Jeremia 29:18 - KITABU KITAKATIFU

¹⁸ Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 29:18 ပူးပေါင်းရင်းမြစ်များ

2 Kyetsinyinga 29:8

Kigira yaga, Yahova umali kuvihilirwa avandu vi Ivuyuda na Jerusalemi, na agaamali kuvakolera, gaveeye agu kutihiza ligali ku vuli mundu. Munyi mumanyi vulahi ligali.

Zaburi 44:11

Wakokola kuva kuli magondi agahilwa kwitwa. Wakusalanyia mu kivala cha vandu vi zihiiri.

Isaya 65:15

Avandu vange avatovole valatumikira lieta lienyu kuli kilaamo. Inzi Yahova Nyasaye ndamwita, navuzwa ndahaana lieta lihia ku yavo avahulira inzi.

Jeremia 15:4

Ndakora vandu vu mukivala choosi kuva nu vuti ovonene ligali kigira vindu vidamanu via Manase mwana wa Hezekia yakola mu Jerusalemi lwa yaali mwami wi Ivuyuda.”

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 19:8

Inzi ndakaleete lidiviza liukutihiza ku lidaala yili na vuli mundu ulivitira mu lio alakegose nokogenya.

Jeremia 24:10

Ndaleta iliihi kuvo, inzara kandi uvulwaye kuduuka vosi valadivi. Si halakaveho kali na mulala ulitigala mu kivala cha ndaavaha harara na avaguuga vaavo mba.”

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Jeremia 27:8

“Navuzwa niiva ihiiri yoosi anoho uvwami vwosi si vulatumikira Nebukadineza mwami wa Babiloni, kandi niiva si valamutia nu kwegehiza imbiri weve, inzi Yahova ndahaana amageri ku ihiiri yeyo mu liihi, ninzara enene kandi nuvulwaye kuduuka lwa mwami Nebukadineza avadiviza ligali.

Jeremia 29:17

Yahova Wuvunyali avoora, ‘Inzi ndaleta kuvo iliihi, inzara enene ligali kandi uvulwaye, kandi ndavakora vave kuli amakuyu gaguunda agaveeye amadamanu ligali kali agatanyala kulivwa mba.

Jeremia 29:22

Lwa avandu vaahirwa mu vuhambe kutura Jerusalemi kuzia Babiloni venya kulaama mundu, valavoora ndi, ‘Yahova, yaanza uvakolere kuli wakolera Zedekia na Ahabu, avu mwami wa Babiloni yasamba mu muliru nivakikiri mwoyo!’

Jeremia 32:24

“Avandu va Babiloni vamali kwumbaka vitumi kukumbiriza lidaala linene kandi kuligumira nu kulingilira. Liihi, inzara enene kandi vulwaye vilalomba lidaala linene yili kuva mu zinguru zia avandu va Babiloni. Goosi aga walaga gamali kuduukizwa.

Jeremia 34:17

Kunangwa kalunu, Inzi, Yahova, mboraa ndi munyi simwatia inzi mba: Simwavoholola vandu va Isiraeli vache vinyu mba. Nivulahi, nitali inzi ndamuha ovovoholore vwavo mba. Nivulahi, nitali inzi ndamuha ovovoholore: Ovovoholore kukuzira muvulwani, nuvulwaye kandi ninzara. Ndakora vuli ihiiri mulirova kuva nuvuti vonene ligali kuli agamungolera.

Jeremia 42:18

“Yahova, Nyasaye wa avandu va Isiraeli avoora, ‘Kuli uvutima vwange uvululu vwali ku avandu va Jerusalemi, nindio uvutima vwange uvululu vulakave ku munyi niiva mulazia komenya mukivala cha Egebeti. Mulava avandu vu kutihizwa, vokonyegwa kandi vikilaamo. Simulakalole kivala yiki kandi mba.’ ”

Jeremia 44:12

Avandu vosi avatigara Ivuyuda kandi avamali kotovola kuzia komenya mu kivala cha Egebeti, vosi valadivizwa. Vosi avanene ku avakeekeke valitirwa mukivala cha Egebeti mu liihi anoho ninzara. Valava litihiza, kandi avandu valavakolera kehenyahenye kandi valatumikira amita gaavo kuli kilaamo.

Jeremia 44:22

Kuduuka kalunu ndi, kivala chiinyu keveeye amang'anye kandi mundu siamenyi mucho mba. Kimali kugwa havundu hu kutihiza, kandi avandu vaatumikira lieta liacho kuli kilaamo, kigira Yahova si yaali anyala kwikuzira uvuchamu vwinyu kandi vikolwa vienyu vidamanu mba.

Ezekieli 12:15

“Lwa nambasalanyiri mu zihiiri zindi, kandi muvivala vigeni, navamanye ndi, inzi mbeeye Yahova.

Ezekieli 22:15

Inzi ndasalanyia avandu vinyu mu vuli kivala kandi ihiiri kandi ndaheriza vikolwa vienyu vidamanu.

Ezekieli 23:46

Yaga nigo ga Yahova Wuvunyali avoora, “Ndaleta muganda gwa vandu kutihiza vakali yava kandi kuvanura.

Ezekieli 36:19

Ndaavakalagira kolondekana ni limenya liavo kandi ni vikolwa viavo, kandi ndavasalanyia hagati hi zihiiri mu vivala vigeni.

Ezekieli 5:15

“Munyi mulava mu manyego kandi mu likolerwa kehenyahenye, mu lieganihizwa kandi kindu chukutiihiza ku zihiiri ziveeye ahimbi na munyi lwa mbana amageri ku munyi mu vutima vwange kandi nu muligondoka.

Ezekieli 6:8

“Inzi ndakaleke valala vahononoke ku liitwa kandi vasalanywi hagati hizihiiri,

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Amosi 9:9

“Ndalaga, na ndasesa avandu va Isiraeli kuli uvuswage vosesaa koloderu. Ndavasesa hagati hi zihiiri nduuki kutuliza ho vosi avataveeye avalahi avatakonya kindu.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Zekaria 7:14

Ndavasalanyia kuli kiihi nimbahila komenya muvivala vio vogeni. Kivala kilahi yiki chaalekwa chere vugira mundu komenya mucho.”

Zekaria 8:13

Avandu vi Ivuyuda kandi avandu va Isiraeli! Mumadiku gaavita vageni vaalaamana ni vavoola, ‘Kivi kilala chere chaduuka ku vivala vie Ivuyuda na Isiraeli kimuduukili.’ Navuzwa ndakamuhonye, maku vageni yavo valakavoolerane, ‘Mwaza nyora vugasu vwi Ivuyuda na Isiraeli vanyoola!’ Kunangwa muve avaluviriri kandi mutatia mba.”

Livalidza 5:27

Niiva yakola ovoheyi nokweyonogonyia umwene, amazi yaga galaleeta kuye vusaliri vululu. Inda yeeye ilavimba kandi vukali vwivwe vulaniala; kandi alava kilaamo hagati ha vandu veve.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Kwidzulitsa 28:25

“Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 28:37

Muvivala via Yahova alimusalanyira mu, avandu valegosa ku gamali kwekoleka ku munyi. Valamukolera kehenyahenye na manyego.

Kwidzulitsa 28:64

“Yahova alamusalanyia hagati hi zihiiri ziosi kutura kolovega lulala lwe keheri chi lirova kuduuka kolovega lundi, kandi uwene yeyo mulatumikira avanyasaye valombwa kutura ku misaala na magina, avanyasaye va munyi anoho avaguuga vinyu vavura kusigamira amaziambiri.