Jeremia 29:32 - KITABU KITAKATIFU

³² Kunangwa, ndahaana amageri kuye harara ni visukululwi vivie. Sialakaveho mundu kali mulala ulimenya hagati ha avandu yava ulilola uvulahi vwa ndakakolele avandu vange, kigira amali kwibaala ku inzi Yahova.”

Jeremia 29:32 ပူးပေါင်းရင်းမြစ်များ

1 Avami 13:18

Maku muporofeti musakulu kutura Bezeli yamuvolera, “Inzi, mbeeye muporofeti kuli ivi, na ku lilaga lia Yahova, engelosi amboleeye nguvuguli nguhile yengo wange kandi ngogenihizi niviukulia kandi unwi amazi.” Navuzwa muporofeti musakulu oyo yaali namugandaa.

2 Avami 5:27

Na kalunu, ovogere vwa Naamani vulaza ku ivi, na ivi harara ni visukululwi vovo mulava navwo mihiga ni mihiga!” Lwa Gehazi yatura, yaali novogere, ligodo lilie liali lilavu kuli likonza.

2 Avami 7:2

Munene wu mwami wa himbi ligali yavolera muporofeti Elisha, “Yago siganyala kwekoleka ku mba kali niiva Yahova mwene yakatumi uvuswage kuli imbura ku ing'inga ndala!” Navuzwa Elisha yamuvolera, “Ivi ulagalola nigekolekaa, navuzwa si ulalia ku chukulia yicho kali hakuzu mba.”

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Isaya 14:20

Ivi siulatevwa kuli avami vandi mba, kigira wayononyia kivala chicho kandi wayita avandu vovo umwene. Kisukururwi cha yavo avakolaa uvudamanu sivalizulizwa kandi mba!

Isaya 14:22

Yahova Wuvunyali avoora, “Inzi ndingilira kivala cha Babiloni kandi ndakidiviza. Kindu kali kilala si kilatigala mucho mba, avana anoho mundu kali mulala sivalatigala mba. Inzi Yahova mali kovora.

Jeremia 17:6

Aveeye kuli uvulimu voveeye mu changalangwi, kandi sialalola uvulahi vwosi mba. Alamenya havundu haveeye ahumu mwigendanyama, mukivala chijumbi chu mundu atamenyaa mu.

Jeremia 20:6

Na ivi Pashuri, harara na avandu vi inyumba yooyo mulagumirwa nu kuhirwa mu vutugwa mukivala cha Babiloni. Uwene yeyo ulakuzira yo kandi ulatevwa yo, harara na avalina vovo vosi avawavooleraa ovovehi vunyingi ligali.’ ”

Jeremia 22:30

“Mundu oyo amali kukalagirwa ku agotiza avana veve, kandi mundu unyala kuzizagilira mba. Si alakave ku ni visukululwi iviliamiiha mu Ivuyuda kuli avavugura uvwamihi kutura ku Daudi mba. Inzi Yahova, mali kovora.”

Jeremia 28:16

Kunangwa, Yahova mwene avoora ndi, alakutuliza ku kivala muhiga gunu nigukiri kufwa, ulakuza kigira umali kovoolera vandu kwibaala ku Yahova.”

Jeremia 29:24

Likuva lia Yahova liaduuka ku inze kovoolera Shemaya Munehelami ndi,

Jeremia 30:1

Yahova, Nyasaye wa avandu va Isiraeli,

Jeremia 35:19

Kunangwa inze, Yahova Wuvunyali, Nyasaye wa Isiraeli, ndagaa ndi Jonadabu mwana wa Rekabu nave nikisukululwi musaza wu kundumikira mihiga ni mihiga.”

Jeremia 36:31

Ndakahaane amageri ku ivi, visukululwi vivio, kandi avanene vovo kigira uvwoni vwa mumali kokora. Ivi anoho avandu va Jerusalemi ni Ivuyuda si mwahulira lieganihiza liange mba. Kulwayago, ndakaleteku munyi vosi kivi cha mali koleta kuli litihiza.”

Ezekieli 20:38

Ndatuliza hagati hinyu yavo avaveeye vukwibaara kandi avoni nu kuvahila ihale ligali. Ndavatuliza muvivala viavamenyimu kalunu, navuzwa si ndaleka viirane mu kivala cha Isiraeli mba. Maku mulamanya ndi Inzi mbeeye Yahova.”

Amosi 7:17

Kunangwa, Amazia, Yahova avoora, ‘Mukali woovo alagwa liraya mu lidaala linene kandi avana vovo vayaayi na avakaana valitirwa mu vulwani. Miandu jijo jilagavulanywa nokohevwa avandu vandi; na ivi mwene ulakuzira mu kivala cha avandu vatamanyi Nyasaye. Avandu va Isiraeli navo valavugulwa kutura mu kivala chavo chene nu kuhilwa ihale mu liadikizwa!’ ”

Amosi 9:10

Avuvwoni hagati ha avandu vange valitirwa mu vulwani. Yaavo vosi avaavoolaa, ‘Nyasaye sialaleka uvudamanu vwosi ukuuza himbi ni kunyi.’ ”

Kwidzulitsa 13:5

Muporofeti oyo anoho mulooti oyo kuduuka yiitwi, kigira yilwaza liebaala ku Yahova Nyasaye winyu, uwamuleta kutura mu kivala cha Egebeti wamwaali vatugwa. Vandu kuli yava vadamanu, kandi vageriza kumutuliza kunzira ya Yahova Nyasaye winyu yamulaga mulonde ku. Kuduuka viitwi kunangwa mutulize uvudamanu voveeye hagati hinyu.