Jeremia 31:14 - KITABU KITAKATIFU

¹⁴ Inzi ndaha avasaalisi viukulia vinolu, kandi ndigutiza avandu kolondekana ni lienya liavo liosi. Inzi, Yahova mali kovora.”

Jeremia 31:14 ပူးပေါင်းရင်းမြစ်များ

2 Kyetsinyinga 6:41

Kalunu singira, O, Yahova Nyasaye, kandi harara ni Lisandugu lie Lilagana liilio, liveeye kelolero chi zinguru zizio, ma wingiri mu Litembeli ma omenye mu mihiga ni mihiga. Gasiza avasaalisi vovo ku goosi ga vakora, kandi yaanza avandu vovo vosi vave nu vusangali kigira uvulahi vuvwo kuvo.

Nehemia 10:39

Avandu va Isiraeli harara na vandu va Levi valahila engeso yaavo yu vuswage, iwaini impia, nivia maguta ga muzeituni mu zinyumba zia mavikiru umwa iviju ivitakatifu vie Litembeli vivikwa, kandi umwa avasaalisi, avaveeye ku miyinzi, avalindi vukulinda virivwa vie Litembeli, na vasangi vi Litembeli, na avukwimba ikwaya vaveeye ni zinyumba ziavo ziokomenya mu. Kunyi sikulaleka inyumba ya Nyasaye wiitu kali hakuzu mba.

Zaburi 107:9

Yahova ahaanaa amazi makindu ku yavo avaveeye nuvuluhu, kandi yigutizaa yavo avaveeye ni inzara ni viukulia vilahi.

Zaburi 132:16

Ndagasiza avasaalisi valio mu viosi via vakora, kandi avandu valio valimba nukukuba isango kigira uvusangari.

Zaburi 132:9

Leka avasaalisi vovo vakole agaveeye malungi kazozo; leka avandu vovo vakubi isango kigira uvusangari!

Zaburi 17:15

Navuzwa inzi ndakalole ivi kigira mbeeye mu vulungi. Lwa mbuukaa, ndiizura uvusangari kigira mali kolola ivi.

Zaburi 36:8

Kulizaa viukulia vilahi vinyingi via uhaanaa kuli mugera gwiturukaa. Kandi ivi olekaa kunwi kutura mu mugera gwu vulahi vuvwo.

Zaburi 63:2

Leka ngolole ahatakatifu hoho, leka ndore zinguru zizio kandi uvukumi vuvwo.

Zaburi 63:5

Mwoyo gwange gulalia nukwiguta kuli mulala ulizaa uvuhale nizitinya mu lilia, na ndimba zinyimbu ziu vusangali mu lizominya ivi.

Zaburi 63:6

Lwa ng'onaa mu kidali change, nzizulizaa ivi; ng'anaganaa ivi uvudiku vwosi,

Zaburi 65:4

Vaveeye nuvugasu yavo avaotovolanga, nukuvaleeta vaduuki komenya ahatakatifu hoho. Kunyi kulakigutizwi ni vindu vilahi iviveeye munyumba yooyo, uvugasu vwi Litembeli liilio litakatifu.

Zaburi 85:13

Uvulungi vulimila imbiri wa Yahova, nukumwetegekizira inzira yalonda ku.

Zaburi 90:14

Okohe uvuyanzi vuvwo vutali nekeheri vuli mugamba zuri. Kunangwa kuduuki kwimba nukusangara mu livamwoyo lietu liosi.

Lwimbu lwa Solomoni 5:1

Inzi mali kwingira mu mulimi gwange, muyanze wange, kandi muselerwa wange, mbungizaa mudalasini gwange kandi vifunya mwayu, ndiza vwuki na mana gene; Nwezaa iwaini yange kandi maveere gange. Vayanze vange, mulie kandi munwi kuduuka lwa muhaambika vuyanzi!

Isaya 25:6

Ku kiguru cha Ziyoni, Yahova Wuvunyali alaketegekizi iliilia linene kigira zihiiri ziosi zie lirova, iliilia lie viukulia vinolu ni iwaini indahi ligali.

Isaya 61:6

Navuzwa munyi mulalangwa avasaalisi va Yahova, avatumikiri va Nyasaye wiitu. Mulalia nu kusangalira uvutugi vwi zihiiri, kandi nu kwiyizominya nokovoora ndi uvutugi yivu voveeye uvwinyu.

Jeremia 31:25

Inzi ndakahane zinguru kuyavo avaliva nivaluhi kandi ndakigutizi vuli mundu uliva mudedekere kigira inzara.

Jeremia 33:9

Jerusalemi ilava kuli kisenukiru chu vusangali, uvukumi kandi lizominywa, kandi zihiiri ziosi zie lirova zilava nu vuti kandi ni lidegera lwa zihulira kigira vindu vilahi via ngolera avandu va Jerusalemi kandi kigira ligasizwa liambaana ku lidaala yili.”

Jeremia 50:19

Inzi ndiranyia avandu va Isiraeli mukivala chavo. Navalie viukulia viviruka ku kiguru cha Karimeli kandi numukivala cha Bashani. Navalie viosi viaveenya kutura ku vitagwa viviruka muvivala via Efuraimu na Gileadi.

Ezekieli 34:14

Nangakole nagaye mu lisoolwa mu vulimu vwu mu kiguru kandi mu mavoona nu muvwayiru vwosi vulahi vwi kivala cha Isiraeli.

Haggai 2:19

Kali niiva si koveeye nu vuswage vutigaye, kandi amakuyu, mizabibu, mukomanga, kandi misaala ja muzeituni gitatulizaa makuyu, navuzwa kutura kalunu kuzizagilira, ndamugasiza.”

Matayo 5:6

“Vaveeye nuvugasu avaveeye ninzara kandi vuluhu vwu vulungi, kigira valigutizwa.

Vafeso 1:3

Lizominywa live ku Nyasaye Baba wu Mwami wiitu Yeso Kristo, uwagasiza kunyi nuvugasu vwosi vwu mu Roho uvutulaa mwigulu kuvitira mu Kristo.

Vafeso 3:19

Yee, muduuki kumanya uvuyanzi vwa Kristo uvuvitaa limanya liosi, ndi muduuki kwizulwa ligali nu vuduukiru vwosi vwa Nyasaye.

Kwidzulitsa 33:23

Yavoola ku ihiiri ya Nafutali: “Nafutali agaasiziywi nu vutugi ni liyaanzilira lilahi lia Yahova; kivala chavo kiduukaa isavaalu kutura kunyanza ya Galilaya.”

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

Likunula 5:10

Ivi umali kuvakola vave vami kandi avasaalisi kutumikira Nyasaye wiitu, kandi valamiha ku lirova.”