Jeremia 29:14 - KITABU KITAKATIFU

¹⁴ Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 29:14 ပူးပေါင်းရင်းမြစ်များ

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

Zaburi 126:1

Lwa Yahova yaakwiranyia mu Jerusalemi kutura mu vuhambe, gaali vuzwa kuli amalooto!

Zaburi 126:4

O, Yahova, ukwiranyie mu kivala chietu, kuli imbura yiranyia amazi mu migera jakama.

Zaburi 32:6

Kunangwa, avandu vovo avasuuvirifu vosi kuduuka vasaale ku ivi mu ing'inga ya vaveeye mu vudinyu; lwu vudinyu vunyingi kuli amazi gi migelera gaaza zimbiru kuvamira, sigaladuuka kuvo mba.

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 43:5

Mutatia mba kigira inzi mbeeye harara nimunyi! “Ndaleta kisukururwi chienyu kutura Ivugwi kandi ndamuvungiza harara kutura Imadioli.

Isaya 43:6

Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Isaya 55:6

Mugirung'ane muzie ku Yahova na musaale kuye, lwaveeye ahimbi.

Jeremia 12:15

Navuzwa lwamba nindakavahira ihale, ndakavaveere zimbavasi; ndilanyia vuli ihiiri mukivala chavo kandi mulirova liavo.

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Jeremia 30:3

kigira ing'inga yiza lwananziranyie avandu vange va Isiraeli na Ivuyuda. Inzi ndakaviranyiri mukivala chandaahana ku avaguuga vaavo, kandi na vavuguli imiandu jiacho. Inzi, Yahova mali kovora.”

Jeremia 31:16

Mulekere lilira kandi mweye amaliga ginyu. Goosi agamumali kokolera avana vinyu kuduuka namuhevwe amadanyi; navirane kutura mukivala chumusigu.

Jeremia 31:17

Lisuuvirizwa liveeyeho ku ing'inga yinyu yiza; avana vinyu valakirane hango haavo. Inzi, Yahova mali kovora.

Jeremia 31:23

Yahova Wuvunyali, Nyasaye wa avandu va Isiraeli avoora, “Lwa naziranyie avandu mukivala chavo, vaza viraniri kovora mukivala chi Ivuyuda kandi namadaala gayo gene, ‘Yahova agaasizi kiguru kitakatifu cha Jerusalemi, havundu hatakatifu ahamenyaa.’

Jeremia 51:10

Yahova avoora, “Avandu vange vahanzuka, ‘Yahova amali kumanyia ndi kunyi koveeye mu vulungi. Gendi kuzie kovolere avandu mu Jerusalemi aga Yahova Nyasaye wiitu amali kokora.’ ”

Jeremia 8:3

Avandu vi ihiiri indamanu yiyi avatigara, valakamenye havundu aha ndavasalanyira hoosi ahamali kuvahila; valakenye kukuza muvogono vwu kuzizagilira komenya. Inzi Yahova Wuvunyali mali kovora.”

Ezekieli 37:21

Maku uvavoolere ndi, Inzi Yahova Wuvunyali, nziza kuvugura vandu vange kutura mu zihiiri wa vaali nivamali kuzia, ndavavungiza harara, kandi ndaviranyia mu kivala chavo.

Ezekieli 39:25

Yahova Wuvunyali yavoola, “Navuzwa kalunu ndava ni zimbavasi ku visukululwi via Yakobo, avandu va Isiraeli, kandi ndavagasiza. Ndasoora lieta liange litakatifu.

Amosi 9:14

Ndilanyia avandu vange Isiraeli mu kivala chavo. Valumbaka vuhia amadara manene gaavo gononywa no komenya mugo; valasimika milimi ji mizabibu na valanwa iwaini yajo. Valataga milimi nu kulia makuyu gajo.

Mika 4:12

Navuzwa zihiiri yizi sizimanyi agaveeye mu zing'anagani zia Yahova mba. Si zimanyirizi ndi zivungiziywi harara kohevwa amageri kuli vuswage voletwa koloze ma vuhuulwa.

Zefania 3:20

Ing'inga yiza! Lwa ndakilanyie yengo avandu vinyu vosi avasalanywa; Ndakamukole kumanyikana mu kivala choosi, kandi ndakamukole konyoora miandu.” Yahova umali kovora.

Varumi 10:20

Isaya aluvilira ligali kovora, “Mali konyoolwa na yavo avaavura konyenyeriza; mali kwivuula mwene ku yavo avaavura kondeeva.”

Kwidzulitsa 30:1

“Mali kumuha mutovola hagati hi ligasizwa ni kilaamo. Lwi vindu yivi viosi vimali kokoleka ku munyi, kandi mumenyi hagati hi zihiiri zia Yahova Nyasaye winyu umali kumusalanyia, mwilizulizi litovola lia ndamuha.

Kwidzulitsa 30:3

maku Yahova, Nyasaye winyu alava ni zimbavasi ni munyi. Alamwiranyia kutura mu zihiiri uwa yaali namali kumusalanyia kandi alamukola muve ni limeedeka.

Kwidzulitsa 30:5

kunangwa muduuki kuvugura kivala cha avaguuga vinyu vamenya mu maziambiri. Kandi alamukola muve vanyingi ligali kuvita avaguuga vinyu.

Kwidzulitsa 4:7

“Sihaveeye ho nihiiri yindi, kali neveeye enene, eveeye na nyasaye oveeye ahimbi ligali kuvo lwa vamwenyaa kuli Yahova Nyasaye wiitu aveeye ku kunyi mba. Akutivulira lwa kumwaniraa.