Jeremia 31:21 - KITABU KITAKATIFU

²¹ Mulombe vimanyiru kunzira; mwenyerizi kandi inzira ya mwaleka. Mwilane, munyi avandu va Isiraeli, muzie yengo mu madaala ga mwaleka.

Jeremia 31:21 ပူးပေါင်းရင်းမြစ်များ

1 Kyetsinyinga 29:3

Kuvita yaga goosi, Inzi mali kuhaana livikiru liange mwene lie zahabu ni feza ku Litembeli kigira vuyanzi vwange kwetegekera liumbaka lie Litembeli lia Yahova Nyasaye wange.

2 Kyetsinyinga 11:16

Avandu kutura mu zihiiri ziosi zia Isiraeli, avenya kusigamira Yahova, Nyasaye wa Isiraeli, valondelera vandu va Levi kuduuka Jerusalemi, kunangwa vave avanyala kuhaana visiuviliru viavo ku Yahova, Nyasaye wa vaguuga vaavo.

2 Kyetsinyinga 20:3

Hene yaho mwami Jehoshafati yaali nu vuti ma niyenya uvulariri vwa Yahova. Mwami Jehoshafati yalandiza lilaga lio kohonga lilia mu Ivuyuda mwosi.

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Zaburi 84:5

Vaveeye nu vugasu yavo avanyoora zinguru ziavo kutura ku ivi, kandi avegombaa kuzia kukusigamira mu kiguru cha Ziyoni.

Tsing'ano 24:32

Ndahenza kuyaga, ninganagana ku go kandi ninziga kutura kugwo.

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Isaya 57:14

Yahova avoora, “Leki avandu vange viirane ku inzi. Mutulizi iviukwikigitariza viosi mu zinzira zia vandu vange! Mwumbake inzira nukujetegekiza!

Isaya 62:10

Munyi avandu va Jerusalemi, muzie mu lidaala linene mulombe inzira ku vandu vinyu avilanaa! Mwetegekize inzira enene, mutulizi amagina muyo! Mugiingi ebendera kuva kuli ekelolero, kunangwa zihiiri ziduuki kumanya;

Jeremia 3:12

Yaanduma kuzia kovoolera Isiraeli, “Avandu va Isiraeli avataveeye avasuuvirifu, mwirane ku inzi. Mbeeye wizimbavasi kandi sindava nu vutima mba; sindava nu vutima nimunyi mihiga ni mihiga mba.

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 31:4

Munyi avandu va Isiraeli avaveeye avuvuguli vudinyu kuli mukaana mugima inzi, kulwayago ndamwumbaka vuhia na muliyumbaka. Munyi mulavina kigira uvusangari kandi mulakuba vikuli vienyu.

Jeremia 46:11

Avandu va Egebeti muzie Gileadi na muhenze zinyasi! Zinyasi zienyu ziosi ziveeye vuzwa; kivulaho kindu kinyala kumuhonyia.

Jeremia 50:5

Navalateeve inzira izizaa Ziyoni ma navazie mulovega lwene yilwo. Valalomba ninzi lilagana litaveeye nekeheri kandi sivaaza valivunanyie mba.

Jeremia 51:50

Yahova avooreraa avandu veve mu Babiloni ndi, “Munyi mumali kohononoka kutura mu likuza! Kalunu muzie, na mutalindagira mba! Kali niiva muveeye ihale kutura yengo, muganagane inzi, Yahova winyu, kandi mwizurizi Jerusalemi.

Jeremia 51:6

Mwiruki kutura mukivala cha Babiloni! Vuli mundu yehonyie umwene! Mutitwa kigira uvwoni vwa avandu va Babiloni mba. Kalunu mbanzaa kisaalia kandi mbana amageri ku vandu yava kuli gavadukiraa.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Ezekieli 40:4

Mundu oyo yambolera, “Mwana wu Mundu ohenze vulahi. Huliriza vulahi ligali, kandi uviiki zing'anagani zizio ku vuli kindu choosi changumanyia, kigira yiki nicho kivuni chagira nengoleta hano; kunangwa kuduuki kovolere avandu va Isiraeli goosi aga ololaa.”

Haggai 1:5

Si muloraa chekoleka ku munyi?

Zekaria 10:9

Kali niiva ndaavasaalanyia hagati hi zihiiri, kali muvivala viehale, valakanzizulizi. Valakahononoke harara na vana vaavo, kandi valakilane yengo harara.

Kwidzulitsa 32:46

yavoola, “Muve na giligali kuhulira amalago yaga goosi aga inzi mali kumuha kalunu. Mwirane kwigiza avana kunangwa vaduuki kolonde amalago yaga goosi aga inzi mali kumuha kalunu mwigizaa avana vinyu malago yaga kunangwa vaduuki kolonda amigizu goosi ga Nyasaye nu vusuuvirifu vwosi.