Jeremia 31:15 - KITABU KITAKATIFU

¹⁵ Yahova avoora, “Mwoyo gwahulirika mu Rama, lihulirika lie lisioma linene ligali Raheli asiomeraa avana veve; vosi vamali kukuza, kandi asuuyi koleminywa mwoyo.

Jeremia 31:15 ပူးပေါင်းရင်းမြစ်များ

Litanga 35:19

Kunangwa, Raheli yakuza; na yayavirwa ahimbi kunzira izizaa Efurazi, havundu hamanyikani kalunu kuli Bezelehemu.

Litanga 37:35

Vayaayi vosi na vakana veve vaza kumuleminya mwoyo, navuzwa yasura koleminywa mwoyo. Yavoola, “Inzi ndakazie hasi mukivala chavakuzu ningisioma muyaayi wange.” Kunangwa yaazizagilira kusioma muyaayi weve Josefu.

Litanga 42:13

Vavoola, “Kunyi avatumikiri vovo kwaali avamwavo 12, mwami wu luyali, avana vu mundu mulala mukivala cha Kanaani. Amwavo wiitu mulala yakuza, kalunu mukekeeke wiitu atigaye na baba wiitu.”

Litanga 42:36

Baba wavo yavavolera, “Munyi mwenya mugole ngotizi avana vange vosi? Josefu yagota. Simioni kandi yagoti, kalunu mwenya muhiri Benjamini kandi. Ni inzi usaliraa!”

Litanga 5:24

Yatia malago ga Nyasaye mu limenya lilie liosi, kandi yatulaho, kigira Nyasaye yamuvugula.

Ayubu 7:21

Kigira ki uvuli kusamiiha mahiolo gange? Kandi kigira ki uvuli kutuliza ho uvudamanu vwange vwosi? Kalunu inzi ndakuza, na ulanyenya ligali, navuzwa siulandola kandi mba.

Zaburi 37:36

Navuzwa lwinyima, mundu oyo siyaloleka mba; ndamwenya ligali, navuzwa siyanyooleka mba.

Zaburi 77:2

Inzi saalaa ku Yahova mu ing'inga yu vudinyu vwange; ng'ingaa amakono gange igulu ku Nyasaye uvudiku vwosi vugira kuluha, navuzwa sinyoolaa lileminywa mwoyo nu mundu wundi woosi mba.

Isaya 10:29

Vamali kwambuka inyambuku, na vaziiye konyoora lisosa lia vudiku ha Geba! Avandu mu lidaala lia Rama vaveeye nu vuti, kandi avandu mu lidaala lia Gibea liu mwami Saolo vamali kwiluka.

Isaya 22:4

Kalunu, mundeke siomere vululu, avandu vange vosi avamali kukuza. Mutagelizi koneminya mwoyo mba.

Jeremia 10:20

Amahema giitu gayononywa; migoye jiagumiraa mahema jimali kukalika. Avana viitu vosi vazia ihale; siaveeyeho kali mulala watigala kwumbaka amahema giitu mba; siaveeyeho kali mulala unyala kusunga zisuka ziago mba.”

Jeremia 40:1

Yahova yamoloma na inzi inyima wa Nebuzaradani, munene wi liihi yaali niyakamboholora ha Rama. Inzi ndaali nimbiriywi yo nivambohi ni minyororo, harara navandu vandi vosi kutura Jerusalemi ni Ivuyuda avahirwa ihale kuli avahambe mu Babiloni.

Lisyoma lya Jeremia 5:7

Avaguuga viitu vakora uvwoni, navuzwa kalunu sivaveeyeho mba, kandi kusalirizwa kigira uvwoni vwavo.

Ezekieli 2:10

kandi yalivambuura imbiri wange; na liali namang'oda zimbega ziosi, na makuva gang'odwa gaali gi lilira, lisioma kandi likenya.

Joshua 18:25

Gaali ho kandi madaala manene gandi komi na ine harara na madaala gago agagakumbiriza, nago ni yaga: Gibeoni, Rama, Beerozi,

Vakalagi 4:5

Yikala mu musaala gwi likindu lia Debora hagati ha Rama na Bezeli, mukivala chivigulu cha Efuraimu. Avandu va Isiraeli vazaa kuye vaduuki kukalagirwa.

1 Samweli 7:17

Maku yiranaa yengo weve mu lidaala lia Rama, uwa yatumika kuli mukalagi. Mu Rama, yumbakira Yahova uvwali.