va Isiraeli; ku ing'inga ya vaali nivatulanga mu kivala cha Egebeti.

Zaburi 73:23

Navuzwa inzi mbeeye harara nivi kazozo, kandi ivi ungumiyi mukono gwange mulungi.

Zaburi 78:37

Sivali avasuuvirifu kuye mba; sivali avasuuvirifu ku lilagana liavo naye mba.

Kutwula 19:5

Kalunu, niiva mulambulira ligali nokolonda lilaga liange, mulava avandu vange. Lirova liosi liveeye liange, navuzwa munyi mulava avandu vatovole vange,

Kutwula 32:8

Vamali koleka inzira ya ndaavalaga kolonda ku: vamali kwelombera kifananyi chi igiriki kutura ku izahabu isialulukiziywi nukugisigamira, nukuhaana kucho visiuviliru. Vavoola ndi oyo numunyasaye wavo, uwavatuliza mu kivala cha Egebeti.

Lwimbu lwa Solomoni 8:5

Nivwaha uzaa kutura mu changalangwi, vagumilani nu muyanze weve? Ndakuvukiza nogonaa muchiriri chu musaala gwu mukuyu, hamama wowo yakoverekera, hayaali ni numwa na kwivulilwa ho.

Isaya 24:5

Avandu vononyi lirova mu livunanyia lilaga lia Nyasaye kandi kuvula kolonda lilaga lilie liayalomba kuva ho mihiga ni mihiga.

Isaya 41:13

Kigira Inzi Yahova Nyasaye winyu; ndaamuha zinguru, kandi ndamuvolera, ‘Mutatia mba; ndamukonya!’ ”

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Jeremia 11:3

Inzi Yahova Nyasaye wa avandu va Isiraeli, mali kuviika kilaamo ku mundu woosi uvula kutia amakuva gi lilagana yili.

Jeremia 11:4

Ni lilagana lia ndalomba na avaguuga vaavo lwa ndaatuliza kutura mukivala cha Egebeti; kivala chaali kuli kisambiru chi vivia kuvo. Ndaavavoolera vatie inzi kandi vakole vuli kindu cha ndaavalaga. Ndavavolera ndi, niiva valatia inzi, valava avandu vange, na inzi ndava Nyasaye wavo.

Jeremia 2:2

“Nzie kulandiza ku avandu va Jerusalemi amakuva yaga ndi: Inzi nzizuliza kuli mwaali avasuuvirifu lwa mwaali ni mukikiri avasoleri, kandi kuli mwaali nimwanyaanza lwa kwali harara nikwakaletana mulitanga; mwanonda kuvitira mu changalangwi, kuvitiramu kivala kitatagwa mu uvuguza.

Jeremia 22:9

Maku valativura ndi gaveeye kigira mumali koleka lilagana lienyu na inzi, Nyasaye winyu, kandi mumali kusigamira kandi kutumikira avanyasaye vandi.”

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 31:1

Yahova avoora, “Ing'inga yiza lwandakave Nyasaye wi zihiiri ziosi zia Isiraeli, kandi valakave avandu vange.

Jeremia 34:13

Nyasaye wa Isiraeli yambolera mbolere avandu: “Inzi ndaalomba lilagana navaaguuga vinyu lwa ndaavahonyia kutura Egebeti nukuvavoholora kutura muvutugwa. Inzi ndaavavoolera ndi

Jeremia 34:14

Vuli mihiga saba valavoholora mutugwa woosi Muheburaina uwatumika ku mihiga sita. Navuzwa avaguuga vinyu sivategiza amatu nukuhulira agandaavola mba.

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Ezekieli 20:37

“Ndahaana mageri ku munyi kandi ndamukora mutie lilagano liange.

Ezekieli 23:4

Mukaana munene yalangwa Ohola; liveeye kovora ‘Samaria,’ nu mukaana mukekeeke yalangwa Oholiba; liveeye kovora ‘Jerusalemi.’ Ndaavavugura ma nivagwa vakali vange, niviivura vana vakana na vayaayi.

Hosea 11:1

Yahova avoora, “Lwa Isiraeli yaali mwana inzi ndamuyanza kandi ndamuranga kutura Egebeti kuli mwana wange.

Hosea 2:2

Avana vange, mugoonye mama winyu, kali niiva si aveeye mukali wange, kandi inzi si mbeeye musaza weve mba. Mumugonye aleke kokora ovoheyi kandi uvulaya.

Hosea 3:1

Yahova yambolera, “Zia umanyie kandi vuyanzi vwuvwo ku mukali woovo okolaa kali niiva yayanzwa nu mundu uwundi na akolaa ovoheyi. Ivi kuduuka umuyanze vuzwa kuli inzi Yahova nyanza avandu va Isiraeli, kali niiva vagirung'ana nukuzia kuvanyasaye vandi kandi vayanza kuhaana vihaanwa viumuzabibu gwuminywa ku vifananyi.”

Kyavalevi 26:15

Niiva mulasuura kuhulira malago gange ni lilagana liange lia ndalomba nimunyi,

Marko 8:23

Yeso yagumira umboku oyo umukono naamuhira ichova wi lidaala. Lwa yaali niyakamutuuzira amate muzimoni zizie, yavika amakono kuye, ma namuteeva, “Unyala kolola ikindu choosi?”

Yohana 3:29

Oyo oveeye nu Mwiha osereywi niye mwami we keserero. Navuzwa mulina wu mwami we keserero, usingira nukuhuliriza, asangalaa ligali lwa ahuliraa mwami wekeserero namolomaa. Kigira yaga uvuyanzi yivwo nivwo vwa inzi mbeeye navwo; kandi vuduukiziywi.

Vikolwa 23:19

Munene wa avasikari elefu yagumira muyaayi oyo mukono, naamuhira halovega ahivisu namuteeva, “Ni kindu ki cha wenya kombolera?”

2 Vakorintho 11:2

Mbeeye nilikayilwa ni munyi kuli Nyasaye aveeye nilikayilwa ni munyi. Munyi muveeye kuli mukaana mugima, mulahi wa ndateevera umusaza mulala vuzwa, naye ni Kristo.

Kwidzulitsa 1:31

kandi muchangalangwe. Mwalora kuli yamuleta vulahi mumirembe kologendo yilwo lwosi kuduuka havundu hano; kuli baba anyala kuginga muyaayi weve.

Kwidzulitsa 29:1

Yaga nigo amakuva gi lilagana lia Yahova yalaga Musa kolomba na avandu va Isiraeli mu kivala cha Moabu. Yaga goosi gaali komeeda ku lilagana lia Yahova yaali naalombi navo ku kiguru cha Sinai.

Kwidzulitsa 29:21

Yahova alamwahula kutura mu zihiiri ziosi zia Isiraeli, na alaleeta maduywa kuye kolondekana ku vilaamo viosi vie lilagana iviang'odwa mu kitabu chi lilaga yili.

Kwidzulitsa 29:24

Maku lirova liosi, zihiiri ziosi zilateeva, ‘Kigira ki Yahova akoli yaga ku kivala chavo? Uvutima vululu vusamba yivu voveeye kigira ki?’

Kwidzulitsa 31:16

Yahova yavolera Musa, “Ivi uzizaa kukuza vwangu, na inyima wi likuza liilio avandu yava sivalava avasuuvirifu ku inzi kandi mba, valavunanyia lilagana liange lia ndalomba harara navo. Valandeka nu kusigamira avanyasaye vandi vi kivala cha vaveeye ahimbi kwingira mu.

Kwidzulitsa 31:20

Ndavahila mu kivala kitugi kandi kenoru yiki, kuli ndasuuviriza avaguuga vaavo. Uwene yeyo valava ni chukulia choosi cha venya, na valamenya mu lielemeriza. Navuzwa valayeeka halovega kandi vasigamiri avanyasaye vandi. Valasura nukuvunanyia lilagana liange,

Kwidzulitsa 5:2

Ha kiguru cha Sinai, Yahova Nyasaye wiitu yalomba lilagana ni kunyi,

Kwidzulitsa 5:3

sigali ga vababa viitu vuzwa, navuzwa gaali ku kunyi kwosi avakoveeye mwoyo hano kalunu.

Vahebraina 8:9

Lilagana yili si lilakave kuli lia ndalomba harara na vaguuga vaavo ku lidiku lia ndavavugura nu mukono gwange kandi nimbimilira vatuli mu kivala cha Egebeti. Sivali avasuuvirifu ku lia ndalomba navo mba, ninzi sindavakola vave kindu mba, ndavaleka; Mwami avoora.