Jeremia 29:21 - KITABU KITAKATIFU

²¹ “Yahova Wuvunyali, Nyasaye wa avandu va Isiraeli, amali kovora kigira Ahabu mwana wa Kolaia na Zedekia mwana wa Maaseia, avavoora kumunyi ovovehi mu lieta lilie. Avoora ndi alamuviika mu zinguru zia Nebukadineza, mwami wa Babiloni, naye alaviita imbiri winyu.

Jeremia 29:21 ပူးပေါင်းရင်းမြစ်များ

Jeremia 20:4

Yahova mwene avooye, ‘Ndakokola ove mutiihizi ku avalina vovo vosi kandi ku ivi mwene, kandi avasigu vaavo valitirwa mu vulwani imbiri woovo. Nziza kuviika avandu vosi vi Ivuyuda mu vwamihi vwu mwami wa Babiloni; alavugula avandu valala avahili mukivala cha Babiloni kuli avahambe na avandu vandi alavita.

Jeremia 20:6

Na ivi Pashuri, harara na avandu vi inyumba yooyo mulagumirwa nu kuhirwa mu vutugwa mukivala cha Babiloni. Uwene yeyo ulakuzira yo kandi ulatevwa yo, harara na avalina vovo vosi avawavooleraa ovovehi vunyingi ligali.’ ”

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Jeremia 29:15

“Munyi muvooraa ndi, Yahova umali kumuha avaporofeti mu Babiloni.

Lisyoma lya Jeremia 2:14

Avaporofeti vinyu vaamugada na malola gataali gagiligali; mu voporofeti vwavo, si vavoola havulavu uvwoni vwinyu kunangwa muduuki kwiranya miandu jinyu mba, navuzwa vaamuvolera malola gataali gagiligali kandi gu kuvachaminya.

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.