Jeremia 31:28 - KITABU KITAKATIFU

²⁸ Kandi kuli ndaahenda mwoyo nukwiiha, nukusambula, nukutung'aminya, nukudiviza, kandi nukuvasambura, kunangwa ndavasingiriza kandi ndavadinyiriza.

Jeremia 31:28 ပူးပေါင်းရင်းမြစ်များ

Ayubu 29:2

O, niiva ndakaveeye kuli mu mieli ja kale. Kandi kuli mu madiku lwa Nyasaye yaanindaa;

Zaburi 102:16

Lwa Yahova aliumbaka Ziyoni vuhia; uvukumi vwo vonene vwivwe vulakaloleke ku avandu.

Zaburi 147:2

Nyasaye yumbaka Jerusalemi vuhia; yiranyia avandu va Isiraeli avaari ni liadikizwa.

Zaburi 69:35

Nyasaye alahonyia avandu va Jerusalemi kandi alumbaka uvuhia amadara gi Ivuyuda; Avandu veve valavugula kivala zana, kandi valamenya mu mihiga ni mihiga.

Jeremia 1:10

Kalunu ngohezanga zinguru ku zihiiri kandi ku vwami, kwiha kandi kusambula, kudiviza kandi kutung'aminya, kwumbaka kandi kusimika.”

Jeremia 1:12

Maku Yahova yambolera, “Ivi ololi vulahi, kigira mbenzerizanga kuduuka ndore ndi amakuva gange gaduukiziywi.”

Jeremia 24:6

Ndavalinda kandi ndavilanyia mukivala yiki. Ndavumbaka na si ndavasambula kandi mba. Ndavakora vasingiri vudinyu kuli misaala jitanyala kwifwa mba.

Jeremia 32:41

Ndasangara kuvakolera vulahi, kandi ndavaviika mu kivala yiki mu vusuuvirifu, nu mwoyo gwange gwosi kandi ni liiva liange liosi.

Jeremia 32:42

“Kuli mali koleta ikivi yiki choosi ku avandu yava vosi, kandi ndio ndaleta uvulahi vwosi kuvo, kuli ndaavalaga.

Jeremia 42:10

‘Niiva mulazizagilira komenya mukivala yiki, hene yaho, ndamunenehiza kandi si ndamugehiza mba; ndamuhonyia kandi si ndamudiviza mba. Lidiviza lia ndaaleeta kumunyi limali kongola kuva novovereri vonene ligali.

Jeremia 44:27

Inzi ndalora ndi munyi si mulagasizwa mba, navuzwa muladivizwa. Munyi vosi avamenyi mukivala cha Egebeti mulakuzira mu liihi anoho mulakuza kigira inzara, kuduuka mwosi muhere.

Jeremia 45:4

“Navuzwa inzi, Yahova, ndasambura ichamali kwumbaka kandi ndiha chamali kutaga. Inzi ndakora yaga ku kivala choosi.

Ezekieli 19:12

Navuzwa gwamanya nigwifwa muvutima vululu, kandi nigusiuvwa ku marova. Imbuza yi kivi yi Ivugwi yuminya makuyu gagwo. Zisia ziagwo ziavunanywa; ziamanya niziuma kandi nizisambwa.

Ezekieli 36:10

Ndamukora avandu vosi va Isiraeli komeedeka. Mulamenya mu madaala manene kandi mulumbaka uvuhia havundu hoosi ahaali nihagwa amang'anye.

Danyeli 9:14

O, Yahova Nyasaye wiitu ivi wetegeka kuhaana mageri ku kunyi, kandi wakola ndio kigira ivi okolaa agaveeye malungi kazozo, navuzwa kunyi si kwahulira mba.

Danyeli 9:25

Uhuliri kandi umanye yaga, kutura ing'inga yi lilago liahaanwa liu kwumbaka vuhia lidaala lia Jerusalemi, kuduuka liza liu mwimiliri wa Nyasaye amali kotovola, mihiga 7 haali 7 jilakaviti. Jerusalemi ilakumbakwe uvuhia ni zinzira kandi lugaga lwi zinguru, kandi lilakasingili kumihiga 7 haali 62, navuzwa yiyi ilakave ing'inga yi kivi.

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Amosi 9:14

Ndilanyia avandu vange Isiraeli mu kivala chavo. Valumbaka vuhia amadara manene gaavo gononywa no komenya mugo; valasimika milimi ji mizabibu na valanwa iwaini yajo. Valataga milimi nu kulia makuyu gajo.

Zekaria 8:14

Yahova Wuvunyali avoora, “Lwa vaguuga vinyu vaanomba kuva nu vutima, ndalohiza kuvaletera kivi, kandi sindagirung'anyia zing'anagani ziange mba, navuzwa ndakora kuli ndalohiza.

Zekaria 8:15

Navuzwa kalunu ndohizaa kugasiza vandu va Jerusalemi ni Ivuyuda. Kunangwa mutatia mba.

Vikolwa 15:16

Mwami ‘Inyima wi vindu yivi inze ndirana, avoora, na ndumbaka vuhia inyumba ya Daudi iyaali niyagwa, kandi ndumbaka ichanyi chayo ndagisingiriza vuhia kandi.

Kwidzulitsa 30:9

Yahova alamugasiza mu viosi viamukoraa ku lwivulu lwi zinda zienyu, kandi lwivulu lwi mitugu jinyu kandi liama linyingi lie milimi jinyu; alava nuvusangali nu kumugaasiza kuli yagasiza avaguuga vinyu.