Jeremia 31:1 - KITABU KITAKATIFU

¹ Yahova avoora, “Ing'inga yiza lwandakave Nyasaye wi zihiiri ziosi zia Isiraeli, kandi valakave avandu vange.

Jeremia 31:1 ပူးပေါင်းရင်းမြစ်များ

2 Samweli 7:24

Umali kokora Isiraeli kuva avandu vovo ivi mwene mihiga ni mihiga; kandi ivi Yahova, umali kuva Nyasaye wavo.

Zaburi 144:15

Vaveeye nu vugasu avaveeye ni liiva kuli yili, kandi vaveeye nu vugasu yavo ava Nyasaye aveeye Yahova wavo.

Zaburi 48:14

“Nyasaye uyu aveeye Nyasaye wiitu mihiga ni mihiga; alakwimilira ku zing'inga ziosi izizaa.”

Isaya 20:6

Lwi ing'inga yene yeyo iliduuka, avandu vamenyi ahimbi ni lidaala lia Filisitia valakavoole, ‘Heenzi kugamali kokoleka ku avandu vakwasuuviraa vakukingi kutura ku mwami wa Asiria! Kunyi kunyala ndi kohona?’ ”

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Jeremia 3:18

Avandu va Isiraeli valahaambana harara na vandu vi Ivuyuda, navosi harara valatura muvuhambe mukivala cha Ivaale navalilana mukivala chandaha avaguuga vaavo kuva imiandu ji mihiga ni mihiga.”

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 30:22

Navave avandu vange, kandi inzi ndava Nyasaye wavo. Inzi Yahova mali kovora.”

Jeremia 30:24

Uvutima vwa Yahova vululu sinavugirung'ane mba kuduuka lwa naduukizi ilienya liezing'anagani zizie. Mumadiku gaaza mulakamanye yaga.

Jeremia 30:3

kigira ing'inga yiza lwananziranyie avandu vange va Isiraeli na Ivuyuda. Inzi ndakaviranyiri mukivala chandaahana ku avaguuga vaavo, kandi na vavuguli imiandu jiacho. Inzi, Yahova mali kovora.”

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 32:38

Maku, valava avandu vange, na inzi ndava Nyasaye wavo.

Jeremia 33:14

Yahova avoora, “Ing'inga yiza lwa inzi ndiduukiza lilagana liange liandalomba ku avandu va Isiraeli ni Ivuyuda.

Jeremia 33:7

Ndiilanyila avandu vi Ivuyuda kandi avandu va Isiraeli uvutugi vwavo, nu kuvakola vave kuli valange maziambiri.

Jeremia 50:4

Yahova avoora, “Lwing'inga yeyo iliduuka, avandu vombi va Isiraeli ni Ivuyuda valakaze nivalira, nivenya inzi, Nyasaye wavo.

Ezekieli 11:20

Maku valakalonde malago gange muvusuuvirifu vwosi valakave avandu vange na inzi ndakave Nyasaye wavo.

Ezekieli 34:24

Inzi, Yahova ndava Nyasaye wavo, kandi mwami kuli mutumikiri wange Daudi naave mwamihi wavo. Inzi mali kovora.

Ezekieli 34:31

“Munyi muveeye magondi gange, chayo cha nindaa ekeveeye avandu vange kandi mbeeye Nyasaye winyu,” Mwami Munene Yahova avoora.

Ezekieli 36:28

Maku mulakamenye mu kivala cha ndahaana ku vaguuga vinyu. Mulakave vandu vange na Inzi ndakave Nyasaye winyu.

Ezekieli 39:22

Avandu va Isiraeli valamanya kutura kalunu ndi, Inzi mbeeye Yahova Nyasaye wavo.

Ezekieli 39:25

Yahova Wuvunyali yavoola, “Navuzwa kalunu ndava ni zimbavasi ku visukululwi via Yakobo, avandu va Isiraeli, kandi ndavagasiza. Ndasoora lieta liange litakatifu.

Hosea 1:11

Avandu va Isiraeli kandi avandu vi Ivuyuda valakahambane harara. Valaketovolere aveene mwimiliri mulala, kandi valazizagilira konyoora uvutugi mu kivala chavo aveene. Yee, Lidiku lia Jezireeli lilava linene ligali!

Kyavalevi 26:12

Ndava ni munyi; Ndava Nyasaye winyu, na munyi mulava avandu vange.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Yohana 20:17

Yeso yamuvolera, “Utang'umira mba; Ngikiri kwanigira igulu wa Baba. Navuzwa zia ku avamwavo vange uvavoolere, ‘Nzirana ku uyu oveeye Baba wange kandi Baba winyu; Nyasaye wange kandi Nyasaye winyu.’ ”

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Vahebraina 12:16

Muhenze vulahi, gase alava ho nu mulala ku munyi oveeye ni kifavwi chovoheyi anoho uvula kutia Nyasaye kuli Esau, wagamana uvulungi vwivwe kuli muyaayi munene ku chukulia.