Jeremia 31:13 - KITABU KITAKATIFU

¹³ Kunangwa vakana valavina kandi valayaanza, kandi avasaza, vasoleri navakulundu valasangala. Inzi ndavaleminya mwoyo nukugirung'anyia lisioma liavo kuva vuyanzi, ovovereri vwavo kuva uvusangari.

Jeremia 31:13 ပူးပေါင်းရင်းမြစ်များ

Ezara 6:22

Avandu yava valia nivasangalira lisavo liu mugadi gutaveeye mu na mamera ku madiku saba. Vaali nuvusangali ligali kigira Yahova yaali nagirung'anyi zing'anagani ziu mwami wa Asiria kuva ni liyaanzilira kuvo. Yaavadinyiriza kandi navakonya ku miyinzi jaavo jukumbaka uvuhia Litembeli lia Nyasaye wa Isiraeli.

Nehemia 12:27

Lwa Lidigi lie Lidaala Linene lia Jerusalemi liatakaswa, vandu va Levi valetwa kutura wavaali ni vamenyi kuza kusangaa mu Lisangala Lilitakaswa lie lidigi lie Lidaala, linene, mulimba zinyimbu ziu kusandiza Nyasaye nu vukana na madungu.

Nehemia 12:43

Lidiku yilio, vahaana visiuviliru vinyingi, na avandu vizura vusangali vonene ligali kigira Nyasaye yaali navakoli kuva nu vuyanzi ligali. Avakali na avana vasanga mu lisangala zana, kandi liyoga lia valomba liahulirika kuduuka ihale na ihale.

Esther 9:22

Yaga gaali amadiku ga Avayuda vanyoola ovovoholore kutura ku avasigu vaavo. Yigu gwaali umweli gwagirung'anywa kutura kung'inga yo vovereri kuduuka mung'inga yu vusangali nu vuyanzi. Vavolerwa vizulizi amadiku yaga kuva agi lilia kandi agu vusangali; agu kuhaanirana vihaanwa vie viukulia ku aveene na aveene kandi ku avadaka.

Zaburi 126:5

Leka yavo avamiiza uvuguza namaliga, vaavungize ligesa nuvusangali!

Zaburi 148:12

Avakaana na vayaayi vasoleri, avasaakulu kandi navana harara.

Zaburi 149:3

Mwizominye lieta lilie mu livina. Mukubi zindumba nuvukana mu limwizominya.

Zaburi 30:11

Ivi umali kugirung'anyia ovovereri vwange kuva vusangali; umali kutuliza ho ovovereri vwange na ungumbirizi nuvusangali.

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 51:11

Yavo ava umali kohonyia valilana Jerusalemi mu nuvusangali, nivimba kandi nivahanzuka kigira uvusangari. Valayaanza mihiga ni mihiga, kigira vovereri nilisioma vilatulizwa ho mihiga ni mihiga.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 60:20

Liuva lienyu si lilayeera mba, anoho mweli gwinyu si gulatulaho mba; Inzi Yahova ndava uvulavu vwinyu mihiga ni mihiga, kandi amadiku gi lisioma lienyu galaduuka ku keheri.

Isaya 61:2

Yaanduma kwilwaza ndi, ing'inga imali kuduuka, lwa Yahova ahonyia avandu veve, kandi alaguuta avasigu veve. Yaanduma koleminya mioyo ja yavo vosi avasioma.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 31:4

Munyi avandu va Isiraeli avaveeye avuvuguli vudinyu kuli mukaana mugima inzi, kulwayago ndamwumbaka vuhia na muliyumbaka. Munyi mulavina kigira uvusangari kandi mulakuba vikuli vienyu.

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Zekaria 8:19

“Lihonga kulia liu mweli gwa 4, mweli gwa 5, mweli gwa 7 kandi mweli gwa 10, ilakave ing'inga ya masavo gu vuyanzi harara nu vusangali ku vandu vi Ivuyuda. Gamuduukira muyanze kokora giligali kandi mirembe.”

Yohana 16:22

Munyi kandi muveeye novovereri kalunu; navuzwa ndakavalole kandi, na munyi mulizula vusangali mu mioyo jinyu, nu vusangali vwinyu vwene yivwo sihaveeyeho numundu ulivutuliza ku munyi mba.

Vakalagi 21:21

ma muhenze. Lwa vakana va Shilo vaza kuvina, vuli mulala ku munyi muturi mu milimi ji mizabibu, na mwivuguliri vakali kuzingulu kutura mu vakana zana yavo, ma mwiluki navo kuduuka mu kivala cha Benjamini.