Jeremia 29:22 - KITABU KITAKATIFU

²² Lwa avandu vaahirwa mu vuhambe kutura Jerusalemi kuzia Babiloni venya kulaama mundu, valavoora ndi, ‘Yahova, yaanza uvakolere kuli wakolera Zedekia na Ahabu, avu mwami wa Babiloni yasamba mu muliru nivakikiri mwoyo!’

Jeremia 29:22 ပူးပေါင်းရင်းမြစ်များ

Litanga 48:20

Kunangwa Yakobo yavagasiza lidiku liene yilio, navoora, “Avandu va Isiraeli valakatumikiri amita ginyu lwa valiva ni vahaana ligasiza. Valakavoole, ‘Nyasaye ayaanze akole ivi kuva kuli Efuraimu na Manase.’ ” Munzira yiyi Yakobo yavika Efuraimu imbiri wa Manase.

Zaburi 102:8

Avasigu vange vanyega umbasu gwosi; yavo avangoleraa kehenyahenye vatumikira lieta liange mu lilaama.

Isaya 65:15

Avandu vange avatovole valatumikira lieta lienyu kuli kilaamo. Inzi Yahova Nyasaye ndamwita, navuzwa ndahaana lieta lihia ku yavo avahulira inzi.

Danyeli 3:21

kunangwa vavavoha ni viviki zinguvu ziavo! Mashati, ziganza, zikofia ni vindi viosi, ma nivavasiuva mu kisambiru cho lomemo lwu muliru.

Danyeli 3:6

Mundu woosi uvula ku chinamira kandi kukisigamira, alasuuvwa mu lomemo lwu muliru.”

1 Vakorintho 16:22

Ku vosi mundu natayaanza Umwami, alaamwe. Umwami wiitu hamba!

Ruth 4:11

Avandu vosi avaari mukirivwa, navakulundu vavoola; “Kunyi koveeye avalolekizi. Yahova akole mukali woovo ave kuli Raheli na Lea, avivulira Yakobo avana vanyingi nivumbaka Isiraeli. Na ivi ugaasizwi, ove mutugi mu ihiiri ya Efurazi kandi ove wilieta linene mu Bezelehemu.