Jeremia 31:3 - KITABU KITAKATIFU

³ Inzi ndaaloleka kuvo kutura ihale. Avandu va Isiraeli, inzi muyanzaa kazozo, kunangwa ndazizagilira kumumanyia uvuyanzi vwange vutaveeye nekeheri.

Jeremia 31:3 ပူးပေါင်းရင်းမြစ်များ

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

Zaburi 103:17

Navuzwa uvuyanzi vwa Yahova vuhindiraa mihiga ni mihiga ku yavo avamutizaa; kandi uvugasu vwivwe vuhindiraa ku makura goosi;

Zaburi 25:6

O, Yahova, wizulizi, uvugasu kandi uvuyanzi vuvwo uvutahera mba. Uvwa umali kumanyia kunyi kutura kale.

Lwimbu lwa Solomoni 1:4

Umbuguli nzie nivi, kandi kwiluki mwami wange nivi, kandi kwiluki ove mwami wange na imbiri winyumba yooyo. Kulayaanza nukusangara harara, kulanwa iwaini, kandi kulayaanzana. Nicho kigira avakali vosi nivakuyaanza!

Isaya 43:4

Ndahaana zihiiri ziosi ku nduuki okumuhonyia, kigira munyi muveeye avuvuguli vudinyu ligali ku inzi kandi kigira nyanza munyi kandi muheezaa luyali.

Isaya 45:17

Navuzwa Yahova alahonyia avandu va Isiraeli; kandi sivalava mu zisoni mba, valava avaguuti mihiga ni mihiga.’ ”

Isaya 49:14

Navuzwa avandu va Jerusalemi vavoola, “Yahova umali kokoleka! Kandi umali kukwivilira.”

Hosea 11:1

Yahova avoora, “Lwa Isiraeli yaali mwana inzi ndamuyanza kandi ndamuranga kutura Egebeti kuli mwana wange.

Hosea 11:4

Ndaavaleta nizimbavasi kandi nuvuyanzi. Ndaatuliza inara ku mavega gaavo, kandi nimbaliihiza.

Malaki 1:2

Yahova avooreraa vandu veve, “Inzi ndamuyaanza zing'inga ziosi.” Navuzwa vandu vaativura, “Ivi ukuyaanza kuli ndi?” Yahova yativura, “Esau na Yakobo vaali avamwavo, navuzwa ndayaanza Yakobo.

Varumi 8:30

Kunangwa yavo ava Nyasaye yaahula, yavalanga; navo avayalanga, yavakola vave avalungi harara naye, kandi yaasanga uvukumi vwivwe harara navo.

Varumi 9:13

Kuli Mang'oda Matakatifu gavoora, “Inzi ndayaanza Yakobo, navuzwa ndaduunyira Esau.”

Kwidzulitsa 10:15

Navuzwa vuyanzi vwa yahova yaali navwo ku avaguuga vinyu vwali ovonene kandi vwizingulu ligali, kali natovora munyi, visukululwi viavo muvogono vwa avandu vandi vosi, kandi mukikiri avandu vatovole veve

Kwidzulitsa 33:26

Avandu va Isiraeli, sihaveeye ho na nyasaye kuli Nyasaye winyu mba, uhiraa barasi mu malesi kuuza ku likonya lienyu.

Kwidzulitsa 33:3

Yahova ayaanza avandu veve kandi akingaa yavo avaveeye aveeve. Kunangwa kusigama ha virenge vivie, nukuhulira malago geege.

Kwidzulitsa 4:37

Kigira yayanza avaguuga vinyu, yatovola munyi, visukululwi viavo, kandi kuzinguru zizie zinene yamutuliza mu kivala cha Egebeti.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

1 Yohana 4:19

Kunyi kuyaanza kigira Nyasaye yakuyaanza mu litanga.